Tulaai Leitung Thuthang tuamtuam updates September 11, 2013
·
Kawlgam
sung Mualtungmi namkee thautawi kipawlna ahi Shan minam pan SSA,Karen minam pan
KNU te leh Kawlkumpi kilemna vaaihawm makaaite in 9/11/13 ni in Yangon khuapi a
om Kilemna Innpi ah kimuhkhopna nei uhhi. Maaikaal sung ah KIO tetawh kimuding
uh a, KIO te tawh athu uh ahoihleh October khasung in Kawlgambup kilempawipi
kikhaamding hi ci in Yangon kilemna zumpi te in genkhia uhhi.
·
Kawlgam
Democracy makaaipi leh NLD kawl party makaaipi Daw Aung San Suu Kyi Europe kuam
gamthum khualzinna Poland gampan kipan a 9/11/13 ni in amah asam ahi Poland
President lui Lech Walesa leh Poland Hlutdaw dawlnuai makaaipi Ewa Kopacz tawh
kimukhawm uhhi. Zing 9/12/13 niciang in Poland President Bronislaw Komorowaki
tawh kimukhawm ding uhhi.
·
USA
gam ah tuma kum tampi laaipan in 911 ci
in gamsung ah thukin huhna kisamte sapding in nazang uhhi. Mipawl khat te ading
nuntaakna , hinna leh suahtaakna tampi tak hih 911 in pia in honkhiazo himah
leh atamzaw tham in innkuan kikhenlawh , thuneuno tawh thongkiatlawh , Nupa
nangawn anakikhen lawhna 911 ahihman in Pasian lungkimlo hiding hiven 9,11,2000 kum in Migilo te in WTC phuulpaai uh
in mi 3,000 kiim in sihlawh uhhi. Tuni
9/11/13 ni peen WTC phawkna kum 12 cinna ahihmah bang in Libya gam ah Chris Stevens leh adang zumnasem mi 4 asihni
kumkhat cinna phawkna zong ahhi. Hih lungleen khuangaihna phawkna in 9/11/13
zingsang tuungpan in New York khuapi WTC luui nuai ah President Obama leh ulian
tampi te in daaitak in lukunna nei uhhi.
·
Syria
Tual gaalvaaitawh kisai in President Obama in Gaalkaaptha tawh doding peen
kidinkhawl phot a thudam in Russia tawh
ma kipangkhawmding ci in 9/11/13 ni in Nuthawi bang in athukhensatna sa
onglumlet kik hi. Congress pan kaapding leh kaap lohding mee khiatna nangawn
dinkhawl sak phot hi. Russia te sawlna ahi Syria in a Chemical gaalvante uh UN
tung ah apding in Syria te thukimna tawh kizui in 9/11/13 nitaaklam in UN
Security inteekpi ahi US,Russia,China,French,German Britain gamten thukin
thukikupna khat neiding uhhi.
·
Kenya
gam nitumna lam Turkana region sung ah Tuibul hoih mahmah khat kimuhthak hi ci in 9/11/13 Kumpi thuneite
in taangkokhia uhhi. Hizahta a tui hamsatna Africa gamkeu ah tui naak amuh uh lungdam mahmah uh a hih tuinaak in
Kenya gam kum 70 sungbang tuipiazoding hi ci in genbeh uhhi.
·
Philippine
gam Mindanao huam Zamboanga khuapi sung ah Muslim gamnuaimi te leh Philippine
gaalkaapte 9/8/13 ni pan anasiatak in kido ahihman un khuanu khuapa te 9/11/13
ciang ah cimawh a ataaikhia mi 13,000 vaalta hi ci in Philippine kumpite in
taanhkikhia uhhi.
·
Nungkum
December kha sung a India gam Delhi khuapi Bus sung ah zatui sangnaupang kum 23
Abuan te lak ah Pasal 4 in 9/10/13 ni in Numeino abuanlam uh sianggenta uhhi.
Hih mite thu akisit laaitak in thukhenzumpi innmaai ah khailum un ci in mipin
lungphona neizihziah uh ahihman in bangcibang in thukikhen cihthu 9/13/13 ni
taangkokhia ding uhhi.
·
Gaal
hang a langnih kisangkhial in akikhaakcip Korea gam sak le khang te neihkhop
Kaesong nasepna phualpi 9/16/13 ni hongkiktading in sak le khang makaaite in
9/11/13 ni in thukimna ngahta uhhi. Hih company ah N Korea gammi naseem 5,000
bang pha ahihi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh peelmawh un
