Tulaai
Leitung Thuthang tuamtuam Updates August 14, 2013
·
Heileikhuami Pu Zam Khan Kam leh Pi Man Khan Ciin te tapa 3 na Tg Hau Mun
Lian (Lianpu) in Miami Dade College pan
kum 2 laai asin khitciang ama pilnatawh Massachusetts
Institute of Technology (MIT) ah Full Scholarship
ongnah ahihman in Zomi mipik kibehlap hi
ci in kongpulaakkhia hi. Amahtawh
akihonuamte : lian.hau.m@gmail.com Ph
305-775 1515 ah kiho thei hi.
·
Kawlgam President U Thein Sein in Vice President dingte leh Pithawngsuh
Vuanzi ding bawlphatna July 25-August 13 sung nei a ateelthak Vice President
dingte leh Vuanzi te kamvaaikhaakna 8/14/13 ni in nei hi. Akamvaaikhakna leh
tesung ah Hih gam ading akisehthak makaaipite in golhguukneekna bawlhetlo a gam
le minam ading phattuamna semciatding in hantawtna leh vauna nei hi.
·
Kawlgam mihing Zaleenna
kantelding a UN pan kisawl Mr Thomas Ojae Quintana Rakhaing gam khit ciang 8-14-13 Ni in Kachin
gam sung zinding in Mitkyina Khuapi tungta hi. KIO te uksung ahi Laiza Khuapi
paiding geelna Nei himah leh kumpiten phallo ahihman in paikhalo a 8-15-13 Ni
in KIO i mipil lamlakpawl leh state minister tawh kimuding uhhi.
·
Israel ten Palestine thongkia mi 26 te khahkhiat akipatni 8-13-13 Ni in
Israel gam khanglam Sderot Gaza pan Hamas Pawlpi ten Rocket tawh nakaap uh
ahihman in Leiba Lohna in Israel gaalkaap vanlam ten 8-14-13 ni zingsang pan
Gaza Saklam kaai teng zial kipan ziahziah Ta uhhi.
·
Egypt gam ah thuneihna akilaksak President Morsy adeih mipi te in Cairo
Khuapi ah camp bawl in lungphona aneih Na uh Kaallak Kumpi te in Palik te tha
tang zang in mipi akhenkhap napan 8-14-13 ni in mi 149 si in 758 liam uhhi ci in Muslim Brotherhood
party ten 8-14-13 Ni in genkhia uhhi. Kumpi lamte leuleu in mipi te Dona hang
in Palik 4 si a 12 Liam hi ci in 8-14-13 Ni in taangkokhia uhhi. Tuaban ah
Khituiphulna thauvui Bek kalawn uh a mibel 543 Vaal manta ung Cin Interior
minister zunten gen uhhi. Gaalkaap ten
zong Palik te nung thuap in mipi banZial toto uh ahihman in Cairo Khuapi sung a
Lungphona camp nih vaatmaai zota uha Cairo khuapi leh mundang state 12 te ah
Gaalkaap ten Nitaak Nai 7 pan zingsang Nai 6 dong curfew bawl uhhi. Hihbang a
Sihna dong Apianna peen UN general secretary Ban Kin Moon leh White House te in
Egypt kaallak Kumpi te mawhsak uh a White House ten Egypt makaai ten basic
Human Rights azahtaakding uh ngen uhhi.
·
Typhoon kici huihpi in Philippine gam anuaigawpkhit ciang, Wednesday
8-14-13 Ni in China gam khanglam leh
Hongkong tuikulh nasia tak in nawk ding ci ahihman in Munkhat khat te ah
Vanleeng kileengsaklo in mipi kiheem sak
in buk naang kilim Zon mahmah hi. Hongkong bang ah Stock Trading Khak
uhhi.
·
India gam Mumbai khuapi khanglam tuipi Tung ah Indian Navy submarine
8-14-13 Ni in mei kaang in puakkham ahihman in Gaalkaap 18 Vaal Tenbaw Tung ah
si hi. Mumbai Khuapi pan acianlaai micimawhte ahonkhiading in gaalkaap leh
meiphelh pawlkhat thukin in kipuakpah hi ci in India Defend Minister zumpi ten
taangkokhia uhhi. Hih teltak a kankhiat theihnading in Kaal 4 bang ziakaaiding
hi ci in India Defend Minister Ak Anthony in genkhia hi.
·
Bangladesh gam Kumpi langpang Jamaat-e-Islami party te Makaihna tawh Bangladesh gambup ah
lungphona August 13-14 Ni nasiatak om a aninihna 8-14-13 Ni in Dhaka Khuapi
sung ah Lungphona anei mipi te leh Palik te kidona hang in mi 1 si in mi 20 Liam hi ci in Bangladesh Gambup TV in
taangkokhia hi.
·
Leitungbup ah laaitaai minthang company khat ahi UPS te neihsa Vanleeng
UPS cargo plane Airbus A300 khat USA gam Alabama state Birmingham vanleeng tual
kiang ah 8-14-13 Ni in Kia a Vanleeng tumnih suak in kaang ahihman in ahawlpa
leh ahuhpa si uhhi.
·
Kilemlohna hang a kikhaakcip Korea gam sak le khang I neihkhop Kaesong
nasepna phualpi hong kik tading in Korea gam sak le khang te 8-14-13 Ni in
kithukim Ta uhhi. Hih Nasepna phualpi ah Korea gam Saklam te Naseem 53,000 leh
Khanglam te 120 om uhhi. Tuaban ah tuni thukimna sung ah hih nasepna phualpi
peen Gaalhaang , gam hang cihte peuh tawh kikhak mawkmawk nawnlo ding in
kithukim uhhi.
·
Laaimal kikhialkha leh a etlawmlo a omkhaak aleh ngaihdam bawm ah ongna
khiatsak un cin kongthuum hi.
Zomitv.com
na hawh hamtang ve
Zomipau
