Tulaai Leitung Thuthang tuamtuam updates August 27, 2013
Hih anuai a peen
ongkingen kik ahihman in akicingzaw in ongsuaksak kik ingh.
·
Zomi
sung mah ahi Mara minam Van Sei kici
sanggnaupang kum 12 khat Bowling Green,Kentucky USA asangkahna ah nuclear
thautang tawh gamkhat ongkidociang adaaldanding bawltawm thei ahihman in Asang Sia/Siam
te pia a Asia te in lamdang leh hoihsa mahmah uh ahihman in White House lam
puaksak uhhi. President Obama in lamdang leh thupi sa mahmah ahihman in ami
muanhuaite 8/12/13 ni in endiksak a, September 8 ni in White House ah amahtawh
kimu kiho ding in sam hi.
Hih vansei te innkuan peen 2010 kum
in Malaysia gam pan Refugee tawh a inn kuan un Bowling Green khua USA ongtung uh a, amahpeen kawlgam pan suak ahihi. Khamtung gam Thantlang huam Lailen khua ah
teeng uh a, innkuan 5 pha uhhi. Vansei pianzia peen piandang mahmah a, Bowling
Green,Kentucky ah aommawh peen in kiciamteh hi. Asang ah bang miteng natumtum
ahihman in Sangsiate in Taekwondo sinsak un cimawk ahihman in a Nu a Pa ten
sumnei lopipi in khakhat $80 tawh sinsak uhhi.
Inn ah om leh zong veengkiim teng ah
vaakkhia kawikawi in ganhingkhawng ahing in mantheizel hi. Computer zong uk
mahmah ahihman in atuamtuam nakhoih a a internet bill uh $400 natungsak zelthei
hi. Anu apa in khangual maai ah maaimial lawhzel uh a thungetna bektawh ma
apang uh ahihi. Hih bang thu a muhna peen amah le amah a phuaktawm a amuh hi a,
athulamdang pikhat ahihi. Alamdan daan dangkhat ah hihbang in President Obama
in amimuante sawl in akimuhsak leh amahtawh kimuding a asap khit a kipan milian
bang in omhithiat a , biak innsung ah zong miliante bangdan in tu linlian se
hi.
Hih thupeen news sungpan kila hilo in
ka omna khua leh kameelthei mahmah te innsung ban ah Chin Committee Bowling
Green ah makaaikhat in panmun ongpiakna uhhangin katel thu ongtaangko ka hihi.
·
Kawlgam
sung ah Japan gamte Vanlam khualzinna
minthangkhat ahi ANA vanleeng company te in Kawlgam Yangon khuapi
bulphuh Asian Wing vanlam khaulzinna te kiang ah Dollar Awn 25 tawh pawm in
khualzin sumzonna kipan tading hi ci in ANA in 8/27/13 ni in taangkokhia uhhi.
·
Kawlgam
sung Irrawady huam Pantanaw khua sung ah 8/26/13 ni in numeikhat avaaklaaitak
amikitheillo pasal nih in nabuan uh ahihman in Biakna paulap buaina lianpi khat
piang a khua nu khua pa te leh kumpi lamte hanciamna tawh tu in daaikik zawdeuh
ta hi.
·
Kawlgam
Yangon khua pi sung Minikont pan Khuasung Innpi dong 8/27/13 ni in lampaisa a lungphona alak khangno mi 6 te
phalna lalo uh ahihman in kumpi thunei te in
man uh a Suanglei palik zumpi ah koih uh ci in akiman Generation Youth
pan Ko Kyaw Nyi Win in genkhia hi.
·
Kawlgamsung
azinlaitak UN-kawlgam palaaipi Vijay Nambiar 8/27/13 ni in Mitkyina khuapi leh
Waimaw khuapi sung a om Kachin gaaltaai te kiang ah hawh a, nitaaklam ciang in Mitkyina
khuapi sung TUiphum biak innpi khat ah khuanu khuapa te tawh kimuhkhopna nei
uhhi.
·
USA
gam sung ah alian 6 na mawtaw bawl leh azuak company ahi Nissan mawtaw company
te in ongtungding 2020 kumciang in amah le
amah a kihawlthei mi ahawl kisamlo mawtaw zuakkhia tading in kakiding
kholkhinta uhhi ci in 8/27/13 ni in taangkokhia uhhi.
·
Nungkaalsung
Syria gam Damascus khuapi ah Syria kumpi te in Chemical gaalvan zang in alangte
do in mitampitak asihna hang in leitung bup gamlian kheempeuh leh USA te
nasiatak bangcihding cihthu thukikupna nei uhhi. USA gamte zong Department
tuamtuam uliankheempeuh nasiatak kikupna aneihkhit uhciang gaalkaaptha tawh
kaapphei ekding in thukimna 8/27/13 ni in neita uhhi. Tu in ahihleh President
Obama I thupiakna Order bek kisam laai a, US Defend Secretary Chuck Hagel in
Obama Order ongkia leh “We are ready to go” Pai a akappah ding in akiging
linliansa in ka om uh ci in 8/27/13 ni in genkhia hi.
·
Mexico
gam ah Monday 8/26/13 nipan kipan guah nasiatak in zu in huipi tawh kithuah a
men kicim ziahziah ahihman in mi 14 sikhin in mi 300 bang in buknading neilo
amtaai mang uhhi ci In Mexico state media in 8/27/13 ni in taangkokhia hi.
·
USA
gam ah Inn man nungkumsang in tukum June khaciang 12.2% khangto a tu in khangtoto
laai in Inn leite ading in ameet bang 4.6% ah kahtota hi ci in US Innman
encikpawl in 8/27/13 ni in taangkokhia uhhi. Zomi Inn zuaknuamten zuakhuai a
aleidingten tawmkhat ngaak huai sapong in
gee
·
Brazil
gam Sao Paulo khuapi sung a om kumpi
innpi khat 8/27/13 ni zingsang in
kicim a mi 7 sipah in 22 liam a 11 suakta hi ci in Brazil kumpi thuneite in
taangkokhia uhhi.
·
Sri
Lanka gam ah Palik te in 8/27/13 ni in Buddhist
ngeina daan in Ui Nupa kop 9 puanpaak silhsak in kiteenana mopawi bawlsak uhhi.
Hih bang a ganhing te Buddhist ngeina bang a akiteensak uh hoihkilkelkei ci in
Sri Lanka Culture Minister TB Ekanayake in mawhsak hi. Palik tenzong kagamtatna
uh kilawmsamkei mah ci in thuumbawl uhhi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un
