Tuesday, December 17, 2013

Tulaai Leitung Thuthang tuamtuam updates Dec 16, 2013




Tulaai Leitung Thuthang tuamtuam updates Dec 16, 2013

·       Kawlgam sung ah Mualtungmi thautawi te leh Kawlkumpi te kilemna bawlbawl himah leh Kachin minam thautawi KIA te in umzo tuanlo ahihman in December kha ni 5 nipan KIA gaalkaap thak nasiatak in Kachin gamsung ah kaaikhawm uhhi. Hih Gaalkaap thak kaihkhopna ah Kachin gamsung a om Shan minam kee te lungkimlo uha, December 15 ni in Lungphona neiding in Palik zum ah phalna ngeen uhhi .

·       SEA  Game kimawlna 12/15/13 ni in Kawlgam leh Indonesia tukpeeng kisui uha, Indonesia te in Goal 1 tawh zo ahihman in pawi en mipi te lungkimlo in buaina bawl in micing palikte tawh amau le amau zumhuai tak in kilaai ngeingaai uhhi.

·       Kawlgam thukhunpi leh ongtungding kiteelpina ah tu khuahun tawh kituak a kawlgam akikheelding kahanthawn uhhi ci in 12/16/13 ni in EU pawlpi I gamdang vaaisai palaai pan taangkokhia uhhi.

·       Kawlgam Democracy leh NLD makaaipi Daw Aung San Suu Kyi akhepi guh nalua ahihman in 12/16/13 ni zingsang lam in nai 2 sung Yangon khuapi ah ki-at a tu in nuamtuamdeuh ta ci in Asiavuan pa Dr Tin Myo Win in genkhia hi.

·       Vietnam gam leh Asean gamteng I tuitung gaalmuanna aomzawk nading in American gamte in naakpitak in panmun kalading uhhi ci in US Secretary of State John Kerry in 12/16/13 ni in taangkokhia hi. Tuaban ah Galvil taaihat mahmah Tembaw 5 leh sum $ Awn 18 manding Van Vietnam   gamte tung piakhiading ci in genbeh hi.

·       US gamsung ah Telephone company alianpeen ahi Verizon phone tawi Larry Klayman kicipa in NSA National Security Agency ten mipi phone kihona agamtatnateng akhum uh thukhenzum tun a, 12/16/13 ni in US thukhenzumpi te in NSA te gamtatna US thukhunpi tawh kituaklo a thukhun palsat uhhi ci in mawhsak uhhi.

·       Brazil gam Manaus khuapi sung a 2014 ciang zatding World Cup tukpeeng tualpi lam naseemte in kumpi te angvaanna ngah in khamuanna angahtheih nading un 12/16/13 ni in naseemlo in lungphona nasia tak in nei uhhi.

·       North Korea gamte in 2011 kum a asi kumpilui Kim Jong-il phawkna  12/16/13 ni in nasiatak in bawl uhhi. South Korea gam leuleu hihni mah in Kim Jong-il limte haaltum in lungphona nei ngeingai uhhi.

·       Zanni 12/15/13 ni in Lebanon leh Israel gamgi ah Israel gaalkaap khat Lebanon gamlampan kikaap lum a tuni 12/16/13 ni in Israel ten athuhkikna in Lebanon gaalkaap nih kaplum uhhi.


Laai mal&ani akha kikhial kha aom leh ngaihdam bawm ah ong na khiatsak un maw


Thang Khawm Pau Zomi