Tulaai Leitung Thuthang
tuamtuam updates Dec 15, 2013
·
Asean
gamte leh Japan gamte kimuhkhopna Japan gam Tokyo khuapi ah nithum sung
amankhit ciang Japan PM Shinzo Abe leh President U Thein Sein te 12/15/13 ni in
kimukhawm uha, Japan gamte in leitungbup
thukhun tawh kituak in kawlgam sung ah suakta tak a sumzon theihnading thukimna
suai kaai uhhi. Tuaban ah Kawlgam in Japan gamte sum abat vekpi lakpan Dollar
Awn 5300 naaisak in leiba laai ban ah athak leitawibehding zong thukimna nei
uhhi.
·
Kawlgam
leh Thailand gam kikaal gaaltaai kepna mun Medaw zato a Siavuan aseem Dr Sin Ti
Za Maw Thailand gam saklam a aom Ubon
Ratchathani University te in Zatuipilna tawh kisai DD minphatna 12/18/13 ni
ciang piading ci in taangkokhia uhhi.
·
South
Africa gam sung ah mivom mikaang kideihdanna avengsakpa leh Nobel Peace Prize
Nelson Mandela akhankhiatna khua ahi Qunu khua ah 12/15/13 ni in thupi tak in
kivuikhinta ci in S Africa gamte in taangkokhia uhhi.
·
UN
Neek le dawn panpihna tawh kisai vaaipua ahi WFP te in 12/15/13 ni in Syria
gamsung a om Tualgaal hang a cimawhna athuak inn 5,000 te neek le dawnding Iraq gamsung pan Vaanleengpi tawh puak kipan ziahziah ta
uha, December khabeidong hawmziahziah
ding uhhi.
·
Philippine
gam Manila khuapi sung ah 12/15/13 ni in Bus pi khat kibung a mawtaw dang pawlkhat delhpeekgawp ahihman in 21
sipah a, adang tampi tak naakliam mahmah in asiding zong omlai hi ci in AFP thuthang te in genkhia
uhhi.
·
Afghanistan
gamsung a om Australia gaalkaap acianlaaiteng 12/15/13 ni in Uruzgan province
AU gamzuan in ciahta ci in AU Minister for Defence Senator David Johnston in
taangkokhia hi. 2014 kumpan Gaalkaap zalian 400 taang taamlaai in Afghanistan
gaalkaapte kisinsak ding cih genbeh hi.
Afghanistan gam ah AU gaalkaapte 2005 kumpan ava om hia, tuni ciang gaalkaap 40
si in, 261 naakliam mahmah uhhi.
·
China
gam Xinjiang state sung Kashgar khua
nawl ah 12/15/13 ni in namneu khat le khat kikaal temtawng temta tawh kido uh
ahihman in palikten delh in mi 14 kaplum uha, Palik 2 Temtawng temta tawipawl
in nabanlum man uhhi ci in Xianghua thukizakna in genkhia hi.
·
Leitung
tukpeeng kimawl siam lak ah khat ahi Cristiano Ronaldo in apianna khua ah
Museum dawl 5 khat lam a, The Portugal international te in 12/15/13 ni in nopcitak
in hona pawipi bawlsak uhhi.
·
Lebanon
gamlam pan thautang leengkhat in Israel gaalkaap khat 12/15/13 ni in khalum a
kuakap banghang cih kanding in IDF vanleeng te Lebanon gamgidung velziahziah ta
uhhi. Teltak akitheih leh kimawkkoih kenteh ci in IDF tengen cihthu Associates Press te in genkhia uhhi.
·
Ukraine
President Viktor Yanukovych in Ukraine
gam leh EU kizopnading thukimna suai akaihnopna hang in mipi lungkimlo in
12/15/13 ni in Kiev khuapi ah mipi 200,000 in lungphona nei uhhi. President
Viktor zong lunghimawh ahihman in
12/17/13 niciang Moscow khuapi ah Russia President Vladimir Putin tawh kimuding uhhi.
·
Syria
gam Aleppo khuapi sung ah Syria kumpi te gaalvaan leeng khat 12/15/13 ni in kia
ahihman in puakkham a, mi 22 si in asite lak ah naupang 14 kihel hi ci in Britain gam a kiphual Syrian
Observatory for Human Rights (SOHR) te in taangkokhia uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi