Tulaai Leitung Thuthang
Tuamtuam Updates May 7, 2014
· USA gam aom Zomi kheempeuh in ZIUSA makaihna tawh
kumnih ah khatvei ta akibawl Zomi Khawmpi ongtungding July4-6 sung Tulsa
khuapi,OK ah nasiatak in kibawlding ci in makaaiten taangkokhia uhhi. Akuamapeuh
paiziahziah ding hihang. Na mangngilh lohding khat mun dangpan zin akihel
naailo mi 3,000 bang hikhin a zintawh 5,000 phahamtang ding ahihman ei aneu
pawl in imanloh nading in Puanpaak silh hamtang ni ei.
· Shan gam Chaidong khuapi sung a om SSA/RCSS thautawi
te zumpi sung thupia khollo pi in Kawlgaalkaap mi 20 ding in thautawi bangtawh
May 7, 2014 ni in buluh uhhi. Hih Shan te leh Kawlgaalkaap te kilemna thukhaam
sung ah Hihbang zum khat le khat akihawhding ciang thu kizasak masading cih
ahihman Kawlgam thukhun palsat uhhi. Hihthu hang kikap kik theiding ci in Shan
makaai ten-gen uhhi.
· KIA gaalkaap te in May 3 ni a kawlgam kumpi naseem 2
amat te uh May 6 nitaak nai 6 ma in akhahkik kei uhleh, Gaalkaap tha zang in
KIA te zialding ci in Kawlgam saklam Gaalkaap mangpi pan in thupia hi. KIA ten
kamatna ahaang uh ongsittel phot nung in tuakhit ciang mawhna aomkei leh
ongkhah mah nung cin May 7, 2014 ni in laaitawh thukik uh ci hi. Nasia luading
himai
· Zomi ten Kawlgam Census result ingak lahlah mahmah kawmkaal
ah Kachin gam leh Rakhaing gamsung buaina hang in mun pawlkhat te ah kizo
naailo ahihman in May khasung peuhmah in zawhding ci in Kawlgam Misim pawl in
May 7, 2014 ni taangkokhia uhhi. Zogam bel buaina omkilkel lo ahihman lungkim
huai mahmah khat suak hi.
· Nigeria gam ah April 14 ni a Boko Haram migilo te mat
sangnaupang numeino 200 vaalte ahonkhia zo a om leh $300,000 letsong piading in
ci in May 7, 2014 ni in taangkokhia uhhi.UK ten bel gaalkaap pawlkhat puakding
in kithawi ta uhhi.
· Asia gam vengteng in tuipi gamgi tawh kisai abuaipih
mahmahna ahi South China Sea tung ah May 7, 2014 ni in Philippine China mi
ngabeng 11 man uha, China kumpi lamten Tembaw tawh adelh uhleh Vietnam te tembaw tawh kitaih leuleu in mi tampitak
liam uhhi. Ko a cihna muntek uhah kituak uh hi a thaubel ging nai samlo hi.
Lungdam
ei
Thang
Khawm Pau Zomi
