Tulaai Leitung Thuthang
Tuamtuam Updates April 21, 2014
· Kawlkum pi in Kilem nading a Kachin minamte gaaldona
tawh asepna tawh kisai in KIO in sangthei lo uha, Mualmi kilemna encik pawl
NCCT inzong bangmah maailam kikhin nawnlo ding a adang kihona sate ki enpha
photding ci in April 21, 2014 ni in taangkokhia uhhi. Kawlgam kumpi kilemna
vaaihawm lampan bel atheikha kineih in mainawtding in kiding nong uhhi. Hi
cibang a NCCT geelna aomna hang in UNFC sung ah agial ongdawkzetzet ta a , Mipi
leh gam akhualtaktak lo Za leh NGO huhna peuh angaklah pawl gentehna in CNF
tepawl phun pian litlit ta uhhi.
· Pingpei thukhun kici 2008 kum a kawlgam gaalkaap ten
adeihkaih uh kawlgam thukhunpi phuahphat nading leh koicibang a gamtaang ding
cih thu 8888 makaai te leh Daw Aung San Suu Kyi April 21, 2014 ni in Yangon Daw
Suu inn ah thukikupna khat nei uhhi.
· Ukraine gambuaina te leh maailam kalsuan ziading
thukikum khawmding in US Vice President Joseph R Biden Jr April 21, 2014 ni in
Ukraine gam I khuapi Kyiv khuapi cidam tak in tungkhin ta hi.
· South Korea gam a kibung Tembaw hawlte leh naseem te
in thunei te thupiak bang in Tembaw atuahsiat khit ciang Tuipeu nawllam nehding
in thukipia himah leh thu manglo uha, Mipi te koimah paikhia saklo in amau teng
asuahtaak theihnading in taaikhia masa uh ahihman Mithat ahi uhhi ci in
President Pak Geun- Hye April 21, 2014
ni in mawhsakna genkhia hi.
· Syria gam sung ah sawtpi sung Tualgaal apian dikdek khit ciang President kiteelpi ding ongtungding June
3,2014 ni hiding a , President adem nuam peuhpeuh in April 22,2014 nipan Register
bawl in diangziahziah thei ta ci in Syria Parliament in April 21, 2014 ni
taangkokhia uhhi. Hih Tualgaal sung in mi 150,000 si a, mipi 9million in inn le
lo nuasia in gaaltaai uhhi
Lungdam
ei
Thang
Khawm Pau Zomi
