Tulaai Leitung Thuthang
tuamtuam updates September 13, 2013
·
Kawlgam
kumpi te in alanglam ah kilemna acihkawmkawm mah un alanglam ah naamsau tawi
kawm uh ahihman in 9/10/13 nipan tuni 9/13/13 nidong amautawh kilemna abawlsan
KIO/A tetawh nasiatak in kikaap uha, asi aliam langnih tuak in kibehlap ban ah
tuni mahmah in kikaapding in kigingsa in ki om ci in U Hla Nang in genkhia hi.
Kikaapna ongkhanna haangpen Kawlgam gaalkaapte in KIO huangsung ah sumdong in
gamkeek uh ahihman ahihi Cihi.
·
Kawlgam
Democracy makaaipi leh NLD party makaaipi Daw Aung San Suu Kyi Hungary gam ah 9/13/13
ni in tungta a , Kawlgam sung ah omthei hileh adeih thu teng mah genpi in vanei
hi. 9/15/13 niciang in Czech gam vahawhsuak ding hi.
·
Kawlgam
kumpi thunei te in $11 billion tawh kawlgam pualam ah Bank account nei hi ci in
Leitung bup bank te a encik kumpi lam ahilo BIC(Bank Information Center) ah ulian khat ahi
Jelson Garcia in kawlgam sung a kihawm
khia Weekly Eleven thukizaakna tungtawn in 9/12/13 ni in suaksak hi. Hihthu
tawh kisai in kawlgam kumpi te hitaleh Kawlgamsung aom Leitungbup bank kee
naseem te in manlo ci in nial ngeingai
uhhi.
·
Lam
et kholh lohpi in Timor Laste gam I Prime Minister Kay Rala Xanana Gusmao 9/12/13 ni in Kawlgam ongtung
seisai a tawl nga zong tawlnga manlo in
Pu Thein Sein tawh kimukhawm pah saisai in gamnih kikaal zawlthu ngumngeek
kikum khawm uhhi. Timor Laste Kay Rala
Xanana Gusmao 9/13/13 ni in Mandalay khuapi lam ah zintosuak hi.
·
Kawlgam
sung a gun minthang mahmah khat ahi Irrawady guunpi 9/12/13 nipan khang in
Mandalay khuapi kiangdong ah tuidimto ta a lauhuai dinmun tung ta ahihman in
akuama peuh kithawiding in thuneite in taangkokhia uhhi. Tuaban ah 9/13-14/13
nite ah guah nasiatak in zuding in kilam en sawnsawn ahihman in kilung himawh
phadeuh hi.
·
Nungkum
December khasung a India gam New Delhi khuapi sung Bus tung ah Zatui siamsin numei kum 23 khat abuan mi 6 lakpan mi 4 te
9/13/13 ni in India gam thukhen zumkhat in amawhna uhtawh kituak in khailupding
in thukhen hi. Numeino nu pa in ahihleh
hihte akikhai lup peen ka tanu ongthahsak uhtawh kituak kasalel ci hi. Thukhen
maangpa in thukhensatna asim laaitak in hih mi 4 lakpan khatpa akhi tui taak
datdat hi.
·
USA
gam Colorado state sungteng ah 9/10/13 nipan kipan in guah na siatak in zu ziahziah
ahihman in lampi,Lei,Khuasung,Inn, Lo ,mawtaw tampi tak siamang ban ah mi 3 si in
khat mangthang hi. 9/13/13 nipan kumpi thunei te in mipi vaak suk vaaktohna ah
kidawm siamding in taangkokhia uhhi.
·
Russia
gam nitumna lam Novgorod region, Lukas khua a om Khuakdamlote kibawlna zato
khat 9/13/13 ni in kaangtum in mi 60 alupna lak ah mi 37 si in mi 22 taang
kihonkhia zo hi ci in 9/13/13 ni in Russia kumpi te in taangkokhia uhhi.
·
Afghanistan
gam Herat khuapi nawllam a om US te
Gaalkaap Phualpi Taliban migilo ten 9/13/13 nizingsang lam in mi 6 apumtung dim
in bomb puasak in sim uh a langnih nasiatak in kikaap uh ahihman in Afghanistan
palik pawlkhat leh mipi lam pawlkhat
liam a mi 4 si in migilo mi 6 si hi ci in thuneite in genkhia uhhi. US te bel
Pasian in keem in kuamah aliam abaai omlo uhhi.
·
Philippine
gam Zamboanga khuapi ah Philippine kumpi tetawh
9/9/13 nipan nasiatak a kido Muslim singnuaimi te in kilemna thu suut tading in
kithukimna 9/13/13 ni in neita uhhi. Hih ni 3 sung gaalkikaap na ah mi 22 si in
mi 15,000 kiim in inn le lo nusia in taaikeek uhhi.
·
Syria
tualgaal vaaitawh kisai in US Secretary of state John Kerry leh Russia gampua
palaai Sergei Lavrov te aninihna thukikupna Geneva khuapi ah kipan kik leuleu uha, asawtlo in Syria gamvaai kilemna
pawipi khaamding in kithukimna ngahta uhhi. Syria gam buai isak leh Russia leh
US buai na higige uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
