Tulaai Leitung Thuthang
tuamtuam updates Dec 5, 2013
·
Kawlgamsung
ah Judson leh Tuiphum pawlpi tunzawh kum 200 cinna pawi Yangon khuapi Along
veeng tuiphum biak innpi ah 12/04/13 ni in kibawl a Pastor thugen kheempeuh in
Kawlgam sung kilemna aomtheihnading in Mualtungmi kheempeuh khut kileen a
nasepkhopding genbel in nei uhhi.
·
Rakhaing
mipi kheempeuh kipawlkhawm a thukikup pi na khawmpi neihtheinading in geelkhawm
in Rakhaing makaai te in 12/05/13 ni in Thailand gam Chinmai khua ah thu kikup
kholhna nei uhhi.
·
Qatar
gam Doha khuapi ah December10, 13 ni akibawlding leitungbup cidamna lamtawh
kisai khawmpi ah Daw Aung San Suu Kyi kahding hi ci in NLD zumte in taangkokhia
uhhi.
·
2014
kumciang in kawlgam sung ah gamdang bank te suakta tak in kihongsak tading hi
ci in Kawlgam Central bank te in 12/05/13 ni in taangkokhia uhhi.
·
South
Africa gam I Mivon President masapeen leh Nobel Peace Prize ngah Nelson Mandela
kum 95 Johannesburg khua a inn phualzang ah 12/05/13 ( 7:00pm) in leitung nusia
ta hi ci in President Jacob in Africa TV tungtawn in taangko khia hi.Amah peen
kha 3 sung tuap natna tawh zoto alupkhitciang inn ah akikhoi hi a, zanni
asihdong phial atu at ate thuhilh hilh mai hi. Amah peen mivom kikaang tankikim
theih nading vaaihawm pa ahihban ah kum 27 sung thong ah akiatkhit ciang
President aseem ahihi.
Nelson Mandela thu atom in
1918 kum in Suak
1943 African National Congress tawh
kizom
1956 kum in gam thusim pholaak cih
tawh kiman
1962 kum in mipi hansuah in passport
kenglo in gampua pial cihtawh kiman
1964 kum in kumpi nawnkaaisak tawh
kiman in khantawn thong kikhia
1990 kum in thong inn pan taaisim
1993 kum in Nobel Peace Prize ngah
1994 kum in Mivom kumpi masa pending in
kiteelkhia
1999 kumpan Makaai lampan khawlbawl
2001 kumpan Prostate cancer natna
ngah
2004 pan nasepna pan tawlnga
·
USA
gambup ah 12/05/13 ni in nai 24 sung Annsai naseete in khasum tawm ngahlua uh
ahihman in lungkimlohna lungphona nei zihziah uhhi. President Obama in amee
suai laai in USA gam naitha aniampeen $10 kapiading ci in awng kaikai napin tun
$7.25 pailai mawk hi. Lungphona neaten $15 ngen uhhi.
·
UK
gam Blakeney, Norfolk khuate leh England
,Wales gamkee sung khua 250 ah Friday ni 12/06/13 ni in nasia tak in
tuikhangding ahihman Mihonkhia kumpi naseemte inn khat khit inn khat pai in
kidop ding thu 12/05/13 ni in gen kawikawi uhhi.
·
EU
gamkee Denmark, Netherlands, Scotland, England, Germany, gamte 12/05/13 ni in Huihpi in nasia tak in
nawk a, mi 3 saang atamzaw si hi. 1962
kum in huihpi leh guahpi huhau in mi 300 si hihmun teng ah si ngei hi.
·
Yemen
gam Sanaa's Bab khua a om Yemen Defense Ministry huangpi apawl kitheilo migilo
te in 12/05/13 ni in nasia tak in do uha, mi 52 si in mi 162 nasia tak in
liam uhhi.
·
Syria
gam kumpi te leh kumpi langpang gaalkaap te in alang tuak a aukna uh Aleppo
khuapi sung ah 12/05/13 ni in Rocket pi khat puakkham a mi 18 si in tampi tak
liam uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi