Tulaai Leitung Thuthang
tuamtuam updates September 19, 2013
·
September
15-19 dong Thailand gam leh Kawlgam Uliante langnih kimuhkhopna thukikupna
neikhawm uhhi. Tua mun ah athupi diak in Kawlgam gaalkaap maangpi Min Aung Hlaing
leh Thailand Prime Minister Yingluck Shinawatra te nih kimuh khopna 9/19/13 ni
in nei uh a Kawl gaalkaap maangpi Min Aung Hlaing in Kawlgam gaalkaap te in
kawlgam uknawnlo in mipi tung ah apkhinta a hihman in Thailand gam a kipan
gamdang tuamtuam te in suaktatak leh lungmuangtak a sumzon sumzuakna bawlding sapna leh kamciamna pia hi. Tuamah bangin Thailand Prime
minister nu in zong Thailand gam bupphuh in kawlgam adosawm peuhmah kanawh mangding
ci in misi vaaikhaak in ki vaaikhaak keei uhhi.
·
Kawlgam
sung a state thum ahi Shan,Mon leh Kaya state sung ateeng minamte in
ongtungding October 21-23 nithum sung Taunggyi khuapi ah minam kheempeuh kigawm khawmpi khat bawlding uh ahihman in tua pawi vaaiding in mipi
buaithei mahmah , lawpthei mahmah uhhi cin in U Khun Tun Oo in 9/19/13 ni in
genkhia hi.
·
American
gam sumzon sumvaihna akhantoh suaktheihnading in kasep ngeibang un kikheello in
kaseem suakding uhhi ci in 9/18/13 ni in American Central Bank ten taangkokhia
uh ahihman in 9/19/13 nipan kipan in Asia gamte neih sa Stock adiak in Nikkei Stock
cihte pawl alamdangtak in kah mang hi. ( stock kimawl nuamte ading )
·
Syria
tualgaal abeinading leh kilemna apiannading a US leh Russia te kithukimna
ommahbang in Syria gam Chemical
gaalvanteng suksiatmang ding in kathu kim mahmah a kaseemtakpi ding ci in Syria
President Bashar al-Assad in Fox News tekiang ah 9/191/3 ni in genkhia hi. Tuaban
ah tulian a Syria tapong te sung ah 80%-90%
dong Al-Qaeda tawh kizomte hi ci in enbeh
hi. Hih Syria gam sung a Chemical gaalvanteng suksiatnading in $1billion
beiding ci hi. Russia kumpipa Putin in bel Lem incia lem incia ci hi.
·
Egypt
gamsung buaina zong khawlnaailo in khangsemsem a 9/19/13 ni in Egypt gaalkaap
te in kumpi zakia Morsy mite omna phualpi Cairo khuapikiang Kerdasa khuasung
buluh uh a Palik Bupi khat si in mi 55 hingmat uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
