Tulaai Leitung Thuthang tuamtuam updates August 28, 2013
Hih anuai a peen
ongkingen kik ahihman in akicingzaw in ongsuaksak kik ingh.
·
Zomi
sung mah ahi Mara minam Van Sei kici
sanggnaupang kum 12 khat Bowling Green,Kentucky USA asangkahna ah nuclear thautang
tawh gamkhat ongkidociang adaaldanding bawltawm thei ahihman in Asang Sia/Siam
te pia a Asia te in lamdang leh hoihsa mahmah uh ahihman in White House lam
puaksak uhhi. President Obama in lamdang leh thupi sa mahmah ahihman in ami
muanhuaite 8/12/13 ni in endiksak a, September 8 ni in White House ah amahtawh
kimu kiho ding in sam hi.
Hih vansei te innkuan peen 2010 kum
in Malaysia gam pan Refugee tawh a inn kuan un Bowling Green khua USA ongtung uh a, amahpeen kawlgam pan suak ahihi. Khamtung gam Thantlang huam Lailen khua ah
teeng uh a, innkuan 5 pha uhhi. Vansei pianzia peen piandang mahmah a, Bowling
Green,Kentucky ah aommawh peen in kiciamteh hi. Asang ah bang miteng natumtum
ahihman in Sangsiate in Taekwondo sinsak un cimawk ahihman in a Nu a Pa ten
sumnei lopipi in khakhat $80 tawh sinsak uhhi.
Inn ah om leh zong veengkiim teng ah
vaakkhia kawikawi in ganhingkhawng ahing in mantheizel hi. Computer zong uk
mahmah ahihman in atuamtuam nakhoih a a internet bill uh $400 natungsak zelthei
hi. Anu apa in khangual maai ah maaimial lawhzel uh a thungetna bektawh ma
apang uh ahihi. Hih bang thu a muhna peen amah le amah a phuaktawm a amuh hi a,
athulamdang pikhat ahihi. Alamdan daan dangkhat ah hihbang in President Obama
in amimuante sawl in akimuhsak leh amahtawh kimuding a asap khit a kipan milian
bang in omhithiat a , biak innsung ah zong miliante bangdan in tu linlian se
hi.
Hih thupeen news sungpan kila hilo in
ka omna khua leh kameelthei mahmah te innsung ban ah Chin Committee Bowling
Green ah makaaikhat in panmun ongpiakna uhhangin katel thu ongtaangko ka hihi. Van
Sei peen USA lo ah sangkah ngeilo hi. Anu apa Pasian thu updan peen anu bang
haizelzel hi. Amaan ongsuaksak ingh.
·
USA
gam Indiana state Indianapolis Khuapi ah Chin-Pawi ten kumsim abawldet uh ahi
Chin New Year Ci a min apuaksak uh pawpi ah thugenpi ding in asap uh CNF Makaai
luui, Laisiangtho Sangsia luui leh Tulaaitak Chin Progressive Party makaaipi Pu
No Than Kap 8/27/13 Ni in Indianapolis International airport cidam in ongtung
ta hi.
·
Thailand-Myamar
gamgi a phualsaat KIC Karen minamte thuthang kizaakna te in ongtung ding
September kha pan kipan in Kawlgam sung ah suaktatak in thuthang Karen laaitawh
hawmkhia ziahziah tading hi ci in KIC in 8/28/13 ni in taangkokhia hi.
·
Gamdangmite
kawlgamsung ah nuamtak onglut ziahziah theihnading in Kawlgam leh Thialand
gamgi te ahi Mya Wa Dy- Maesout, Kawhtaung-Ranawng, Tachileih-Mesai, leh
Thikhi-Namphalong kizona gate te 8/28/13 ni in gamnih makaaite in honkhat in
hognta uhhi.
·
Kawlgam
thukan UN Palaaipi Vijay Nambiar 8/28/13 ni in Kachin thautawi KIO te phualpi
Laiza khaupi ah hawh a , Laiza khaupi sung a om Kachin minam micimawhte omna munthum ah hawh hi.
·
Asian
gam Defend Minister teng leh US Defend Secretary Chuck Hagel te in Brunei gam Bandar
Seri Begawan khuapi ah Asian gam sung tuipi kituhna thu 8/28/13 ni in
kikumkhawm liailiai uhhi.
·
Italy
gam te in Italy tuipi tun gah mi 300 apua gaaltaai mi tembaw nih 8/28/13 ni in
hongkhia hi ci in AP thukizakna in genkhia hi. Hih gaaltaaite lak ah asuah ni 4
aphapan naungekkhat zong kihel a avek un passport cihbang anei omlo in Syria
gammi hiding in lam en uhhi.
·
Leitung
a Handphone company minthang mahmah ahi Nokia te in 515 featurephone 11 mm asah 5 megapixels 3.5G
phone thak liklek September khasung ah bawlthak ding uh a, Russia,
Germany, Switzerland and Poland kizuak masa in $149 Manding ci in 8/28/13 Ni in
taangkokhia uhhi.
·
India
gam Gujarat state Vadodara Khua sung ah miteenna apartment that thum nih
8/28/13 Ni in kicim in mi 11 si a 4 nasia tak in liam hi ci in AP thu kizakna
in gen hi.
·
Leitung
ah aminthang penpen Apple company te ongtung September Ni 10 Nipan IPhone athak
liklek iphone5S maw Amin kithei naailo khat bawlthakding uh a iPhone alui Nei
ten in 9/10/13 Nipan man tawmno tawh kikheekkik thei ziahziah tading hi ci in
Apple company ten 8/28/13 Ni in taangkokhia uhhi.
·
USA
te neih lak ah asaangpeen Rocket Delta IV Heavy rocket kici vantungkahna
8/28/13 Ni in California state
Vandenberg Air Force Base (map) Santa Barbara Saklam pan Vantung ah lawnkhia
uhhi. Hih Rocket peen pi 235 sang a van hawlpi tung ah top-secret defense satellite a puakto ci hi.
·
Martin
Lurker King JR thugen "I have a dream " Kum 50 Cin phawkna USA gam
Washington DC khuapi ah 8/28/13 Ni in nasiatak in kibawl a manlah kawmkaal ah
President Obama, President luuite ahi Bush,Clinton leh Jimmy Carter te thugenna
Nei uhhi. Kawlgam Yangon Khuapi ah zong nasiatak in kibawl a Daw Aung San Suu
Kyi, Ko Min Ko Naing te in thugenna Nei uhhi.
·
Syria
Kumpi te in agam uh ah Chemical gaalvan azathaang in thukin UN thukikupna USA
gam New York Khuapi ah minutes 75 sung inn kikalhkhup in 8/28/13 Ni in Nei uh
a, Russia leh China palaai te in gaalkaap tha tawh doding thalnial uh ahihman
in khensatna omlo in man uhhi. Ahizong in US,French leh Britain te in atuam
akikupna uh Omto suak uh a, Britain losiah in kaappah ding in thukim uhhi.
Britain te in 8/28/13 niciang Parliament ah khensatna neipan ding uhhi.
Tuni vaai tuamtuam tawh hun ngahlo in
ihmut hun nai 2 bek ngahlaai kahihman laaimal kikhial tamkha incin naleptuahsak
un
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un
