Tulaai Leitung Thuthang tuamtuam updates August 26, 2013
·
Zomi
sung mah ahi Mara minam Van Sei kici
sanggnaupang kum 12 khat Bowling Green,Kentucky USA asangkahna ah nuclear
thautang tawh gamkhat ongkidociang adaaldanding bawltawm thei ahihman in Asang
Sia/Siam te pia a Asia te in lamdang leh hoihsa mahmah uh ahihman in White
House lam puaksak uhhi. President Obama in lamdang leh thupi sa mahmah ahihman
in ami muanhuaite 8/12/13 ni in endiksak a, September 8 ni in White House ah
amahtawh kimu kiho ding in sam hi.
·
Kawlgam
Democracy makaaipi Daw Aung San Suu Kyi ongtungding September kha 15-17 nithumsung
Czech Republic gam Prague khuapi a kibawlding Forum 2000 Conference akahkawm dingin Europe gam Spain leh Hungary
gamte ah September kaalnihna ah Kawlgampan zinkhiading hi ci in 8/26/13 Pituh Hlutdaw khawmpi manciang
thukante kiang ah genkhia hi.
·
2008
kawlgam ki-uk na thukhunpi laihnading in UNA leh UNFC te makaih natawh thukhunpi
athak gelhding vaaihawmpawl August kha beima in makaai vaaihawm
kiteelkhiading hi ci in UNA pawlpan SNLD
makaai U Sai Nyunt in 8//26/13 ni in genkhia hi.
·
Guah
naakzuk luatna hang in Yangon khuapi sung Dagon khuathak nisuahna lam a om khua
4 te neihsa zaanglo Acre 3,300 lak ah 1,800 te tui in tum mang ahihman in tuuk kitung loding ci in
lokho mite lungkham mahmah ci in khuanu khuapa te in 8/26/13 ni in genkhia
uhhi.
·
Kawlgamtawh
kihoding kawlgam thukanding in UN General Secretary Mr Ban Ki Moon i palaaipi Vijay
Nambiar 8/26/13 ni in kawlgam banghun a ongpai cikciang ciahding cih
kitheikhollo in ongtungvat a 8/27/13 ni
in Kachin gam Laiza khuapi pai in KIO makaaite tawh kimukhawmding uh hi.
·
Britain
sumbawl mikhat azi in athahna ah kihel ci a 2011 kum a kiman China gam I maailam
makaai muanhuaiding a kilam en Bo Xilai ani 5 na thukisitna 8/26/13 ni in
mansiang ta a , thukisitna tawh kizui in theihnopteng kitel hi ci in thukhenzum
nasem
(Liu Yanjie) in genkhia ban ah bangdan in thu kikhen cih gennawnlo
hi.
·
Syria
gam Damascus khuapi sung ah UN chemical sittel te 8/26/13 ni in UN mawtaw tawh
kipan ziahziah uh a, ami kitheilo pawlkhat in thautawh nakaap ngekngek uhhi. UN
General Secretary Ban Ki Moon in 8/26/13 ni
S Korea pan hihbang gamtatna peen kilawmlo a thuhilh hamtang kuul hi ci
hi. US Secretary of State John Kerry in hih vaai ah thuhkikna kician mahmah
President Obama in khensatding in angaihsut laaitak hi ci in 8/26/13 ni in
genkhia hi.
·
USA
gam California state San Francisco kiim
naai lam August 17 nipan nasiatak in meikaang a 8/26/13 ni ciang ah 234 sq
miles bang kaangtum khin hi. Meiphelh gaalhaang mi 2,800 bang asun azan in
kipei ziahziah uh a inn 5,000 bang lauhuai dinmun ah om uhhi. California
Governor Jerry Brown in meikatna pan 150 mile kimteng kidawmding in 8/26/13 ni
in thukin taangkona nei hi.
·
Africa
gam nitumna lam aom Liberia gamsung Liberia University sang ah sangnau pang kheempeuh ahi mi 25,000 in 2013-2014 university admission exam avek un
kia uh hi ci in Liberia's education minister in 8/26/13 ni in genkhia hi. Ahang
peen English nang thei mahmah ci hi.
·
USA
gamte in amasa peen AH-64E Apache attack helicopters te Indonesia te zuakding
in thukimkhin hi ci in USA kumpi te in 8/26/13 ni in genkhia uhhi. Hih
vaanleeng te peen khat ciang $500m (£320m) manding a hawlthei naailoding uh
ahihman training zong piapah ding ci zen hi.
·
Syria
gamsung a kizang Chemical gaalvante tawh kisai in Russia gam President Vladimir
Putin leh Britain Prime minister David Cameron te 8/26/13 ni in telephone tawh
nasiatak in thukin kikum uhhi ci in Russia News Agency te in genkhia uhhi.
·
India
gam ah power anei mahmah leh Congress Party makaai pi Sonia Gandhi kum (66) 8/26/13
ni India gam ann tawh kisai parliament ah thukinialna aneih laaitak in thakhat
thu in cinavat a dammawh gimte kepna
intensive care ah ki enkol laaitak hi ci in Press Trust of India thukizaakna in
genkhia hi. Amah a awmna sapong hi ci hi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un