Tulaai Leitung Thuthang tuamtuam updates November26, 2013
·
Nung
November 15 ni a Hakha khuapi akibawl Khalkha Chin khawmpi sung ah Numei
kipawlna Chin Women Organizations
Network (CWON) phutkhia uha, hih CWON in 2014 kipat lam ah gamsung gampua aom Chin numei teng kaaikhawm in Conference
pi khat bawlding hi ci in 11/26/13 ni in taankokhia uhhi. Hih Khalkha Chin
khawmpi ah Zomi sungpan Pasal puandum silh lenlan pawlkhat kihel uhhi.
·
UNDP
leh NGO pawl 6 kipawl in Khalkha lam khua 30 ah November khapan March 2013 dong
Khaituhdan leh Khaici leh sum le paai khuakhat $4,000 ta huhding ci in Khalkha
khua sung ah om UNDP zumte in 11/26/13 ni in gen uhhi.
·
Kawlgam
Democracy Makaaipi leh NLD makaaipi Daw Aung San Suu Kyi Australia gam ah
ngaihhawhding in 11/26/13 ni in Yangon khuapi pan leengkhia diaidiai ta hi. Sydney
Khuapi sung aom Sydney Opera House ah University thum kigawmtuah lukhu neelkaai
piakna ah thugenna neiding a tuakhit ciang AU Kumpi lam uliante tawh kimukhawm
ding hi.
·
Ongtungding
December 2-7 ni sung LEitung bup sumkipawlna IMF ah Makaai liankhat ahi Christine
Lagarde LEitung a sumzonna khantohna ah a 13 na gam ahi South Korea, Cambodia
leh Kawlgam te zinding a December 6,7 sung Kawlgam ah paiding hi ci in IMF 11/26/13 ni in taangkokhia hi.
·
Japan leh China gamte akituh niloh na uh ahi East
China Sea teng ah China gamte in Japan te zawhthawhbawl in Vanlam gamgi akhun
nahaang un South China Sea tungteng ah USA te in B52 Bomb guahbang ah azusak Gaalvaanleeng nih 11/25/13
nipan kipan lengsak hiamhiam uhhi ci in Pentagon gaalphualpi te in taangkokhia
uhhi. China gamte avau na uh cihna zong hinapi China gamte tudong pau ngam lo
in aimitdeh bangcip uhhi. Hih mun teng ah vanleeng aleengsak nuamten China
tekiang ngenkhol zasak kholding ci in China ten taangko himah leh US ten thupi
sikdeklo in leeng hiamhiam lel mawk uhhi.
·
Bangladesh
gam te in January 5,2014 ni kiteelpi na kipanding hi ci in 11/25/13 ni in
ataangkona hang un mipi lungkimlo in
11/26/13 nipan lungphona nasiatak nei bekthamlo in hiamgamtat na lian semsem
ahihman in mikhat si in 10 vaal liam uhhi.
·
Thailand
gam Bangkok khuapi sung ah Thailand Prime Minister Yingluck Shinawatra apan
munpan akhawlding ngeen in mipite lungphona nasia semsem a Bangkok khuapi sung
a om kumpi zum tampitak 11/26/13 ni in umcih mang uhhi.
·
New
York khuapi sung ah 11/26/13 ni in Late Laisiangtho sung 1640 kum a kitei leh Hebrew pan English akitei
masapeending aki um laibuno khat $14.2 million khawng uh a, Leitung ah laaibu tamman peen akiciamteh hi.
·
Haiti
gammi gaaltaai tembaw leet liang a tuang mi 100 bang pua Tembaw khat 11/25/13
ni in Bahamas gamsung tuipi tung ah kibung a US tui
gaalkaap leh Bahamas tui gaalkaap ten vedelh pah in mi 13 Helicopter tawh
honkhia zo in mi 30 bang siding hi ci in Bahamas thuneit ein genkhia uhhi.
·
India
gam Andhra Pradesh state leh Orissa state
te huihpi leh guahpi kithuah in anawkding hita hi ci in meteorological department te in
taangkokhia ahihman in hih state nihte a om mipi te kumpi te in hemkhia
zengzeng mai uh a, mihuhding in gaalkaap 400 leh Helicopter 4 akigingsa in koih
uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi