Tulaai Leitung Thuthang
tuamtuam updates September 20, 2013
·
Kawlgam
Democracy makaaipi leh NLD makaaipi Daw
Aung San Suu Kyi Singapore gam ah ngaihhawh kawmding in 9/20/13 ni Siangapore
sunhun nai 1:30 pawl in Singapore gam tungta a, Kawlgammi 150 Zomi pawlkhat
akihel in nadawn ngeingaai napi uh in Singapore kumpi thuneite in phallo
ahihman in mipi tawh kimu thei naailo hi. Daw Suu Singapore gam ah ni 4 sung
taamding a, Singapore uliante tawh akimuhkhop ban ah 2013 Singapore gammakaaite
khawmpi ah kihelding hi.
·
Kawlgam
Nypidaw huam Waigyi veeng a teeng Ko Zaw Latt akicipa khat leh adang mi 3 te Palik 80 in 9/19/13 ni zaankim in thu
omlopi in buluh in man uh ahihman in khuasungmi
400 vaalding in Palik te hawlmang in palik 22 naman in khihcip uh hi. 9/20/13 niciang Adang palik
150 ding in akiman palik 22 te galvante keng in honkhia leuleu uha khuasungmite
tawh langnih nasiatak in buai in palik 6 zato kipuak hi.
·
Kawlgam
sung kilemna amazan theihnading in numeite zungthukkha a kiheltheihnading
ngimnatawh 9/22/13 pan nithum sung
Yangon khuapi Excel Tower ah Numei khawmpi khat bawlding geelna kineihi ci in
Numei kipawlna makaai Naw Suu Sana Hla Hla Soe in 9/20/13 ni in genkhia hi.
·
Shan
minam saklam thautawi SSA/RCSS,, Pa-Oh minam thautawi PNLO, Shan minam thautawi
khanglam SSPP/SSA kipawlna thumte leh
kawlgam kumpi kilemna bawlpawl 9/20/13 ni in Shan gam Taunggyi khuapi Taunggyi
Hotel ah kimuhkhopna nei uh a political dialogue tawh kisai kikumkhawm uhhi.
Hih kimuhkhop na sung ah adiak in nisuahna lam gaalkaap maang G-1 khat zong
kihel hi.
·
Syria
gam tualgaal aventheihnading a US-Russia te geelna ahi Chemical gaalvanteng
suksiat nading tawh kisai in Syria kumpi te in 9/20/13 agamsung uh a Chemical
gaalvan akoihna uh mun pawlkhat Chemical gaalvan daalpawl OPCW tung ah apkhinta
uhhi. Gaal veng kuanta cih lam igennuam hi.
·
Pacific tuipi tungpan ongkipankhia Typhoon
huihpi ahaatna tai khat 150 thatawh Philippine, Taiwan leh China gam khanglam
teng 9/20/13 zaan pan 9/22/13 ni kikaal nasiatak in nawkding in khuahunsiamte
in genkhol uh ahihman in tuipi tung a ngabengte, mipi te koici kidaalding cih
lung himawh mahmah uhhi.
·
US
lawmaker te in ongtungding 2014 kum
akipan USA gam a mizawngte vaakna Food Stamp khiapding tawh kisai 9/20/13 nipan
meetang khiat kipan ziahziah ta uhhi. Azenzen in hih Food Stamp khiapding
thukimna omleh mipi 4 million sukhading a kumpiten $39 billion ngahding uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau