Tulaai Leitung Thuthang tuamtuam updates August 25, 2013
·
Gamthumna
atungsa Zomi te ading Inn lam a om
sanggam u le nau Nu le Pa asamnuamte Pu
Thang Pil Mung deihsakna tawh gammi suahmasak kuullo, P3 Program August 29, nikaai nai 6pm in Teleconference kici
phone tung mitampi thukikupna omding a theihnop bangbang Zomi pautawh
kidongthei in Mikaang Immigration thutel te in ongdawng ding hi. Alungluutte in
thukikupna munding 630-568 6111 ah thukikup hun ma in dongmasa ding ci hi.
·
Kawlgamsung
Sagaing Division Thankong khua ah 8/24/13 nitaak nai 10 pawl in Kawl numei khat
Islam biaknazui pasal 3 in buansawm cih thuthang hang in mipi sona kipan a
Islam biakna zui te inn inn 30 leh vanzuakna sai pawlkhat meitawh kihaal tum
hi.
·
Kawlgamsung
a Mualmi thautawi kheempeuh leh Kawlgam gaalkaap te kilemsiang na October
khasung in nei in ataangko theihnading in Mualmi thautawi kipawlnate leh
Kawlgam kumpi kilemna bawl in ahanciamsaan laaitak hi a hithutawh kisai in
August 31 ni in Nyipidaw ah Mualmi thautawi makaaite leh Kawlgam kumpi kilemna
bawl te thukikupkholna omding hi ciin
SSA makaai U Sai Hla in 8/25/13 ni in genkhia hi.
·
Kawlgam
gaalkaapte in 8/23/13 ni in India gamkaantan in India gamsung Holenphai khua ah
phualsaat hi ci in India gam akihawm thuthang kizaakna Time of India in 8/25/13
ni in gelhkhia hi. Hih thutawh kisai in Manipur kumpi in India kumpi tung ah
bangcihding cihthu dong hi ci in genbeh hi.
·
Syria
gam buaina a nasiatsemsem natawh kizui in Obama leh USA kumpi in avui atang
tawh nuaiding in khensatna aneih aleh USA gaalkaapte akiging linliansa in omta
hi ci in Malaysia gam angaihhawpak USA Defend Secretary Chuck Hagel in Malaysia
gampan 8/25/13 ni in genkhia hi.
·
August
21 ni a Syria gam Damascus ah Syria kumpi te in Chemical gaalvan zang in
mitampi athah namun ah 8/26/13 ni in UN Chemical gaalvan kantelte luut in
vakantel din g hi ci in UN General Ban
Ki Moon I zumpi te in 8/25/13 ni in taangkokhia uhhi.
·
Mexico
gam khanglam Tabasco state ah mun kituah mi 250 apua meileengpikhat 8/25/13 ni
zingsanglam in kibung a mi 5 sipah in 15
sang atamzaw liam uhhi ci in Mexico kumpi te in taangkokhia uhhi.
·
Nungkaalsung
a India gam Mumbai khuapi sung ah maanzaih thukan numeino kum 23 abuan ding a
upmawh angana leh atawpna ahi Pasal khat Mumbai palikte in 8/25/13 niin manta
ci in thuneite in genkhia uhhi. Mumbai khuapi ah 2012 kumsung bekbek in numei buanna 221 vei om a Delhi khuapi ah 463 vei om hi
cizen hi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un
