Tulaai Leitung Thuthang tuamtuam updates August 24, 2013
·
WZC
makaihnatawh Zomi gaalhaangpawl in Guullu tawhding lungkimlohna lungphona
8/23/13 ni in Washingtong DC khuapi a om Kawlgam leh China palaai zumpite ah
nasiatak aneihna uh ah buaina omlo in gualzawhna ngah uhhi.
·
Shan,
Mon leh Karenni minam kipawlna te
makaihnatawh athumveina Kilem Kimuanna ding mapankhopna Khawmpi ongtungding
September kha 21-23 nidong Shan gam Taungkyi khuapi ah kibawlding hi ci in SNLD
makaai U Sai Leih in 8/24/13 ni in genkhia hi. Hih kimuhkhopna sung ah Gamvaai
party tuamtuam leh Shan,Mon,Karenni thautawi kipawlna te samding uhhi.
·
Ongtungding
August kha 29-September 20 dong kaalthum sung
Switzerland Foreign Minister pa sapnatawh Kawllgampan palaai teelcing
khenkhat leh kumpi lampan khenkhat Geneva khuapi ah gamvaai politics tawh kisai
thusin paiding hi ci in Kawlgam president zumpi te in 8/24/13 ni in taangkokhia
uhhi. Thusinna tawh kisai in Geneva Centre for Security Policy (GCSP) leh Democratic
Control of Armed Forces (DSAF) te in makaihding uh a Political science,
Government & Public leh International Affair cihte sinsakding uhhi.
·
2015 kiteel khitciang Kachin gam ah minamkee
ahi Rawang minam leh Lisho minam te ading atuam in Taangmi ongkoihsak nawnkei
un ci in Kachin gam Pituh Hlutdaw Daw Duai Bu in 8/24/13 ni in Pituh Hlutdaw
makaaipi tung ah ngetna nei hi. Hih bang in atuam in Lisho leh Rawang minamte ading taangmi koihna in Kachin minamsung khenthaang zaw hi ci in pulaakkhia
hi.
·
Kawlgamsung
ah aniampeen thaman ciangtan theihnading in Kumpila, Mihaute leh naseemte kihel
in makaai vaaihawmding teelkhiatna UMFCCI zumpi ah 8/24/13 ni in kipanta a
August kha 26 niciang anunung peen ah koih in kiteelding uhhi ci in UMFCCI
zumpi ten pulaakkhia uhhi.
·
Thailand
leh Kawlgam gamgi a gaaltaai aom Karen Refugee pawlkhat akhuaciat uh
puakkikding in Karen state kumpi te leh KNU te kipawlkhawm in vaaihawmna
kipanta uh a, Thailand gamsung a omte leuleu Thailand kumpi leh Kawlgam kumpi
te kipawlkhawm in vaaihawm kipanta uhhi
ciin KRC in 8/24/13 ni in genkhia hi. Leitung bup mihing zaleenna kipawlna ,
Refugee vaaisai pawl leh Refugee te ahihleh lunghimawh mahmah uhhi.
·
“March
on Washington” kici 1963 kum a Washington DC khuapi ah mipi in gammite
hamphatnading ngen in lungphona aneih uh phawkna in 8/24/13 ni in Washington DC
khuapi ah mipi atullom a sim in kikaihkhopna neiding uhhi. Hih mipi
kikaihkhopna ah USA gam Human Rights pu Martin Lurker King leh Pastor Al Sharpton te I tate in thugenna neiding
uhhi. 1963 kum in Martin Lurker King in “ I have a dream “ cih thulu mipi Saang
2 maai ah genkhia hi. 8-28-13 ni ciang in khat vei mipi kikaihkhopna omkikding
a Kumpi lui Jimmy Carter leh Clinton te in thugenna neiding uhhi.
·
Syria
gam in Chemical gaalvan zang in mipi do
ahihman in gawtna thuakding cih thukimna aom leh USA gamte tung ah sukdanding
lampi tuamtuam om hi ci in White House te in 8/24/13 ni in taangkokhia uhhi. President
Obama ama mimuan misuanteng tawh Syria vaai akikup laaitak un hihbangthu
Innkaangpi ten ongphuangkhia uh ahihi.
·
Scotland
gam Sumburgh Airport pan tai 2 ah Helicopter khat 8/23/13 ni in kia a, 8/24/13
ni in mi 4 asisa in kimu in adang mi 14 te ahing in kihonkhia zo hi ciin
Scortland police te in taangkokhia uhhi.
·
Syria
gam Damascus khuapi ah 8/21/13 ni in
Syria kumpi te in kumpi langpangte adona ah Chemical gaalhiam azatna hang in mi
ulian 322 leh naupang 54 si in 3,600 liamma tawh zato ah kibawllaaitak hi ci in
8/24/13 ni in Medecins Sans Frontieres
(MSF) te in taangkokhia uhhi.
·
Korea
gam sak le khang gaal kidona hang a kikhenthaang innkuante kigawmkiktheihnading
sak leh khang in maaikha sung vaaihawmding in 8/23/13 ni a thukimna angahna
uhtawh kizui in S Korea te in mi 500 September 25-30 sung kimuding in kipsakna 8/24/13
ni in neita uhhi.
·
China
ah Makaaipi khat asuakding a kilam en Bo Xilai China thukhenzum ah anithumna
thusitna 8/24/13 kinei hi. Amah peen Azi in British sumbawl Neil Heywood
athahna ah kihel hi ciin China kumpi ten amawhmat uh hi a Bo Xilai in nial hi.
8/25/13 ni ah ani 4 na thu kisit kikding hi.
Thuumna: Laaimal kikhialkha leh laaimal kilawmlo, ani akha akituaklo
kha akipan kisapna tuamtuam aomkhaak aleh ngaihdambawm ah nongnakhiat sak un
maw
Zomipau
ZomiTV.com ah na hawh
peelmawh un
