Tulaai Leitung Thuthang
tuamtuam updates Dec 6, 2013
Zomi te tampi tak
Pasian in USA gam ongtunsak ziahziah na ahaangpeen Mipil tampi tak in ahaang
atuamtuam in gen himah leh Kei mimal muhzia tomnokhat konghawm sawn nuam hi.
Leitung ah akhangto amanawt mahmah khat ahi China gamte
khantohna mipil te ahaang akantoh uh ciang in ABC kici (America born Chinese) teng haanghi ci in mukhia uhhi.
Hih Chinese te khantoh zia I et ciang Zomi te zong Pasian in I
Zogam ah zawng ongsa lua mahmah ahih man in USA gam ongpuak ziahziah a, USA gam ah suan le khaak
tampitak nei in Tua USA gam asuak Zomi momno te ahi ABZ-America Born Zomi
tetawh Zogam apuahkiknuam hiding hi ci in ka um hi.
Tua ahihman in USA gam atungsa Zomi nu le pa te in itate
ingeina,iminam,ipau te hilh tangtang in makaih siamding hihang.
Thuthang
·
Kawlgam
sung Yangon khuapi aom Yangon University huangsung a om Lukhuneelkaai ngahding
te thusinsakna kholhna kum 17 sung akikhakcipna pan December 5,2013 ni in
kihongkikta a, Subject 20 baan ah Political Science te kisinthei ta hi ci in
Kawlgam pilsinna lam thunei te in 12/06/13 ni in taangkokhia uhhi.
·
North
Korea te in October 26,2013 ni a amat uh US gammi leh gaalkaap luui Merrill Newman kum 85 tuni 12/06/13 ni in
thongpan khahkhia uh a US gam puakkik
uhhi.
·
Africa
gam Central African Republic ah 12/5,6/13 ninih sung in Muslim haimtawi te gamtat
hoihlohna hangin mi 300 si a tuasang atamzaw silaaiding hi ci in Red Cross te
in genkhia uhhi. Hih bang a mipi te cihmawhna huhding in UN ai-awh in Piantit
gamte in gaalkaap 1,000 puak uha, 12/06/13 ni in tungkhinta uhhi.
·
EU
gam saklam kuamteng 12/5-6/13 ninih sung huihpi leh guahpi in nasia tak nawk
ahihman in Poland gam pan mi 3,Denmark pan 1,Sweden ah 1 leh UK gam ah 2 si
uhhi.
·
Malaysia
gam Pahang state sung ah 12/06/13 ni in tuikhan nahaang in mi 3 asi kimu ta in
, Tuikhan na ahihleh akiamlam hi ta hi ci in thunei te in genkhia uhhi.
·
US
gam Texas state sung Tuikhal guah nasia tak in zu ahihman in, Lampi tampi tak
mawtaw kiphulkhaakna hang in kikhaak a, Dallas, Fort Worth vanleeng tualbang ah
12/06/13 ni in aleenglianding mi 1,000
bang ki cancel hi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi