Tulaai
Leitung Thuthang tuamtuam Updates August 10, 2013
·
Kawlgambup Sangnaupang Democracy
gaalkaap ahi ABSDF te leh Kawlgam
kumpi kilemna bawlpawl Pithawngsuh ciang kilemnading thukikupkhopna Yangon
Kilemna innpi ah 8/10/13 ni in bawlthei uh a thukimna nam 12 suaikaaithei uhhi.
·
Kawlgam sung Rakhaing state Sittwe khuapi nitumna lam a om Refugee camp
khat ah camp cing palikte leh refugee te buai a palikten thautawh kaap ahihman
in mi 4 8/9/13 ni in liam in tua 4 sungpan 1 9/10/13 ni in si ahihman in mipi
sosemsem hi.
·
UN pan human rights tawh kisai kawlgam palaaipi Tomás Ojea Quintana a 7
veina kawlgam asawtlo in zinkik ta ding a adiak in Rakhaing,Kachin,Karen leh
Chin state te zinkawikawi in Chin state sung ah biakna hang a minam kideidanna
te vakankhiading hi ci inYangon UN zumpi ten 8/10/13 ni in genkhia uhhi.
·
Spain leh French gam ah USA gam leh Europe gam ah peem simding a kithawi
China gammi 75 8/10/13 ni in kimankhia hi ci in kumpi thuneite in taangkokhia
uhhi. Hih khualal simding mite peen angimna uh atunnading un Puaisa te tung ah
mikhat $66,000 tabang pia uh hi ci hi.
·
Indonesia gam East Nusa Tenggara province, Maurole district sung a om Mount
Rokatenda ah meimual 8/10/13 ni zingsang in puakkham in naupang 2 leh ulian 4
si hi. Nitaaklam ah zong puakkhamkikding hi ci in Indonesia kumpiten pulaak
uhhi.
·
Syria kumpi te in vanlamtawh Turkey
gamgidungteng 8/10/13 ni zanthapaai zial uh ahihman in atawmpeen mi 20
si hi ci in Kumpi langpangte in taangkokhia uhhi. Syria gam tualgaal hang in
tuniciang misi 100,000 vaalta ci in Red Cross te in taangkokhia uhhi.
·
Afghanistan gam khuapi Kabul ah 8/10/13 ni in guahtamlua in tuikhang
ahihman in mi 13 si hi ciin Kabul Police Chief Mohammad Ayoub Salangi in
8/10/13 ni in genkhia hi.
·
USA gam Manitou Springs, Colorado state ah 8/9/13 ni in guahtamluatna
hang in tuikhang in mi 1 si a 3 mangthang hi ci in Palikte in 8/10/13 ni in
taangkokhia uhhi.
·
Morocco gam i King Mohammed VI
khualzinna ah acingding a kithawi kumpicing mimuanhuai te tuanna Bus pi khat
8/10/13 ni in lam etlohpi in kibung in mi 16 si in 40 liam ci in Morocco
thuneite in genkhia uhhi.
·
Leitung bup a hand phone company minthang mahmah phadiak nihte ahi Apple
leh Samsung te in abeisa 2011 kumpan company
khat leh khat pilna kiguksak ci in thukineitoto uh a atawpna ah 8/10/13
ni in Apple company te zota uh a Samsung te in $450
million piakhading hi ciin US
International Trade Commission (US ITC) ten taangko khia uhhi.
·
USA gam Connecticut state Tweed
New Haven Airport ah Van Leeng Neu khat 8-9-13 Ni in lam etlohpi in miteenna
intungkhum ah akiasuk peen technology firm Microsoft ah kum 14 aseemkhin Bill
Henningsgaard, kum 54 hi in ama vanleengtawh atapa sangkahnading en a atapa
tawh apailaaitak hi in amah sipah hi ci in a innkuanpihten 8/10/ 13 ni in
genkhia uhhi.
·
Laaimal kikhialkha a omkhaak aleh ngaihdam bawm ah ongna khiatsak un cin
kongthuum hi.
Zomitv.com
na hawh hamtang ve
Zomipau