Tulaai Leitung Thuthang
tuamtuam updates Dec 12, 2013
Tuni peen USA gam leitang
kasiik zawh kum 5 acina ni hi a kum 5 sungtawn tung USA leitang tung ah
gualzawhna hongpia ibiak Pasian min kaphat hi. Tuaban ah USA gam katun
theihnading a thu ongngetsak Ka Tuun le Ka Zua , Pianpih sang gam u le nau te , Zomi pih akua maciat leh kum 5 sung
kateenna Bowling Green, Kentucky ah nuamtak kakhawl theihnading a onghuh Rev
Zam Suan Mung te innkuan tung ah lungdamna thu kako hi.
·
Qatar gam Doha khuapi a pawisiim Kawlgam Democracy makaai Daw Aung
San Suu Kyi 12/12/13 ni in Kawlgam
Yangon khuapi cidam in tungkikta ci in NLD zum te in taangkokhia uhhi.
·
Bangladesh kumpi langpang Jamaat-e-Islami
party makaai Abdul Qader Mollah 12/12/13 ni in kikhailumta hi ci in Bangladesh kumpi thuneite in
taangkokhia uhhi.
·
Singapore gampan kihawmkhia The Straits Times te in 2013 kum Asia gamsung a Makaai lamdang
peenpeen ding in Japan PM Shinzo Abe leh China President Xi Jinping te 12/12/13
ni in teelkhia uhhi.
·
US Innpi palaai te in government shutdown aomkiknawnloh nading in
sum zat sum zeekziading tawh kisai thukhun hoih mahmah khat 12/12/13 ni in meetang
332-94 tawh thukimna neita uhhi.
·
UK gamsung a apeem te leh gambeel te kheempeuh in UK gam i hamphatna angah theihnading in mikaanglaai phi masa hamtanding a, dotna nam
100 dawngthei hamtang ding hi ci in UK
kumpi te in 12/12/13 ni in taangkokhia uhhi. ( No English, No benefits )
·
Nelson Mandela phawkna 12/10/13 ni in South Africa gam ah kibawl a , tuamun ah leitung makaai
mithang te thu gen limlahtawh ka apheen Thamsanqa Jantjie in khialgawp ahihman
in SA kumpi ten thudotding kantelding ci in 12/13/13 ni in taangkokhia uhhi.
Aman bel kakam pheen laaitak Vantungmi ongtuaksuk kamu cipong hi. Tulaai tak
Nelson Mandela luanghawm khuapi laaizang Innpi te ah kikoih kawikawi a mipi aen
nuamte ki ensak ahih man in mi kiphuul ziahziah uhhi. 12/15/13 niciang Nelson
Mandela leisung ah kituh tading hi.
·
Osama Bin la den I Siavuan pa ahi Dr Afridi I sitni pa Samiullah Afridi migilo te in
suamding lau ahihmanin Pakistan gampan taaikhia hi ci in Asanggam te leh alawmte in 12/12/13 ni in taangkokhia
uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi