Wednesday, August 14, 2013

Tulaai Leitung Thuthang Tuamtuam Updates August 13,2013

Tulaai Leitung Thuthang tuamtuam Updates August 13, 2013

·        Kawlgam sung Mualtungmi namkee thautawi pawl ahi Palong minam te kipawlna TNLA te leh Kawl gaalkaapte kilemnading akikupkhop uh ani 12 ni 8-12-13 ni zan in Langnih kikaapna nasiatak in piang ahihman in maailam kalsuannading zekaaisak ding hi ci in TNLA makaai Mai Aih Phone in 8-13-13 ni in genkhia hi.

·        Kawlgam sung ah mihing zaleenalam kantelding UN pan kiseh Mihing Zaleenna thusuutpu Thomas Ojae Quintana 8-12-13 Rakhaing gam Sittwe khuapi leh Thong pawlkhat ah vahawh a, Ahawhna aciahna kheempeuh ah Rakhaing minam te in Rakhaing gam pan kiheem khia in , thu Lang gen nawn ken cih signboards te tawikawmsa in tangkhatui tawh navaaitut uhhi. Quintana in thu pulaakna aneih sial in Rohingya Muslim te gum in Rakhaing mite mawhsakna kampau den hi ci in Rakhaing minam te lungkimlo uhhi.

·        UN Kawlgam mihing Zaleenna kantelpu Thomas Ojae Quintana Rakhaing gam azinkhit Ciang  Chin State,Kachin state leh Karen state te ah khualzin zomto ding hi. 8-16-13 ni in Chin state ongzinding a Tuaciang CNF te kumpitawh thukimna lakna Nei in ki uitui mahmah napin Zomi ten a deihlohna , Falam ah Kawl taattung alamna, Chin state khantohna ding, Guullu vaai cih kapulaak ding ci in Chin Development Congress Zalian nihna Ko Simon in 8-12-13 Ni in genkhia hi. Pu  Thomas Ojae Quintana in kawlgam sung a athukan teng 8-21-13 Ni in Kawlgam ah taangkokhiatna neiding a, Athu kicing in October Khasung Geneva a kibawl ding UN khawmpi ah pulaakkhiatna neiding hi.

·        India gam I suahtaakni phawk na Ni Independent Day August 15 Ni in New Delhi Khuapi  Lashkar-e-Taiba (LeT) Pawlpi in doding cih lauphawnna thu kician pawlkhat  India Intelligence Bureau te in Delhi Palikte Tung ah 8-12-13 Ni in puak ahihman in Delhi Palik te in mipi kidawm ding in thupia uhhi.

·        USA gam Colorado State El Paso county sung ah guahtamsemsem In tuicin tungding ahihman mipi kigingkhol ding in State Governor pa in 8-12-13 Ni in theihsak na taangkokhia hi. Tusung teng in USA gam  Oklahoma state pan Tennessee state kikaal sungteng ah tuicin hang in mipi 10 million in cihmawhna tuak uhhi.

·        Nepal gam nitumna lam a om Khimti  Khua ah guah naakzuk luatna hang in 8-13-13 ni in Khua sung men kicim ziahziah a mi 6 Sikhin in mi 6 Liamna tawh zato ah Kipuak hi ci in Nepal Kumpi thunei te in taangkokhia uhhi.

·        Norway gam nitumnalam  Sogndal leh  Lekanger Khuapi kikaal ah 8-12-13 Ni in Gualnop KhualZin mi 30 Ta apua Sweden gamte Bus pikhat leh Norway gamte Bus pi khat kitaih in Taiwan KhuaIzinmi  khat leh Norway gammi khat si in  mi 23 Liam hi ci Norway Palik ten 8-13-13 Ni in taangkokhia uhhi.

·        Yemen gam Shabwa province sung ah Drone kici ahawlpalo USA te Tuithe Vaanleeng in Al Qaeda gaalkaap 2, 8-13-13 Ni in nuailum leuleu a, Tusung Kaal 2 sung in Yemen gamsung bekbek ah Al Qaeda in the Arabian Peninsula (AQAP) kici Al Qaeda pawl benna campaign ah Al Qaeda migilo gaalkaap 37 kinuailumzo hi ci in US official in pulaakkhia hi.

·        Pakistan gam Quetta Khuapi sung lam kiang bicycle tungkhat ah 8-13-13 ni in bomb nakisiah in puakkham a mi 2 si in khat Liam hi. Kua siah cihthu a pulaakkhia Kuamah omnaailo hi.

·        Israel gam sung a thongkia Paleatine thongkia 104 lakpan amasapeen Khen mi 26 te Wednesday 8-14-13 Ni zingsang West Bank ah puakphei ding in Israel kumpiten Thongpan lakhia in acidamna uh 8-13-13 Ni in vel kipan Ta uhhi. Hih thongkia te akhahkhiatni uh 8-14-13 Ni mah in Israel leh Palestine gamnih Kilemna thukikup kipan ding uhhi.

·        Egypt gam ah Thuneihna akilaak khiatsak President Morsy adeih mipi te in Cairo Khuapi sung ah lungphona aneih Na pan Egypt kaallak Kumpi seemte in 8-11-13 Muslim Ramadan Antan benni nakhawl kei uhleh thatang zang in ongheemding ci in athupuakna uh Mipin thudonlo ahihman in 8-13-13 Ni in Palik  ten mipi khenkham in amakaai mi 12 te man uhhi.

·        USA gam President Obama  i Zi First Lady  Michelle  Obama in September kha sung in Rap la hoihmahmah "Let's Move” cih Thulu la Dawng 17 kigawm khuikhat hawmkhiading hi ci in 8-13-13 Ni in taangkokhia hi. Hih la te peen  Lasasiam Minthang Jordin Sparks, Ashanti, Run DMC, Doug E. Fresh leh Monifah te in sa ding a Michelle Obama in Salo ding cisese hi.


·        Laaimal kikhialkha a omkhaak aleh ngaihdam bawm ah ongna khiatsak un cin kongthuum hi.


           Zomitv.com
      na hawh hamtang ve

                Zomipau