Tulaai Leitung Thuthang tuamtuam updates August 23, 2013
·
Malaysia
gam ah 2006 kum in Mongolia gammi numei Model hoih mahmah Altantuya Shaariibuu
kici kum 23, khat that lum hi cih mawhnatawh 2009 kum in sihdong
thongkiading a Malaysia thukhenzum te khensat Malaysia gammi palik 2 ahi Azilah Hadri leh Sirul Azhar Umar tenih
athusuulzuih mipil (lawyer) pa un thunungzuih sakkik ahihman in thukhenzumte
thukhenna ongkilumlet in 8/23/13 ni in thongsungpan suahtaakna ngahkik ta uhhi. Hih Mongolia nunaak meelhoih
numeino nu peen Malaysia gam tulian a kumpi Prime Minister Najib Razak ithah hi
ci in kumpi langpang party te in 2007 kum in ngawh uha, ahaizong in Mr Najib
amah kumpi himawk ahihman nialzo hi.
·
Lebanon
gam khanglam pan Israel gamsung 8/23/13 ni in Lebanon gam a kibusa Hezbollah
migilo pawl in Rocket thaupi tang 4 nalawtphei uh ahihman in Israel te in
lungdamkoh kikna in 8/23/13 ni Beirut leh
Sidon khua kikaal teng ah Jet vanleengte tawh thaupi tang Hezbollah te a
sang atamzaw guahzu bangphial in khiatsuk zikzeek uh ahihman in mi 42 si in mi
213 liam hi ci in Lebanon Health Minister in genkhia hi.
·
Sudan
gam sung Khartoum khuapi sung leh mundangdangte ah August kha kipatpan guahtamlua
ahihman in tui nasiatak in khang a 8/23/13 niciang ah misi 53 phata in mi 70 liam a ,mimal 300,000 vaal in
cihmawh lawhmawhna tuak uhhi ci in World Health Organization ,WHO te in 8/23/13
ni in taangkokhia uhhi. Tuaban ah hih tuikhanna hang in numei naupang te leh
migaai te in nattut natna vei uh ahihman in patauhhuai cihthu pulaakbeh hi.
·
India
gam ah zangthah natna laangmahmah a, 2000 khit mikibuanna thu Asia gamsung ah
atampeen gam in kiciamteh hi. 8/23/13 ni in Mumbai khuapi sung ah kum 23
aphapan Manzaih thukan nungaakno khat Pasal mi 5 in nabuan uh a, si le naai
liamna tampi tawh zato ah kipuak hi. Mumbai palikte in hihnu buanding a
upmawhmi 35 manphotphot uhhi.
·
Syria
gam tualgaal hang in Gampua ah ataaikeek khuatheinaailo naupang One Million
cingta a gamsung ah inn le lo neilo
naupang Two Million cing in, misi 100,000 vaal phata hi ci in UN Refugee Agency
te leh Unicef te in 8/23/13 ni in
taangkokhia uhhi. Tuaban ah hihpeen Leitung ah alamdang mahmah thukhat hi a “ A
maaizumhuai khia mahmah taangthu gelhna” hi ci in zahko uhhi.
·
Korea
gam sak le khang gaalpi 1950-53 sung a kikhenthaang mang innkuante
kigawmkiktheihnading in Korea gam sak le khang kihona 8/23/13 ni in kipanta
uhhi. Ahizong in Korea sak leh khang peen thauvui thautang tawh akidonawnloh
uhhang lungsim sung ah gaalkidopianlaai uh ahihman in kuateng,bangzah,koi ah
,banghun cihte akipan akicianzaw in langnih
thukimna taktak neitheinaailo uhhi. South Korea gamlam pan bel mipi lawp mahmah in
mipi 70,000 bang in minpiakhinta uhhi. Maaikha ah kikup zomtoh zeelding in
thukimna nei uhhi.
·
Syria
gamsung Tualgaal buaina nasia semsem in 8/22/13 ni in Damascus khuapi ah Syria
gaalkaap kumpi te in kumpi langpang te adona ah Chemical Gas te zang in do
ahihman in mi 170 vaal si hi. Hih thuhaang in UN General Secretary Ban Ki Moon
in Hih thu ah amanlaang in Syria kumpi in thuman ongpulaak hen ci a , USA White House te leh
Frennch te in hih thu ah UN Chemical van sittel te luutsak hen ci in , Turkey
te in Leitung bup in Gaalkaaptha tawh Red Line pia in luut hen ci in amunmun pan
hansan ngeinhai uhhi. President Obama
leuleu in hihvaaipeen kimawkkoihloding a UN Chemical sittel te leh USA te kikop
in naseemding hi ci hi.
·
USA
gam Chicago khuapi sung a om O'Hare airport's Vanleengtual ah Jennifer
Fitzgerald kici numeii khat I mawtaw alawm ngaihluuipa in sumpia nuamlo ahihman
in naseemte mawtaw koihna ah akoihna hang in 2009 kum in $4,500 liausum piakha hi.
Tuapan kipan in Jennifer mawtaw in nungkumciang Tickets gawm 678 ngah ek
ahihman in Chicago court kipuak a thukhenzum te in 8/23/13 ni in sum $105,000
liau ding in thukhen uhhi. Zomi te mawtaw koih kidawm in mi izatsak le zong
pilvaang ni
·
Bolivia gam Santa Cruz khuapi sung a om Palmasola
jail thongpi sung ah 8/23/13 ni in Thongcingte leh thongkia te buaina nasiatak in piang in
Gas puakkham ahihman in misi 15 kisimtheipak a mi 50 aliam abaai kisimthei pak
hi. Thongcing palikte genna ah akisimtheilo leh akivuknelh misi leh aliam tampi
omlaaiding ci uhhi.
·
Congo
gam GOMA khuapi kuamteng a kibusa M23 kici gamnuai mite Congo kumite cialnatawh
UN gaalkaapte in aciangciang pan 8/23/13 ni in avui atang tawh kaap ngekngek
uhhi. Gaal kikaapna sung ah thukan lah luuttheilo in langnih tuaklah gaaldo in
buai mahmah uh ahihman in misi miliam kisimzonaailo hi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un
