Tulaai Leitung Thuthang
tuamtuam updates September 15, 2013
Thupatna: Leitung piancil in Pasian in Adam nabawl in Adam
alungleeng ahihman in Eve nabawl hi.
Pasian thu mang uh hileh nuamtaka
nungtading himah leh Mihing Pumpi I alaaizang teng ahi Gilpi thuaklahna hang in
singgah nekha in Eden huanpan taaikhia uhhi.
Tuhun ciang in zong mihing te in
ipumpi i imaailam alaaizang teng kibuaipih mahmah a ,zi deih baihna, Pasal
deihbaihna , ann duh gilkialna,khamtheih
guih theih duhna cihbang hamsatna tuamtuam kithuak ciat hi.
Leitung gamtuamtuam te I et ciang in
zong leitung bup in abuai pih penpen na mun in middle east ( leitung nisuahna
laaizang teng ) hi leuleu in Buaina kipatna leh buaina apiangsak te zong hih
gam te mah pan ahihi.
Middle East tawh kisai Nang bangcibang
in na ngaih sun hiam aw
·
Kawlgam
sung a minamkee khat ahi Karen minamte in 9/14/13 ni in Karen minam sung a
thautawi kheempeuh leh Political party kheempeuh khat a kigawm a nasep
theihnading in thukikupkhopna Ba-an khuapi ah nei uhhi.
·
Ongtungding
September 28-30 ni sung Kawlgam Maw-la-myai khuapi ah Mon minam thautawi tengleh political
party kheempeuh kimuhkhopna khawmpi khat bawlding ci in Mon minamte in 9/15/13
ni in taangkokhia uhhi.
·
Kawlgam
Democracy makaaipi Daw Aung San Suu Kyi Forum 2000 khawmpi ah thugending in
Czech gam Prague khuapi 9/13/13 ni in
tungta a 9/14/13 pan 9/15/13 ni
kibawlding Forum 2000 thugenpi ah pangding hi.
·
Kawlgam
sung kawhtawng khuapi sung a om thong
inn ah 9/14/13 ni in thongkia te in thong inn hongsim in taai sim uh a thoncing
ten thau tawh nakaap ahihman in thongkia 1 si in 7 liam uhhi.
·
USA
gam Colorado state sung tuma ni 5 laaipan kipan guahtam luatna haangi ni 9/15/13 ni dong mah tuicin tung ngekngek
ahihman in mi 6 si ta in inn le lo lampi , Mawtaw te akipan adangtam pi kisia
ahihman in mipi ci mawh mahmah hi.
·
Mexico
gam Fresnillo khuapi a uk Mayor ding in teelna angah leh agualzo ahi Benjamin
Medrano peen Gay ( akeu ) hi mah tase leh mipi in deih veve ahihman in 9/15/13
ni in mipi maai leh ulian te maai ah
nasemding in ki-ap na neita hi.
·
Japan
gam te in Gaalpi nihna zawh khangthak te ading in amasapeen Epsilon space
rocket kici vaantung kahna khat 9/14/13 ni in gualzotak in khahkhia zo uhhi.
HIh vaankahna peen thukan naseemdinghi a vantung ah tai 620 dong avaleengto
ahihi.
·
Philippine
gam Zamboanga khuapi sung ah Muslim singnuai mite leh gaalkaapte akikaapna pan kilemding in
9/13/13 ni in thukimna ngah uh a 9/14/13 nipan nasiatak kikaap kik uh ahihman
in thukimna teng amawkna suak in kikaapna nasia to semsem hi. Philippine
gaalkaap te genna ah Muslim gamnuai mi 50 bang kathat khinta uh a 40 kiim Kaman
uh ci in 9/15/13 ni in genkhia uhhi.
·
Syria
tual gaal daihna ding in Russia-US ten beelhei khia in Syria in gualzawhna ngah
hi ci in Syria Minister khat in 9/15/13 ni in genkhia a Russia te tung ah
lungdamci in lungdamna thu genkhia hi. Russia +US+ Syria te peen Syria te in a
Chemical gaalvan kheempeuh 2014 kumlang pawl ah UN tekiang apkhinding cih
thukimna anei uh ahihi. Thu kimna apalsat masasa thautang tawh kimuding cih
thukimna ahihi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau