Tulaai Leitung Thuthang tuamtuam updates November 5, 2013
·
Kawlgamsung Pilan lamsang khantohnading ngimna
tawh pilna nei te in Pituh Hlutdaw khawmpi ah Tan 10 mikim in sin hamtangding
cih thukhun thak kikup khopding in 11/05/13 ni in puakluut uhhi. ( Amawkna
hileh bel siattuak kei )
·
Han
Ta Wa Ti U Win Tin Foundation te in Kawlgam sung a gamvaaitawh thongkia te leh
atate uh ahi mi avekpi kigawm 591 te pilna sin nading in sum leh paai tawh huna
11/05/13 ni in kipan ta uhhi.
·
Kawlgam
sung ah Gaalkaap thukan phuatkik nading Pithungsuh Kumpi tung ah puak ding in
Yangon huam Mipi teel palaaite in 11/05/13 ni in thukimna ngahkhinta uhhi.
·
Taiwan
gam bulphuh Taiwan Foundation for Democracy te in kumsim a apiakden uh Asia
Democracy and Human Rights Award minphatna peen tukum 2013 ading in Karen minam
mihing zaleenna vaanpawl ahi KHRG te 11/04/13 ni in teelkhia uhhi.
·
Kachin
gam Mitkyina khuapi a kibawl Mualtungmi thautawi pawl 17 te leh Kawlgam kumpi
te thukikupna 11/05/13 ni in mata uha, thukimna nam 6 suai akaih khit baan uh
ah ongtungding December khasung in Karen gam Ba-an khuapi ah kikupkik ding in thukimna
nei uhhi. Hih Khawmpi ah UN pan Vijay Nambiar leh Sen gampan Ulian khat zong akah
ahihi.
·
Leitung
ah anihna gam ahi India gam te in
Leitungdang khat icidiam Mars tung
ah ni 300 akaaiding mituanglo Vandawn khualzin khat 11/05/13 ni in gualzo tak
in India gam khanglam Sriharikota tuikulh pan lawnkhia thei uhhi. Hih
leitungdang khualzin vankhualzin na peen USA te bek in khahkhia pan uhhi. China leh Japan bang hih Mars tung kahding hanciam mahmah taleh tungzo
naailo uhhi.
·
Bangladesh
kumpi thukhen zumpi te in 2009 kum a mithahna tawh akizom gaalkaap 723 lak ah 152
te 11/05/13 ni in thahlup ding in thukhen uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
