Tulaai Leitung Thuthang tuamtuam updates September 12, 2013
Ka phone mangpeen note ongthunget sakna hang tawh alanu in
aneipa kiang ah 9/12/13 ni in ong apkik ta hi cih lungdamna thu kongtaangko hi.
Phone thak leinading a nongkhak zihziah uh sum te abanban in kongkhaakkik kuulding ahihman busy mahmah ni
ei
·
Kawlgam
sung Rakhaing state pan Malaysia lamzuan in Gunkuang tawh apai Rohingya Kala
minam mi 219 te Thailand kumpi thunei te in Thailand gam khanglam munkhat ah
9/11/13 ni in man uhhi ci in Bangkok Post te in 9/12/13 ni in taangkokhia uhhi.
Hih Kala te lak ah kumcinglo zong kihel a avek un kum 14-25
gualding vive hi ci in genkhia uhhi.
·
Kawlgam
sum tung ah a sikhinsa Boyoke Aung San lim tuangsakding cihtawh kisai in Yangon
huam Hlutdaw ah 9/12/13 ni kikupding in NDF party makaai ten ongken uhhinapi in
thukikum mi 123 lak ah nihbek in hoihsa ahihman in kikumnawnlo in kinawlkhin ta
hi.
·
Malaysia
gam sung ah omtheihna phalna angahlo mite kumpi ten naakpitak amatna hang un
9/9/13 ni in Kawlgam naseemlamtawh kisai Leikha maangpi ahi U Aye Myint leh
alawmte Malaysia gam vazin uh a 9/12/13 ni in Malaysia kumpi lamte tawh
akimuhkhit uhciang Yangon khuapi
ongtungkik uhhi. Inn atunma uh Vanleeng tualpi ah thukanten U Aye Myint
thudotna nei uh a, tuamun ah U Aye Myint in Malaysia gam sung ah bangmah laai
tawi neilo a om kawlgammi te ongciahtheih nading laaite kivaaihawmsak in
Kawlgam ongtung uhciangzong bangmah kiliausaklo ding a Tapa taaimang bang in
kimuakding hi ci in genkhia hi.
·
Ongtung
ding November kha 19 ni Nepal gambup
kiteelna ading in kumpilamte kiginkholh zia lungkimlohnatawh Nepal gam I khuapi Kathmandu khaaktan cip in mipi
lungphona nasiatak in neiding in Kumpi langpang party makaai te in 9/12/13 ni
in mipi tung taangkokhiatna sawlna nei uhhi.
·
Philippine
gam sung ah Muslim singnuaimite leh Kumpi gaalkaapte 9/10/13 ni pan akikaap
ngekngek uh tuni 9/12/13 anithumni inzong nasiatak kikaap uha, asi aliam leh
inn le lo taaisan micimawh ani ni in kibehlap toto hi ci in kumpi thunei te in
genkhia uhhi.
·
Syria
gam tualgaal tawh kisai in 9/12/13 ni in Russia gampua kizopna makaai Sergei
Lavrov leh US Secretary of state John Kerry te Geneva khuapi ah kong kikalh
khup in nasiatak in kikum uhhi. US te in gaalkaap tha tawh adolohnading in
Syria gamsung a om Chemical gaalvankheempeuh UN ah apding ci a Russia te
vaaihawmna Syria ten diksa in sang uh ahihman in koi cibang in vante apding a
banghun bangni cihte kikum uh ahihi. Azen zen hih Milian nihte thukikupna onghoih
leh US ten gaalkaap zang in donawnlo ding uh a onghoih kei zenzen leh do veve
kuulding ahihman in angak lah huai mahmah thukhat ahihi.
·
USA
gam Colorado state sung Estes Park khuakiim teng ah 9/11/13 zanlam pan
kipan 9/12/13 ni zingsangdong nasiatak in guahzu ahihman in tui nasiatak in
khuasung ah khang a mi 2 si in inn 150 vaal kibeeltheilo in kitaaisan mang ban
ah mei mitampi tak in ngahlo in khuamial kawm ah khuasa uhhi.
·
Chile
gam ah 1973- 1990 kumsung in Gaalkaap te
bawlsiatna hang in mipi 40,000 bang in mihingzalenna suplawh in mi 3,000 bang
in sihlawh a, 1,000 bang tudong in thong innsung ah omlaai ahihman un, hih mite phawkna in 9/12/13 ni in mipi in
lungphonanasia tak in nei uh a Palik te 42 bang liam in Palik ten mipi te 260
bang macip uh ahihman in langnih buaisemsem uh a, tu in Mekhau khawng kibotsat
mangta ahihman in mipi meingahlo in cimawh mahmah uhhi.
·
Kum
28 apha Canada gammi numei khat Naupaai bang a agilpi tung tuam in asung ah cocaine
vankham tampi apuakhat Columbia gam Bogota's
International Airport ah 9/11/13 zaanlam in Columbia palik ten mankhia uhhi.
Hihbang vankhaam puami 150 vaal bang tukum sung in Columbia thuneite in mankhinta uh ci hi.
·
Nungmahmah
a ta Pasal nokhat aneithak Prince William in kum 7 sung citak tak in gaalkaap
asepkhit ciang tu in gaalkaap khawlsan tading a inn nasep hoihte semtading hi
ci in Kensington Palace te 9/12/13 ni in taangkokhia uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh peelmawh un
