Tulaai Leitung Thuthang
tuamtuam updates September 18, 2013
Tulaai Technology
khantohzia
Lam et hetloh in Ka iPhone battery tha kadipna zumsung ah
nakila in kuamah ala kitheilo ahihman in
cihnading theilo in tuani kaciahphot hi. Inn katun ciang ka computer kamaimai a
ka iCloud account hongsin in ka iPhone computer kazonsak leh na iPhone tulaaitak ki off in akihon hunciang
aomna ongpuakding leh amanlam amuten atheiding in aging nakoih nuam hia cihkhat
ongdong a Yes ci suk in ka ihmu hi.
Ka thawh ciang ka computer kahonkik a leh Email ong luut
zihziah in ka iPhone avaakna apaina address kheempeuh update in ongkikhak
zihziah hi. Anunung peenpeen address, google pan kazon suaksuak aleh a inn
number leh asung a teeng mite I minteng mukhia kahihman in information kheempeuh
print khia in ka keem phot hi.
Ka Boss nu Master In Business azokhin khat kiang ah pai in
Boss aw ka iPhone aomna amun, ami kiciantak in ngahkhinta ing ongsapsak in la
ongpiakik in ongcihsak in kacih leh ka Boss nu in tuabang mawkmawk omthei kei
mi ngawh khial niteh ongcih kawmkaal ah kanasep pih zumna seemkhat maaitai
mahmah sa in ongpai a “Hey Thang Pau we
found your phone” keizong Oh Thanks kacih kawm in ka Boss nu in kua in
ongpiakik hiam acihleh kei zonna sung a kamuhkhiat nu I min na hilian ahihman
in ,
Ka Boss nu in hihzah a Technology khantohna gam ah ateengkha
ahihlam kithei saanpan in lamdang salua in lungngam in ongtuuk dektak hi. Acihna
ding dang thei tuanlo hiding hiven ka boss nun Thang Pau you are the Man ong
cipong ;;;;;;;;;
Phone munu genna ah ka munkhat a katop hi in kahon sial in
hihphone amang hi a neite tung apkik in ci in laai ki at den mai a sai tuamtuam
ah kapai pih hang natopna ah koih kik in ong ci ahihmawn kongpuakkik ci hi.
·
Kawlgamsung
Mualtungmi thautawi kipawlnakhat ahi
Shan minam SSPP te leh kawl gaalkaapte 9/17/13 zan thapaai nasiatak in kikaap
uh a langnih pan asi aliam telgenkhiatna omnaailo ci in SSPP in 9/18/13 ni in
taangkokhia uhhi.
·
Kawlgam
Democracy makaaipi leh NLD makaaipi Daw Aung San Suu Kyi Europe kuam gamthum
akhualzinna pan cidam tak in 9/18/13 nitaak lam in Yangon khuapi ongtungkik ta
hi.
·
Kawlgam
Hlutdaw vaaihawmna tawh Taangmi pawlkhat 9/22/13 ni in Thailand gam Parliament Hltudaw kalsuanzia vakan ding in vapaaiding uh
a nithum sung taam in thu vakankhiading uh ci in Hlut Daw palaai khat ahi U
Thein Phe in 9/18/13 ni in genkhia hi.
·
Australia
gam 9/7/13 ni kiteelna ah gualzawhna angah thak Prime minister Tony Abbot in mipi
maai leh Ulian te maai ah 9/18/13 ni in panmun lading in kiciamna neita hi.
Amah peen kum 6 sung AU gam auk Labor Party te akhuplet pa zong ahihi.
·
Canada
gam Ottawa khuapi sung ah 9/18/13 ni zingsang in Meileeng khat alampi tung ah
kitaalkhia in Bus that nih khat taihkha ahihman in mi 6 sipah in 30 vaal liam hi ci in Canada kumpi te in gen uhhi.
·
Iran
gam kumpi ngahthak liklek ahi President
Hassan Rouhani in campaign abawl laai a akamciam ommah bang in leh UN Meeting
ah paikuan tading ahihman in 9/18/13 ni in athu lamdang mahmah in gamvaai tawh
thongkia mi 11 te khahkhia ek hi.
·
Mexico
gam ah tuicin tunna haangin micimawh tampi te lak ah 9/18/13 ni in Acapulco
vanleeng tual ah huihpi leh guahpi khaaktan khualzin mi 40,000 painading theilo
in cimawh mahmah uhhi. Hih bang a cimawh mite gaalkaap te in vanleeng tawh
adawn kawikawi uh zong ahihi.
·
Syria
Tual gaal vaaitawh kisai in Russia te ngianvaatna hang in UN ah bangmah khentat
theilo uh a . August 21,2103 ni in Syria kumpi te leh alangpang tapong te kido
himawk ahihman in alangnih tuak un Chemical gaalvan zangmaw khatbek in zangh
cih sitkiklaai ding in kithukim phot uhhi. Tu in asawtlo in UN Chemical gaalvan kancian pawl
vakuankik ding uhhi.
Thuumna: Laaimal kikhialkha leh laaimal kilawmlo, ani ache akituaklo
kha akipan kisapna tuamtuam aomkhaak aleh ngaihdambawm ah nongnakhiat sak un
maw
Zomipau