Tulaai Leitung Thuthang tuamtuam updates November25, 2013
·
India
gam Mizo Ram state sung ah kiteelpi na 11/25/13 ni in kipan ziahziah ta a ,
December ni 9 niciang in kua in zo kua in le cihte taangkokhiatna neiding uhhi.
Mee khia te lak ah Champhai pan nupi Kimchawngi kum 104 khat kihel a Mizo gam
meekhia lak a ahaampeen in kiciamteh hi.
·
Kawlpi
khuasung San Myo leh Tet-Oo-THida veengte ah KTV ( Karaoke Television ) tamlua
zukham, annkham tamlua, Numei paktat tamlua, gamlumlua ahihman in Vengnih
khuasung makaaite in kumpi tung khia ta le uh amau zong a utseem ahihman in
thudon lo uh ahihman in asawtlo in nasia tak in mipi lungphona neiding in
geelna nei uhhi.
·
Kawlgam
President U Thein Sein Philippine President pa sapnatawh Decembe 4-6 sung
Manila khuapi ah ngaihhawhding hi ci in Philippine Foreign Minister zum te in
11/25/13 ni in taangkokhia uhhi.
·
Thailand
gam Bangkok khuapi sung ah Thailand
Prime minister nu adeihlo mi Saang 2 leh adeih mi 50,000 te in nasia tak in lungphona nei uh a, Bangkok
khuapi sung a om kumpi zumpi te sung ah luut in sim uh ahihman in Thailand
Prime Minister Yingluck Shinawatra in kikepzia ding thukhun thak khungta hi.
·
China
gamte in Japan gamtawh abuai pihden uh Senkaku tuikulh tung ah Vanlam gamgi
akhunna thu 11/23/13 ni a ataangkokhiat nasung ah Japan te gamgi keek ahihman
in kinaak heh mahmah a kibuaiding hi ci in Japan Prime Minister Shinzo Abe in
11/25/13 ni in Japan Parliament ah genkhia hi.
·
USA
leh Australia gamte in Singapore leh South Korea gamte khut zang in Asia gam
sung adiak in Indonesia, Malaysia gam te thu kansim cih thuthang hang in Malaysia
kumpi te in Singapore kumpi te 11/25/13 ni in sam uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
