Tulaai Leitung Thuthang tuamtuam
updates August 18, 2013
·
Tu weekend sung Tulaai leitung thuthang tuamtuam
ong updates zolo kahihman in laaisim mimal kim tung ah amasa in mawhmaaina
kongngen nuam hi. Ka sangnihna pa Piang Hau Lian@Lianpu in zi nei in Zo ngeina
bang in kipi kilei in Pasian maai leh mipite maai ah kiteena mopawi bawl in
Innpipa kahihnatawh buai mahmah kahihman in akuamapeuh in ongtheisiamding in onglam en ingh.
·
Kawlgamsung a zin mihing zaleenna thukanpi Mr
Thomas Ojea Quintana Chin state sung ninih August 17,18 sung vazin a Midat,Kanpalet
leh Paletwa khuapi te vahawh in kumpi lam, minam kipawlna , biakna kipawlna leh
khua nu khuapa tetawh holimna nei uhhi. Kamsiatna tawh Zomi te teenna lam
ongnawklo suak hi.
·
A 66 veina Mon Revolution Day USA gam Fort Wayne
khuapi ah 8/17/13 ni in Mon Land Restoration Council te makaihnatawh
USA gam sung muntuamtuam pan kikaaikhawm in kibawl hi ci in makaai Pong Saimon
in 8/18/13 ni in genkhia hi.
·
Korea gam sak le khang ui le ak bang a kimuhdah
na kipatna ahi 1950-1953 sung a Korea gaalpi tawh kisai in kilemna thukikupna 8-18-13 ni N Korea
gamsung tawlngakna munkhat ah nei uha, langnih tuak in gaal le sa in
kineinawnlo in innkuankhat bang a ki itding in thukimna nei uhhi.
·
Egypt gam sung kumpi thuneihna akilaakkhiatsak
President Morsy adeih mipi te leh
gaalkaap,palikte buaina kizomtoto a 8/18/13 ni in mipi 74 si hi ci in Egypt gam
thuthangte in taangkokhia uhhi.
·
Philippine gam
ah 8/16/13 ni in khualzinmi 800
apua tembaw khat kibung a mi 34 si in mi 170 mangthanglaai a adangteng kihonkiazota
hi ci in Philippine kumpi te in 8/18/13 ni in taangkokhia uhhi. Hih mimangthang
te peen Philippine kumpi mizong te in asun azan in zongsaan hi cih thu
pulaakkhia uhhi.
·
Syria gam sung ah Chemical gaalvan kizang maw
zanglo cih sittelding in UN Chemical kantelte Syria gam Damascus khuapi ah 8/18/13 ni in tungta uha, 8/18/13 ni mah in
Syria gaaltaai mi 10,000 Iraq gam Kurdistan gaallam kaantan in taai uhhi ci in
UNHCR ten pulaakkhia uhhi.
Thuumna: Laaimal kikhialkha leh
laaimal kilawmlo, ani akha akituaklo kha akipan kisapna tuamtuam aomkhaak aleh
ngaihdawmbawm ah nongnakhiat sak un maw
Zomipau
ZomiTV.com na hawh peelmawh un
