Tulaai Leitung Thuthang tuamtuam updates August 22, 2013
·
Zomi
gam Zomi ongtawi saang leh gualtawh tanbang ongkimsak ahi Zomi te neihsun
Political Party ZNC-ZCD Pasian I ong ompihna hang in tunitan mangthanglo in
dawi havangkaal ah Silver Jubilee lathei tading cihthu ZCD phualpi pan kiza hi.
ZNC-ZCD Silver Jubilee pen ongtungding October 24 ni in Zogam khuapi Tedim ah
nasiatak in kibawlding a gamsung gampua Zomi it kipawlna, Makaai nautaang te
kimtak in kisam ding hi.
·
Zomi
Zogam I neihsa leh Go manpha peen ahi Guulu mual sahaang kamsung atunding
aphallo WZC te makaihna tawh Zomi Zogam a it khangno kheempeuh in ongtungding
August 23, 2013 ni in USA gam Washington khuapi China palaai zumpi maai ah to
kei un ci in kitomna lungphona nasia tak neiding cih thu WZC tungpan kiza hi.
Ahi thei zahzah pai hamtangding kisam hi.
·
Kawlgamsung
Yangon khuapi ah ontungding November kha kaalnihna sung in Chin minam khawmpi
nasiatak in bawlding uha, August 19 ni in hih khawmpi a vaaihawmding makaai
tanagualhna neikhinta uhhi. Hih Tanupi ding sung ah CNF pan mi 5, Chin Sangnau
pang kipawlna pan 12, kum 2010 kiteelna luut party te pan mi 10 kihel uh hi. Tanupawl peen khen pi 4 in
khen uha, program committee, financial committee, Media and Documentation
committee leh Logistic committee cihbang in khen uhhi. Zomi te bel ongkonloh
kilkello uh suak hi.
·
1990
kum kawlgambup kiteelpina ah kihel in gualzawhna angah NLD party te in
ongtungding September 27 niciang Yangon khuapi ah kum 25 cinna Silver Jubilee
bawlding uh a, Shan minamte party SNLD te inzong October 26 niciang Lasho khuapi ah kum 25
cinna Jubilee mah nasiatak in bawlding uhhi. Rakhaing minam party ALD te in
ahihleh bawlding leh bawllohding kikumsaanlaaitak uh ci in Makaaite in 8/22/13
ni in taangkokhia uhhi.
·
Kawlgam
Maguai Division Pakuhku khuapi sung ah 8/22/13 ni in migilo hiamgamp mi 11 luut
hi ci in thuthang kiza ahihman in khuasung atum leh apusuak a kipan khuasung
vaakte kumpilamte in nasiatak in sit uhhi ci in khuasung mite in genkhia uhhi.
·
Democracy
ki ukna sung ah mi atamzaw thukimna leh hoihsakna kizui ahihteisam hang in
mitawm te thu zong man neitak a ngaihsakding kisam hi ci in tuni 8/22/13 ni a Nipydaw khuapi a kibawl Pituh Hlutdaw
thukikupna ah NLD makaaipi Daw Aung San Suu Kyi in genkhia hi.
·
Kawlgamsung
a kizang 2008 pingpei thukhun phuahphatnading tawh kisai in akiseh Hlutdaw Palaai
teelcing 109 te in nasep kalsuanziading dan amasapeen thukikupna 8/23/13 ni in
kipantading uhhi ci in Amyotha Hlutdaw Dr Aye Maung in 8/22/13 ni in genkhia
hi.
·
Bomb
puakkhamthei ding vantetawh akinahvawh
ban ah Israel gam langpangte tawh kipawlding a upmawh Iran gammi Saeid Moradi
kum 29 leh Mohammad Kharzei 43 te Thailand gam ah Thai kumpite in 8/22/13 ni in
thong 15 tuak khia uhhi. Amau peen mi 3 hi a khatpeen Malaysia gam thong sung
ah a omlaaitak ahihi.
·
Syria
gam buaina khang semsem leh nasia tektek ahihman in Syria gamtawh kisai UN
Security Council te in thukin thukikupna 8/22/13 ni in nei uh a, bangthu
khensat in bangteng kikum cihthu kiza naailo hi.
·
Egypt
gam I president lui Hosni Mubarak athongkiatna
Cairo's Tora thongpi pan 8/22/13 ni in kikhahkhia a Helicopter tawh kipuakhia pah in zato kipuakpah hi. Zato pan cidam in
ongtuahciang Inn kalh khup (House Arrest) thuakding hi ciin Egypt kumpi te in
taangkokhia uhhi.
·
Chile
gam Roman Catholic Phungzi khat ahi
Phungzi Orlando Rogel Pinuer kum 53 in anaupang kep kum 14-15 gualte pawlkhat
zu le sa, sum pia in nu le pa kizopna bawlpih hi cih thudik kiteltak in kimu
ahihman in kum 15 thongkiading in Chile thukhenzum te in 8/18/13 ni in thukhen
uhhi ci in BBC in 8/22/13 ni in taangkokhia hi.
·
July
kha 31 ni a Zimbabwe gambup kiteelna ah mee tang 61% tawh gualzawhna angah
President Robert Mugabe a term 7 na President seemding in 8/22/13 ni in kumpi
naseemte maai leh mipite maai ah kam kiciamna neita hi. Gamsung thu nawngkaai
tuamtuam hang in akaai hi ci in Zimbabwe thukhenzumte in genkhia uhhi.
·
Australia
gamsung ah Refugee ngending in Chrismas tuikulh pan aluutsim mi 46 , kawlgam
Rohingya 3 ,Srilangka Tamil 42 leh Kuwait 1 te tu ma kum 2 laaipan Australia
kumpi ten man in thong ah akoihcipna pan peello akhahkhiat hunta hi ciin United Nations watchdog group te in 8/22/13
ni in taangkokhia uhhi.
·
Lebanon
gam khanglam pan Hezbollah migilote in Israel gam saklam Nahariya khuapi kiimteng 8/22/13 ni in Rocket
thaupi 4 tawh gaalkaap uh a mi asi aliam bangmah kitheinaailo in innpawlkhat sia hi ci in Israel kumpite in
genkhia uhhi. Hih thautang 4 te lak ah
khat Iron Dome missile defense system kici thautang
beengkhia mawtawpi te in nabeengkhia man ci uhhi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un
