Tulaai Leitung Thuthang
tuamtuam updates Dec 13, 2013
·
Sea
game ah Taekwondo kimawlna ademding a kiteelkhia Tg Siam Za Khai ahaang omlo pi
in 12/12/13 ni in kidemsaklo in kiciahsakkik hi. Tg Khai peen Sea game ah
Taekwondo ademtheihnading in Korea,Thailand gamte ah nasia tak in avasinkhin
ahihi. Tuabek thamlo in tukum kha 9 kha sung in Indonesia,Korea leh Thailand
gamte pan minphatna ngunpeek 3 avangahkhin ahihi.
·
Dr.
A. Roy Medley, General Secretary of the American Baptist Churches, ABC Tulaaitak Hakha khuapi ah oma, December
14, 2013 nidong taamding hi. Chin State bup ah Christian suakmapeente ahi Pau Suan le azi Kham Ciang, Thuam Hang le azi Dim
Kho Cing te khua khuasak zong zinkhading in kilam en hi.
·
Kawlgam
sung ah thuthang tawh kisai pilna sinna saangkhat UN tawh pangkhawm in
hongkhiat ding in kawlgam leh Piantit gamte in 12/13/13 ni in thukimna suaikaai
ta uhhi.
·
Shan
gam saklam Namsan khuakiang a kibusa Palong gaalkaap te leh Kawlgam gaalkaap te
12/13/13 ni in nasiatak in kikaap uha, Kawlgaalkaap 4 si in 8 naakliam mahmah
uhhi. Tukha sung thukikupna neiding cih geelna aneih kawmkaal uh ah
Kawlgaalkaap te in alom atang in luh uh
ahihman in akikaap uh ahihi.
·
Asean
pawlpi leh Japan gamte kizopna kum 40 acinna leh kimuhkhopna 12/13/13 ni in
Japan gam Tokyo khuapi ah kibawl a kawlgam President U Thein Sein zong khawmpi
kahding in Tokyo khuapi tungta hi. HIh khawmpi ah Japan PM Shinzo Abe leh U
Thein Sein akimuh kawm in Japan in Kawlgam Dollar Awn 580 aleitawi nading thu leh
Asean gamte $20bn aleitawina thu taangkokhiatna neiding hi.
·
Bangladesh
gam te in Islamic makaai Abdul Qader
Mollah 12/12/13 ni In akhailupna hang in mipi lungkimlo a, 12/13/13 ni in
nasiatak in lungphona nei in
inn,vanzuakna sai te haalgawp uh ahihman in mi 4 si in pawlkhat liam uhhi.
·
USA
gam Colorado state ,Denver khuapi sung aom Arapahoe
High School ah sangnaupang asia tetung a heh khat in 12/13/13 ni in sangsung
kaap a, numei khat nasiatak in liam in
thaukappa amah le amah kithat hi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi