Tulaai Leitung Thuthang tuamtuam updates August 21, 2013
·
Zomi
gam Zomi ongtawi saang leh gualtawh tanbang ongkimsak ahi Zomi te neihsun
Political Party ZNC-ZCD Pasian I ong ompihna hang in tunitan mangthanglo in
dawi havangkaal ah Silver Jubilee lathei tading cihthu ZCD phualpi pan kiza hi.
ZNC-ZCD Silver Jubilee pen ongtungding October 24 ni in Zogam khuapi Tedim ah
nasiatak in kibawlding a gamsung gampua Zomi it kipawlna, Makaai nautaang te
kimtak in kisam ding hi.
·
Zomi
Zogam I neihsa leh Go manpha peen ahi Guulu mual sahaang kamsung atunding
aphallo WZC te makaihna tawh Zomi Zogam a it khangno kheempeuh in ongtungding
August 23,2013 ni in USA gam Washington khuapi
China palaai zumpi maai ah to kei un ci in kitomna lungphona nasia tak
neiding cih thu WZC tungpan kiza hi. Ahi thei zahzah pai hamtangding kisam hi.
·
Kawlgam
leh India gam Manipur lampan suangcianbit tawh upcipnading tawh kisai in
8/20/13 ni in langnih kumpi te thukikupna khat nei uh a, UNM-M kici Manipur
mipi kipawlna liankhat in adeihlohna thu uh pulaak uhhi. Nidanglaaikhat in zong
Mizoram lampan hihbanglian vaaihawmkhin uh a, Pu Lal Thang Hawla in nial kici
hi.
·
Kawlgamsung
ah mi 10,000 ciang 525 in TB natna neia leitung I ciaptehna sang azahthum in
tamzaw hi ci in MSF kici Piantit gampan kipan amawkna a zatuizaha tawh micimawh
huh kipawlna te in 8/21/13 ni in taangkokhia uhhi.
·
2004
kum gaalkaap kumpi khutsung pan akizangto Kawlgam electronic thukhunpi 5/2004 ataangzaaihzaw
in phuahphatnading thukhun haampi 8/21/13
ni a kibawl Pituh Hlutdaw khawmpi ah kipsakna neita uhhi.
·
Kawlgamsung
ah mihing zaleenna kantel UN palaai Mr Thomas Ojae Quintana ni 10 sung kawlgam
ah ataamsung in amunmun ah tangkhatui naki
hawpsak a hihbang a tangkhatui akihawpsakna ah Kawl kumpi te in onghuulo
uh hi ci in akhasiatna leh kawlkumpite amawhsakna 8/21/13 ni in genkhia hi.
·
Kawlgamsung
Rakhaing state Maungdaw khua ah migilo hiamgamp tawi mi 4,5 in bomb puakkhamsakding in ongluut hi ci in 8/21/13
ni in thuthang ging ahihman in Rakhaing gamsung teng ah nasiatak in gaalkaap
palik kicingtak in mun kilasak hi ci in
Rakhaing state kumpi te in taangkokhia uhhi.
·
Kawlgamsung
Tantwai khua sung ah kitatsatlo in
guahnasiatak in zu ngeekngeek ahihman in 8/21/13 ni in mi 3 sita a khuasung
teng ah tui pi2-4 dong thuk ahihman in vaaksuk vaaktohna ah hamsatna tampi om
hi ci in Rakhaing state kumpi te in taangkokhia uhhi.
·
Syria
gamsung Damuscus khuapi kiimteng ah 8/21/13 ni in Syria gaalkaapte in manawt
gaaldona nasiatak in bawl uh a Chemical Gas gaalvante zang uh ahihman in mi 100
vaal thakhat in si hi ci in Syria tualgaal thukante in genkhia uhhi. Ahizong
in Syria kumpite in Gas kazangkei uh
citeitei uhhi. UN Chemical gaalvan kantelpawl Syria gamsung ah aom laaitakzong
ahihi.
·
USA
gam kumpite thusim 70,000 vaal WikiLeaks
kipawlna ah apuakkhiasim USA gaalkaap Bradley Manning kum 25, mawhna nam 20
tawh thong kum 35 kiading in thukhenzumpi te in 8/21/13 ni in thukhen uhhi.
·
Egypt
gam ah tuma kum 2 laai a mipi buaisung mipite tung ah khutkhialhna hang in
thong ah akikhum Prime minister lui (Hosni
Mubarak) khahkhia kikding in Egypt thukhenzumte in thupiata hi ci in Reuters thukizaakna in 8/21/13 ni in
pulaakkhia hi.
·
July
28,2013 ni a kibawl Cambodia gam I gambup kiteelna ah mee tang guukna om ahihman in azo leh aguallel
te kikaal buaina lianpi apiankhit ciang hih kiteelna meetang te kantelphading
in Party kheempeuh in 8/21/13 ni in thukimna neita uhhi.
·
Japan
gamte neihsa Fukushima nuclear plant keh ahihman in tui hoihlo tampi luangkhia
a apuahpuah uhhaang kilamdanna omnaai lo
in tun hih tuikeh alauhuaina level 3 ciang tungta hi ciin Tokyo Electric Power Company, TEPCO ten 8/21/13 ni in taangkokhia uhhi.
·
Malaysia
gam a Kimawlna leh gualnopna tuamtuam aomna leh aminthang mahmah Genting
Highland ahawhding mi 49 apua Bus pikhat 8/21/13 nitaaklam in kibung a lamkhang
ah meter 60 bang kikhuk ahihman in mi 16 aliamsa in kihonkhia zo a adangteng
sikhin hi.
·
Fulham, west London, Thomas's school a
sangnaupang ahi Rose Powell leh Flame
Brewer kum 9 tuak wing-walkers kici vanleeng neute kha tung ah 8/21/13 ni in tuangkawmsa in leeng ek uh ahihman in leitung
ah anaupang peen vanleeng kha tungtuang hihna ngah uhhi.
·
Somalia
gam I khuapi Mogadishu khuasung ah
Sweden gam I numei Politician minthang
mahmah Ann-Margarethe Livh, kum 64 mawtaw tawh 8/21/13 ni avaaklaaitak
in migilo te in thautawh nakaap uha atuanpih pasal nih sipah in amah liam hi ci
in Somalia kumpi te in taangkokhia uhhi.
·
China
gam Qinghai province sung ah innlam naseem mi 21te 8/21/13 ni in thakhat in tuikhangvat ahihman
in tui in taaimang in si uhhi ci in Xianghua thukizaakna in genkhia hi. Monday
ni 8/19/13 ni in tuikhanna hang mah in China gam ah mi 105 si in 115 mangthang
hi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com na hawh peelmawh un
