Tulaai Leitung Thuthang Tuamtuam Updates Jan 18,2014
¨
Kawlgam sung a Gaalkaap kumpi in lokho mi te lo
leitang asuhsak te apiak kik nading leh leitang vaai thumanlopi a amat uh lokho
mite akhah kik nading un Lokho mi 500 in Jan 18,2014 ni in Yangon khuapi ah
lungphona nei uhhi.
¨
Kawlgam gaalkaap te in naupang kumcinglo a amat
uh 96 te Jan 18,2014 ni in pawipi khaampih in anu apa tetek uh kiang ah apna
nei uhhi. HIhbang a kumcinglo naupang ki ap kikna a 5 vei na hi ta hi.
¨
Kawlgam sung Rakhaing state sung ah Palik te leh
mipi buaina pan Palik zalian khat amanna hang in khuasung mi 84 te thudot ding
in kumpi thunei te in sam in man uhhi ci in Rakhaing state kumpi thuneite in
Jan 18,2014 ni in genkhia uhhi.
¨
Syria gam kumpi langpang Tapong Syrian National Coalition (SNC), te in
maaikaal ah akibawlding Second Geneva peace talk ah kahding in Jan 18,2014 ni
in thukimna neita uhhi. Hih thu hang in US Secretary of state John Kerry in
alungdamna thu pulaakkhia hi.
¨ BBC
thuthang taankokhia Mr Komla Dumor kum
41 lam et kholh lohpi in London khuapi sung ateenna inn ah Jan 18,2014 ni in
sivat hi. Komla Dumor peen Ghana mi hi a mivom bikbek te ahihi.
¨ Egypt gam te I gambup thukhun constitution
thak mipi tung thukimna alak na uh ah meetang pia thei mipi 53 million hi a athukim
98.1% pha ahihman in kikipsak hi ci in Election committee te in Jan 18,2014 ni
in taangkokhia uhhi.
¨ Yemen gam Sanaa khuapi sung aom Russia palaai pi zum thautawi te in
Jan 18,2014 ni in sim uha, Russia palaai pi Ali Asghar Assadi palaai zumpan
aciahlam lampi ah nakaap uha, naakliam ahihman zato kipuak in aliamna tawh zato
pan si hi.
Laaimal kikhial kha aom leh ngaihdam bawm ah maw