Tulaai
Leitung Thuthang tuamtuam Updates August 12, 2013
·
Kawlgamsung ah Laaigelhsiam minthang mahmah leh thuthangpu ahi Maung Wan
Tah kum 68 Yangon khuapi withorijah Zatopi ah tuap natna tawh 8/11/13 zingsang
nai 6:15 in si ta hi.
·
Kawlgamsung a alian penpending Vanleengtualpi Pagu huam Hantawady
International Airport lamding in gamtampi tak in kawlkumpitung ah angetna
lakpan S Korea gam pan Incheon International Airport Corp (IIAC) te
lamptheihna kipia hi ciin Kawlgam Vanleenglam zalianten 8/11/13 ni in genkhia
uhhi.
·
Karen minma gaalhaangte ni a 63 veina USA gam Indiana state Fort Wayne
khuapi ah 8/10/13 ni in nasiatak in bawl uh a Kentucky,Ohio leh Indiana state
te pan mi paizihziah ahihman in mipi
10,000 vaalbang pha hi. August 12 niding hinapin Mipi mani peen a kibaw hi ci
in pawi makaaiten genkhia uhhi.
·
Vantungpan thukizaakna thutuamtuam ngahtheihna Seattleite vaaihawmna
China leh Kawlgam kipawlkhawm in zanghkhawmding in 8/9/13 ni in Yangon khuapi
Sadona Hotel ah thukimna suaikaihna nei uhhi.
·
Indonesia gam Jakarta khuapi a om
Kawlgam palaai zumpi ah Nung May kha sung a bomb puakkhamsakding a avaaihawmpi
minih kimankikta hi ci in Indonesia palikte in 8/12/13 ni in Jakarta Globe
thukizaakna ah pulaakkhia uhhi.
·
Kawlgam sung ading a UN mihing zaleenna panlapu (Thomas Ojae Quintana) ni
10 sung kawlgam ah taamding in 8/12/13 ni in kawlgamtungta a amasapeen
khualzinna Rakhaing state pan kipan pah hi.
·
Philippine gam Saklam Luzon tuikulh Tung ah 8-12-13 Ni in Typhoon kici
huihpi nasia tak numg ahihman in gun kuang tawh ngasa beng laaitak mi 23 mangthang
hi ci in Philippine thunei te in genkhia uhhi.
·
Pakistan gam Karachi Khuapi sung ah 8-11-12 nizaan Inn ah Amau le Amau a
abilh uh Pakistan-Zozu adawnnahaang un mi 14 zato Kipuak a mi8 8-12-13 Ni in zato pan si in 6 zato ah Lun
laai hi.
·
USA gam I President Lui khat ahi President Ronald Raegan President asuah
theihnading a campaign pan huhto in a mimuan mahmah Advisor dong asuak William
P Clark Kum 81 ateenna Central Florida ah 8-10-13 Ni in Sita hi ci in Atapa
Paul in 8-12-13 Ni in genkhia hi.
·
Pasian Kamciamsa om mahbang In mun khat khat te ah gaal Tung in Mun khat
khat te ah tuicin, zinliing cihbang in Pasian kammal ongtangtungtung ta hi, New
Zealand gam ah 8-12-13 Ni in 6.0 magnitude ahaat zinliing a , Indonesia gam
Saumlaki tuikulh dung to ah 8-12-12 Ni mah in 6.4 magnitude ahaat Zin ling
ziahziah hi. China gam Wangda tuipi Saklam teng ah zong 8-12-13 ni in 5.2 magnitude ahaat
zinlinna in nawk ziahziah hi.
·
Thailand gam Roi Et's Chaturaphak Phiman district pan Bangkok kikawmna
highway Pi Tung ah Khual gamla Zin Bus pikhat leh Lorry PI khat 8-11-13 ni in
kiphulkha in Lorry hawlpa Kum 38 sipah in Adang mi 11 Liam uhhi.
·
USA gam Chicago Khuapi sung Central Avenue/Irving Park ah 8-2-12
zingtuung in migilokhat in miphialkap in numei naupangno Kum 4 khat leh anu le
apa naakliam mahmah uhhi. Chicago Khuapi peen Lian mahmah ban ah Nakheempeuh
akicinna munkhat ahihman in a hoih lah tam in Asia lah tam mahmah hi. Friday ni
pan tuni ciang mi kikaap lum 4 pha Ta in akikaapliam 25 pha zen hi.
·
USA gam te in leitungbup a om US Palaai zumpi te khakcip in Al Qaeda
migilo te abenkhit ciang Yemen gam a kibusa Al Qaeda migilo makaaipi Nasser al-Wuhayshi in asawtlo in Leitung gam
tuamtuam a thongkia Al Qaeda Islamist gaalkaap te ka khahkhia ding hi ci in
8-12-13 Ni in taangkokhia hi. 8-10-13 Ni in zong Al Qaeda migilo te leh Yemen
gaalkaap te kikap uh a Yemen gaalkaap 5 si uhhi.
·
Israel leh Palestine gamnih Kilemna nithum in asapni 8-11-13 Ni in Israel
ten Palestine tekiang pan asuh uh gam Jerusalem Khuapi nung to teng leh West
Bank toteng ah Inn 800 alam nuampeuh in thu ongzasak un ci in 8-11-13 ni in
taangko ahihman in Palestine mipi
lungkimlo in lungphona West Bank ah Nei uh a mi 11 Israel gaalkaap ten man
uhhi. Hih thu hang in Israel-Palestine gamnih kilemnading lungzin Huai sak
mahmah tuam hi.
·
India gam te in China te Hupi daal nading leh gamdaal nading in Gaal
Vaanleeng 36 apuathei INS Vikrant kici Tembawpi khat lam kipan Ta a $5 Billion
bei in 2018 ciang kizo siangta ding hi ci in Defend Minister AK Anthony in 8-12-13 Ni in taangkokhia hi.
Leitungbup ah India te Hih bang Tembawpi anei gam 5 nading ahihi.
·
USA gam Center Florida sung ah Gualnop tawlngak na inn that thum khat
Sinkhole kici leinuai kamka in 8-12-13 ni in valh a inn kicim mang hi. Pasian
hehpihna tawh mi 20 bang agiah laaitak himah leh miteng taaiman in asi Aliam
Kuamah omsam Lo uhhi.
·
Israel gam te in Israel leh Palestine gam Kilemna mahonna hang a khah
khiatding a athukim na uh tawh kizui in amasapeen Palestine thongkia mi 26 te I
Amin taangkokhiatna 8-12-13 Ni in neita uhhi .
·
USA gam Tennessee State Cocke
County ateeng Jaleesa Martin akici mivom numei khat in tuma kha 7 laai in tapa
khat Nei a a minding in Messiah ci in
phuak hi. Cocke County court te in Sam uh a Messiah peen Jesu minbek ding a kibawl khol ahihman in nalaih kuul cih thu
Pia uh ahihman Jaleesa lungkimlo in appeal a bawl kik leh court ten 8-12-13 Ni in
Laih ngeingei kul ding thukhen uh ahihman Messiah pan Martin ah lungkimlo pipi in Laih Mai hi.
·
USA gam Michigan state Van Buren
County leh Adang county 4 te ah 8-12-13 Zan in huihpi nasiatak nung ahihman in
inn le Lo mei te Sia a mipi 2,000 Taang bang in mei neilo in ci mawh in om
ngilhngelh Mai uhhi.
·
Laaimal kikhialkha a omkhaak aleh ngaihdam bawm ah ongna khiatsak un cin
kongthuum hi.
Zomitv.com
na hawh hamtang ve
Zomipau