Tulaai Leitung Thuthang tuamtuam updates August 29, 2013
Kawlgam thuthang
tuamtuam te
·
Kawlgam
sung a omlaaitak UN-Kawlgam Palaaipi Vijay Nambiar 8/28/13 ni in Laiza khuapi
aom KIO te phualpi ah vahawh a KIO President U Yong Haya leh KIO makaaipi pawlkhat tawh kimukhawm
uhhi.8/29/13 ni in Mitkyina khuapi pan paikhia in Mandalay huam Meihthila
khuapi tung leuleu hi.
·
Kawlgam
Pithongsuh Vuanzi department 4 tepan leitungbup sumkholna bank ah $260M
leitawiding in 8/29/13 ni a kibawl pithongsuh hlutdaw khawmpi ah thukimna nei
uhhi. Hi sumte peen Lampi,Mei,pilna,sumbul cihte leh kizopna pilnalaaigil
department te ah zangding in kithukim uhhi.
·
Cambodia
gam akibawl Asian gam a gamdang kizopna maangpite khawmpi manciang 8/28/13 ni
in US Defend Secretary Chuck Hagel leh
Kawlgam gaalkaap maangpi nihna U Wi Lwin te tawmvei atuam in kimukhawm uh hi.
hihpen tuma kum 20 laaipan akhatveina US-Myanmar gaalkaap maang kimuhkhopna
ahihi.
Syria Tual Gaal Koiciang tung
ta
·
UN
Chemical gaalvan zongpawl in azonsaan laaitak uh hi a 8/29/13 ni in man in UN
General Secretary Ban Ki Moon kiang ah amuh thu uh 8/30/13 ni in puakding uhhi.
·
8/28/13
ni in UN thukin khawmpi kibawl a China leh Russia in nial ahihman in
thukhensatna omlo in dinkhawl uhhi. 8/29/13 ni nitaak nai 6:30 in anihveina UN
Member gampi 5 te ahi US.Britain,Russia,French leh China te kimukhawm kikding
uhhi.
·
US
te in UN thukimna kisamlo in do ding in thukim khin uha Leilam,Vanlam,TUilam tawh Syria gam
umcihkhinta in gaaldo ding in kigingkhin ung ci uhhi. Leitung gam pawlkhat te
in Iraq gamdo kum 10 cinna pawipi khaamkhin pan a pankikding maw ci uhhi.
·
Britain
te in 8/29/13 ni in Parliament ah kikupnawina nasiatak in neiding uhhi. Labor
party te in UN Chemical gaalvan kante thu ngaakding hoihsa uhhi.
·
French
te in US te in UN thungaaklo in gaaldona aneih taktak taak in khutzep in kua
omding anung uh thuappah loding ka hi uhhiam ci
uhhi.
·
China
leh Russia te in Gaalkaap tha zang a Migam buaikhat vadian keeiding zaw tuhuntawh
kituakkei ahizong in eizong ikigaalgin kuulloding a maw guai hih US te ingap
takeizong in ci uhhi.
·
Syria
kumpipa Al Assad in inn phualzaang ah ong kisimtaak in ei le ei beek kidaal
kulsamlodia cin nui hi. Ihmu thei mahmah lo hiding hiven 8/29/13 ni in UN
Chemical gaalvanzong palaaite nakiheem vevua tuzawh nai 48 sung in gaal gimnam
veh aw ci hi.
·
Iran
ten zong guai aw eizong leitung ah apheengphi mahmah khat a ong kilipkhap
mahmah hisamlo imaw khai Russia te vahuau ni ei le ei inlah kuan ngap mahmah kei hang in ipute pangbeel in
tawm vakimawl leeng ci uhhi.
·
UN
General Pu Ban Ki Moon leuleu in athu kician taktak keikiang ah 8/30/13 ni ongkipuakding hita veh aw tangvaal aw tawm
khuangai laai un. Akei leitungbup Pa hisam ing a kaheh mahmah ta zong in
vaaihawmkhial leng gaalpi thumna piang taktak ding ahihman ong huhve un ci in talguaisa in awng tautau hi.
·
Israel
te leuleu in nuvoi khut thakthak kacih uh tu ading hi ngawngaw maw ong kipan
mengmeng unla ko atheilo nakipang khinkhian ding in ka utna tak uh na zial
ziauding ci in kikhuatkhuat uhhi.
·
USA
a om ko Zomi pawlpen US in ongkaap dah maileh daatsi man ongkhang lelding a imawtaw te hawlzokei
ve ni aw ikhasum tawm petpet tawh kana
ci giu giau uhhi. Thu ngetna ah phawk ciat ni ei
Leitung thuthang
tuamtuam te
·
India
gam ah “the most wanted ” I kideihpeen
mipa ahi Indian Mujahideen (IM) gamnuaimi te makaaipipa
Yasin Bhatkal leh anautaang Asadullah
Akhtar,India palik te in 8/28/13 zan in Bihar state ah man in Delhi khuapi puak
hi ci in India kumpi te in 8/29/13 ni in taangkokhia uhhi. Tuaban ah hih
migilote mat theihnading a ahilhte Rupee Awn khat $14,862 lawmman kipiading hi
ci uhhi.
·
Osama
Bin Laden US ten amattheinading a CIA te
ahuhpa lah ahi Osama I Siavuanpa lah ahi
Pakistan gammi Dr Shakil Afridi thu
kikhen phading a aniding kangetsaan laaitak hi ci in a sitni pa in 8/29/13 ni
in genkhia hi. Dr Shakil Afridi peen Pakistan gam langpang cih mawhmatna tawh
kum 33 thongkiading a May kha 2012 ni a thukikhen khin ahihi.
·
USA
gamte I sum zon sum vaihna sipuazi tawh kizai in lam etna sang in khangto
mahmah a 2013 sung in 2.5 % khangto ta hi ci in US Commerce Department te in
8/29/13 in taangkokhia uhhi. Kumpi te upmawhna saang in 2.2% bang akahzaw ci
hi. Tu in nasep neilo a kumpi tung huhna ngeente zong kiamhenhen ta hi ci
laailaai hi.
·
Kenya
gam Narok khua kiang ah 8/29/13 ni in Bus pi khat kibung a kilumlet in pekcip
mang ahihman in mi 41 si hi cin Red Cross ten taangkokhia uhhi. Kenya gam peen khamtung gam
mah bang a lampi nasia khollo ahihman in mawtaw kibutna hang in tukum sung
bekbek in mi 2,000 vaal sikhin ta hi ci
hi.
·
Mali
gam I khuapi Bamako khuapi sung ah guahtamluatna hang in 8/29/13 ni n tuikhang
a Khuasung taai Mini Bus te nangawn tum in taai mang ahihman in misi 24 kisim
thei in inn le lo mimangthang tampi om hi ci in Mali kumpi te in taangkokhia
uhhi. Tukum sung bekbek in khuahun siatna guahtamna hang in leitung gam 24 bang
ah tuicin atung ahihi.
·
Central
African Republic gam khuapi Bangui khuapi sung ah UN peace keeper gaalkaapte
leh gamsung singnuaimite kidona hang in 8/29/13 ni in mipi 5,000 in a inn a lo
te uh nusia in zattawmding vante asipzang uh ah pua in taaikeek uhhi ci in UN official te in genkhia uhhi. Tuaban ah
agambup uh ah mipi 4.6 million in gaal hang In neek le dawn kisam uh hi ci hi.
·
China
gam ah avangaih hawhding Philippine President Benigno Aquino in akhualzin nading
China gamte ngetna hang in 8/29/13 ni in khawlkik hi. China te in President Benigno Aquino kasam ngeikei uh a
onghawh leh zong iki uituideuh ciang onghawh
leh ci uhhi. Philippine leh China gamte
in South China Sea kituhna hang in April kha 2012 kumpan aki en giaugiau
bek uh ahihi.
·
Afghanistan
gam Farah province sung ah 8/29/13 ni in
Taliban te in Afghanistan palik mawtaw
na ambush uh ahihman in palik 15 si In 10 in liamna ngah uhhi ci in Afghanistan
thuneite in genkhia uhhi. Afghanistan te leh Taliban te kilemna bawlding in akithawithawi laai tak uhzong ahihi.
Tu
weekend sung Friday-Sunday Atlanta khuapi ah katu tekhat in innthak konghonpawi
bawlding ahihman kavapai ding a Internet
leh computer lemtaang aomkei leh thuthang ki-off khading hi cih
theihsiamna ongngen ingh.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh peelmawh
un
