Tulaai Leitung Thuthang
tuamtuam updates November1, 2013
·
Zomi
te in Mikaangte ongbawlsak Zolai
ineihzawh kum 100 cinna Jubilee Kawlpi khua Tahan tuiphum biak innpi ah
nopcitak in October 30-November 3 ZCLS
makaihna tawh akibawl laaitak ahihi.
·
Ongtungding
November 4-5 sung Pyidawtha khua Tuiphum Biak innpi ah ZCLS makaihna tawh Zolai
tawh laai kihawm tuamtuam te pan Editors te, Zolai kum 100 pawl makaai te leh
Lailam uk kheempeuh in thukikupna neiding uha, Zin atawmpeen mi 80 bangding in
kilam en hi.
·
Kawlgam
sung kachin state Laiza khuapi nawl a om
Kawlgambup saangnaupang gaalkaap
ABSDF saklam te phualpi ah Kawlgam bup saangnaupang gaalkaap omzawh kum
25 cinna Silver Jubilee 11/01/13 ni in nopcitak in bawlziahziah uhhi.
·
Tulaaitak
Kachin gam Laiza khuapi a UNFC kici mualtungmi thautawi kipawlna khawmpi
ongtaksuak in kawlgambup gamvaai kikuptheihnadong ongtun baan ah November khasung
in Kawlgambup kilemna suaikaihna dong ongpiangding in kalam en hi ci in Kawlgam
President U Thein Sein in 11/01/13 ni in Kawlgam Radio pan in taangkokhia hi.
·
Kachin
gam Laiza khuapi akibawl UNFC kici Mualtungmi thautawl makaaite khawmpi
anithumna 11/01/13 ni in nuamtak in
zothei uh a, Kawlgam kumpi tawh kihociang thusunziading kithukimna hoihkhat
ngahtheita uhhi. Tuabaan ah Kawlgam kumpite tawh kihociang UN te leh China te
atheihpihding in sappeelmawhding in khensatna nei uhhi.
·
American
Gaalvanleeng Drone kici ahawlpalo tuithe vaanleng te simna hang in Pakistan gam
sung a kibusa Taliban makaaipi Hakimullah Medsud leh adang mi 3 November 1, 2013 ni in Waziristan state , Miram Shah khuano ah si hi
ci in Pakistan thukan te in genkhia
uhhi. US te hipa omna atheihnading un $1,000,000 sumpia in acial uh ciang
athatlumzo uh ahihi.
·
USA
gam Los Angelis Vanleeng tualpi ah 11/01/13 ni in tangvaalno Paul Ciancia kici
kum 23 khat in miphial kaap a, Ulian mikhat si in pawlkhat liam uhhi.
·
Sumvaai
a gamdang ah avabu Thailand Prime Minister luui Thakson Shinawatra agam
aciahkiktheihnading thukhun thakkhat Thailand Lower House pan palaai 500 in nai
19 sung akinial khit uhciang 11/01/13 ni in thukimna khat ngahta uhhi.
·
China
gam sung ki uk tuamna angah Guangxi sung ah puakphangphang bawlna company pi
khat 11/01/13 ni in meikaang a, 11 si in mi 17 naakliam hi ci in state media in
genkhia uhhi.
Laai mal&ani akha kikhial kha aom
leh ngaihdam bawm ah ong na khiatsak un maw
Thang Khawm Pau Zomi
http://buanli.blogspot.com
