Tulaai Leitung Thuthang
Tuamtuam Updates May 9, 2014
· Asean gam makaaite thukikupna May 10,2014 nipan kipan
in kawlgam ah kipantading a adiak in China gam leh akiim apaam gamneute buaina
lian mahmah ahi South China Sea tawh kisai kikumding ci in taangkokhia uhhi.
· May7 ni a aza pan akituankhia Thai PM lui Ms Yingluck
Shinawatra golk guuk neek natawh Thai thunei ten May 8, 2014 ni in mawhmat
leuleu uha, Senates ten khensat ding uhhi. Azenzen in amawhna kimuh leh kum 5
sung gamthu vaaihawm theilo ding ci uhhi. Hih bang in amawhmat theihnading un
Senate she ngah she thum thukimna lading cih ahihman in Mr Yingluck ading
patauh huailo ci in pawlkhat in gen uhhi. Hih bang PM kihawlkhiat na hang in
Yingluck adeih mipi te in thukhente inn bomb tawh deng, Bangkok khuapi sung a
zumlian te MM6 thaupi tetawh kaap cihbang in buai mahmah uhhi.
· South China Sea tung ah May 7 ni in China Tembaw pi in
Vietnam te tambaw vataih in tui abuahgawp khit ciang May 8, 2014 ni in Tembaw
gaalvan akihel 80 dingbangtawh kuan uha, Vietnam te nawhsa tak kiheemding in
thupia uhhi. Hih mun peen Vietnam ten zong kogam ci in China in zong kogam
acihna mun hi in Vietnam te meitui toding akithawithawi uh ahihi.
· Pakistan leh Afghanistan gamgi Waziristan khua kiang
ah Pakistan gaalkaap te gamvaan ding in apailaai tak uh May 8, 2014 ni in
Taliban misual pawl in bomb nasiah uh ahihman in gaalkaap 9 si in 20 vaal
naakpi tak in liam uhhi.
· US gammi Tennis saat siam minthang mahmah James Blake
in May 7 ni in kanga asung a om mi 4 asisa in kimu hi. Amah peen 2013 kumpan
Tennis kimawlna pan tawlnga in Florida state ah ateeng ahihi. A Inn peen asaap
cisawnsawn a, $1.5million man cizen ei.
· Ukraine gam nisuahna lamteng Russia tawh kigawmnuam
maw ahihkeh Ukraine ah belh nuamlaai cih mipi tung ah May 11 ni kipanta ding ci
in Makaaite ing May 8, 2014 ni in taangkokhia ta uhhi. Russia President Putin
in bel tawm ngaaklaai vevua May 7 ni in cisam hiven ngakzolo uhhi. Hih Ukraine
gam nisuahna lamteng a om Zumpi atamzaw Russia deih thautawi ten ukkhin ta uhhi.
Ukraine gaalkaap te peen gina kei mawk ei
· March kha sung a Russia ten Ukraine tekiang pan asuh
uh ahi Crimea tuikulh tung Russia President Vladimir Putin May 9, 2014 ni
suntun seisai hi. Zing lam Russia gam ah kibawl gaalpi nihna laai a Russia
gualzawhna phawkna pawilak Gaalkaap 11,000 te laam a etkhit ciang Crimea
Sevastopol Tembaw khawlna a kibawl ave ending hikhading ci in kilam en hi.
· Africa gam sungeng a hiamtat migilo ahi Islamic
Militant te saben a abengkawikawi ding in Gaalkaap 3,000 puakbehding hi ci in
French Defense Minister pa in May 8, 2014 ni in taangkokhia hi. Mali gam sung
ah French gaalkaap 4,500 aomkhin sa ahihi.
· April 16 South
Korea gam Jeju tuikulh kiang a kibung Tembaw tung a atuang misi te tanaute in
May 9, 2014 ni in President zum maai ah thukikup khopding ngeen in lungphona
neiding acih leh palik azalom asim in nakhaktan ahihman in aom namuntek uh ah
ann nelo in tucip uhhi.
· Italy Prime Minister lui Silvio kumpi siah apiakkim
loh hang in kumli thongkiat leh kaalkhat nai 4 ta piteek puteek keemding in
Istaly thukhen zumkhat in March kha sung in thukhen uhhi. Catholic Care kici
Milan khuakiang a om piteek puteek kepna ah
amasa peen May 9, 2014 nasep kipan
a nop zawze ei ci in nuseisuai hi. Kumpi khat piteek puteek keem a kisawl
cihzong thukhen pa lah khel tat sa in amangpan lah mang sa mahmah ing
· 4.6 Madnitude ahaat Zin linna in May 9, 2014 Pakistan
gam khanglam Nawabishah khuakiim teng nawk a mikhat si in 50 vaal liam uhhi.
Ani kibang mah Mexico gam ah 6.4 tawh ahaat Zin linna in Mexico khuapi sungnawk
a Inn kicim naainaai in misi bel kipulaak naai lo hi.
· Upmawh huai khollo tak in China President Xi Jinping
ongtung ding June kha sung in South Korea gam Seoul Khuapi hawh in President
Pak tawh kimukhawmding ci in May 9, 2014 ni
in taangkokhia uhhi. Hih niciang kikup ding thute uh ageelkhol ding in
China Foreign Minister Wang Yi tukha sung zinkhol ding ci uhhi.
**Zanni hun ngahlo thuthang khah manlo mawhmai na maw
**
Lungdam
ei
Thang
Khawm Pau Zomi
