Wednesday, September 18, 2013

Tulaai Leitung Thuthang tuamtuam updates September 17, 2013




Tulaai Leitung Thuthang tuamtuam updates September 17, 2013


·        Kawlgam sung Hlutdaw pan akipuakto Kawlgam sung golhguuk neekna beinading thukhunpi peen 9/17/13 ni in President U Thein Sein in suaikaihna leh thukimna taangkokhiatna neitaktak ta hi.

·        Kawlgam sung Mualtung mi thautawi kipawlna ahi KIO/A te leh kawlgam kumpi te ongtungding October kha kaalmasa sung ah nasiatak thukikupkikna neiding in 9/17/13 ni in langnih palaaite in kithukimna nei uhhi.


·        Kawlgam sung Chin State Thantlang huam khuano khua 7  ah guahtui maanlohna hang in ann gina lalo uh a kial tung in mipi gimthei mahmah uhhi ci in RFA in 9/17/13 ni in gelhkhia uhhi.

·        Kawlgam sung Shan state Taunggyi khuapi ah September kha 21-23 sung Shan,Mon,Kaya leh o minamte pan makaai teng leh thautawi kipawlnateng in minam ki-it nading bulphuh khawmpi khat nasia tak in neikhawmding ci in SNLD makaai U Sai Nyunt Lwin in 9/17/13 ni in genkhia hi.

·        Zanni Washington DC khuapi Tui gaalkaap huangsung a mi 12 akaaplumpa Aaron Alexis kum 34 peen kum 2010 kum in khatvei , kum 2011 kum in khatvei thauvaaitawh akimankhinsa hi a khuakdamlo mikhat hi ci in US kumpi thuneite in genkhia uhhi.

·        Sunday ni 9/15/13 pan Mexico gam sung ah nasiatak huihpi leh guahpi kituah ahihman in 9/17/13 ciang ah khua 20 vaal tui in tuumcip in mi 62 sikhinta  a, Khualzin mi 40,000 cimawh in mipi 20,000 vaal inn le  lo neilo in om uhhi.

·        Philippine gam Zamboanga khuapi dung suk ah Muslim gamnuaimi te leh Gaalkaapte nasiatak in kikaap saanlaai uh a 9/17/13 ni in Philippine gaalkaap te in Muslim gamnuaimite matsa mi 130 honkhia zo uh a, tu in mi 80,000 vaal gaaltaai laai hi ci in Philippine thuneite in genkhia uhhi.

·        Syria tualgaal vaai koicibang in naseem in gimna piading cihthu UN ah nasiatak in kikumsaan uh a manthei naai mahmah lo uhhi.  US leh French ten bel guhgawi nuam mahmah uh, Russia in bel koi mah lam ah kapang kholkeiding uh cin 9/17/13 ni in genkhia vanglak , imang saan laai ni ei muhnop kuankuan ta ei guai



Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw



Zomipau