Tulaai Leitung Thuthang tuamtuam Updates August 9, 2013
• Kawlgam Rakhaing state Sittwe khuapi sung a om (Bawduba) micimawh kikholna camp ah Camp cingte leh Refugee te kikaal buaina 8-9-13 ni in piang a Camp cing palikten thautawh akaapna hang in Muslim 4 liam uhhi.
• USA gam ah Video limlak Kineih Siam minthang mahmah 'Five Easy Pieces' ci a zong akithei Actress Karen Black Kum 74 ateenna Khua Nashville, TN ah 8-8-13 Ni in Leitung nusia hi ci in a Pasal in genkhia hi.
• USA gam sung a sangnaupang te sumleitawi loan summeet akhanna pan akiamnading a bawlphat na thukhunpi US parliament ah thukimna kingah Khin a 8-9-13 Ni in President Obama in kipsakna suai kaai khinta hi.
• Tai Wan gam I neihsa Tai Wan gam nitumna lam a om Nuclear Power Plan tulian in kehkhia naailo napin asawtlo in kehkhia ding a Tuisia luangkhia in kum 3 bang sawt ding ci in Tai Wan Nuclear incik pawl in genkhia uhhi.
• N Korea gam te I aneihsa uh Nuclear bawlna Setvan saang azah nih ahaatzawding a lamnading phualthak khat Lam kipan Ta hi ci in US gam Science leh Nuclear kamcian pawl in 8-8-13 Ni in genkhia uhhi.
• Pakistan gam a om akisam mahmah lobuang USA gammi te kiheem khia ding in US state Department te in 8-8-13 Ni in taangkhia leuleu uhhi. Tuaban ah 8-9-13 Nipan Kuamah Pakistan gam ah Zin suk Zin to selo ding in thupia uhhi. Drone kici ahawlpalo Tuithe vanleeng te Saben kipan nuam hileh kilawm hi.
• Somali gam I Khuapi ahi Mogadishu Vaan Leeng Tualpi ah Gaalkaap Vaanleengpi khat 8-9-13 Ni in kia a Vaanleeng Tualpi teng Hell bang liang in meikhu leh meikuang in tuamcip hi ci in Somali Mogadishu Vanleeng tual thuneite in genkhia uhhi. Hih thu hang in mi 4 si a Vaanleeng tual kikhaakcip phot ci in Somali thunei ten pulaak uhhi.
• Pakistan gam Quetta Khuapi sung a om Muslim te Biak Innpi khat ah 8-9-13 ni in Muslim te thungen in aomlaaitak migilo ten tautawh bankaap uh ahihman in mi 9 si in 15 nasiatak in Liam uh hi ci in Pakistan thunei te in pulaakkhia uhhi.
• Zomi te tampi ateenna Nashville, Tennessee State USA ah 8-8-13 zinglampan kipan zanthapaai Tui Cin Tung ahihman in Red Cross ten bukna ding zonsak in buai mahmah uhi. Tulian in Nashville Khuasung bekbek ah mi cimawh mimal 300 om a, Tuzan bekbek in USA gam state 12 sung ah Tuikhang hi ci in NWS ten genkhia uhhi. Azenzen in Tuikhanna tawh hamsatna anei ten 1800-RED CROSS ah huhna kingen thei hi.
• USA Gam New Jersey state sung County 5 ahi Sussex, Hunterdon, Somerset, Morris leh Warren te ah 8-9-13 zingsang pan kipan nitaak nai 10pm dong guah nasiatak in Zu in Tuikhang ding ahihman kidawm ding in national Weather Service ten taangkokhia uhhi.
• Egypt gam Ah thuneihna akilaksak President Morsey adeih mipi te buai lunglung in aom laaitak 8-9-13 Ni in Israel te neihsa Drone kici ahawlpalo Tuithe Vaanleeng khat ongleeng ciaiciai in Islamist Jihadist Militants kici tapong te Thaupi koih nateng mitphiatkaal in susiaziau in Tapong gaalkaap zalian mi 5 anuai lup khit uhciang zunpeek in zingciahsan uhhi.
• USA gam New Jersey state Tweed New Haven Airport ah Van Leeng Neu khat 8-9-13 Ni in lam etlohpi in miteenna intungkhum ah kiasuk mawk ahihman in Van Leeng hawlpa leh Innsung a om naupangno 2 mangthang cip uhhi.
• Laaimal kikhialkha a omkhaak aleh ngaihdam bawm ah ongna khiatsak un cin kongthuum hi.
Zomitv.com
na hawh hamtang ve
Zomipau
