Tulaai Leitung Thuthang tuamtuam updates August 20, 2013
·
Zomi
gam Zomi ongtawi saang leh gualtawh tanbang ongkimsak ahi Zomi te neihsun
Political Party ZNC-ZCD Pasian I ong ompihna hang in tunitan mangthanglo in
dawi havangkaal ah Silver Jubilee lathei tading cihthu ZCD phualpi pan kiza hi.
ZNC-ZCD Silver Jubilee pen ongtungding October 24 ni in Zogam khuapi Tedim ah
nasiatak in kibawlding a gamsung gampua Zomi it kipawlna, Makaai nautaang te
kimtak in kisam ding hi.
·
Zomi
Zogam I neihsa leh Go manpha peen ahi Guulu mual sahaang kamsung atunding
aphallo WZC te makaihna tawh Zomi Zogam a it khangno kheempeuh in ongtungding
August 23,2013 ni in USA gam Washington khuapi China palaai zumpi maai ah to kei un ci in
kitomna lungphona nasia tak neiding cih thu WZC tungpan kiza hi. Ahi thei
zahzah pai hamtangding kisam hi.
·
Kawlgamsung
ah Biakna namkim tui le nga bang a teenkhop theinading ngimna tawh biakna
namkimpan makaaite 8/20/13 ni in Yangon khuapi sung a om Karen Tuiphum biak
innpi ah kimuhkhopna khat nei uhhi.
·
2012
kumpan akizang Kawlgam sung lokho mitetawh kisai thukhunpi , lokho mite ading
in phattuamna aom thukhunpi hoihkhat tawh laihtohding in 8/19/13 ni a kibawl Kawlgambup lokho mite khawmpi pan
khensatna tawh 8/20/13 ni in kawlkumpi tungah ngetna nei uhhi.
·
Amyotha
Hlutdaw ah kikupding a kipuakto Mihing zaleenna thukhun pi tawh kisai
thukikupkhop kholh na khat Yangon khuapi YMCA Hall pi ah 8/20/13 ni in kibawl a
Yangon khuapi sung a om gamdang palaai zumpan uliante, Mihing zaleenna lam
naseemte,India gampan Mihing zaleenna lam naseemte kah uhhi.
·
Kawlgamsung
mihing zaleena akankhia UN palaaipi Mr Thomas Ojae Quintana kawlgam sung
akhualzinna a ni 8 na ni 8/19/13 ni in Mithila khuapi pai a khuanu khuapa te in
tangkha tui awm na hawpsak uhhi. 8/20/13 ni in Vuanzi U Aung Myint leh U Soe
Thein tawh kimuding hi. Zogam sung zong ongzinkhin a Zomi te teenna teng
ongnawknuamlo himah tase leh Zomi ten lungkimloh nameel zong kitheinaailo
suakphot hi.
·
Egypt
gam ah Mohamed Morsy President thuneihna
akilaakkhiatsakna haangin lungkimlo in lungphona Morsy adeih Muslim Brotherhood
party te makaihnahaang in tuniciang mi 700 vaal sita a, kumpi lamte in
lungphona anei mipite ahawlmangkhit ciang Muslim Brotherhood makaaipi Mohammed
Badie kum 70 ( 8/20/13) ni in man uhhi.
·
Pakistan
gaalkaap maang makaaipi luui (Pervez
Musharraf) 2007 kum a kumpi langpang makaaipi Prime Minister luui (Benazir Bhutto) kithahna
ah kihel hi ci in 8/20/13 ni in Pakistan gam Rawalpindi thukhen zumpi te in mawhmat uhhi.
·
Brazil
gam ah 2014 ciang a tungding World Cup tukpeeng kimawlna etnading letmat
8/20/13 nipan Fifa's website tungtawn in kileitheita hi ci in Fifa te in taangkokhia uhhi. Tiket peen 3.3
million ciang kizuakding ci uhhi. Zomi a kihelnuam te ading in tiket leh vanman
anuai abang ahihi.
The Price of Football - World
Cup 2014
Ticket: £58-£112
Final ticket: £281-£632
Hotel: £146-£797 per night
McDonald's meal: £11
Average dinner: £29
T-shirt: £13
Sun cream: £9.50
Water: £1.28
Imported beer: £3.83
Domestic beer: £1.91
Coffee: £2.55
UK packages range from £2,999 to
£14,999
·
Israel leh
Palestinian te gamnih kilemna thu akikup laaitak un adeihlo Palestine mipi te
in West Bank nitumna lamteng ah lungphona nasiatak nei uh a Israel gaalkaapte
khenkhapna pan 8/20/13 ni in Palestine mi
khat si in Palestien gaalkaap 2 leh nautaang 2 liam hi ciin Israel
gaalkaapten genkhia uhhi. Langnih kilemnading thukikupna ahihleh zomtoto laai
uhhi.
·
Nung Sunday ni
8/18/13 ni pan Philippine gam Manila khuapi sung ah guah nasiatak zu ahihman in
tuicin tung a 8/20/13 ni in khuapi sung 70% tui in tum in pi 5 tabang thuuk hi
ci in Philippine kumpite in taangkokhia uhhi. Tua ban ah mi 7 sikhinzo a mi 130,000
vaal in a inn alo te uh nusia in taaikeek mang uhhi. Russia gam ah zong tuicin
tung a mipi 20,000 vaal in inn le lo nusia in taaikeek uhhi.
·
USA gam New Jersey
aom Naval Weapons Station Earle kici US
te gaalvankholna phualpi 8/20/13 ni zingsang in puakkham a mi 9 liam in khat
naakliam mahmah hi ci in thuneite in taangkokhia uhhi. Ahang akikan saanlaai
tak ahihi.
·
USA gam I Vice
President pa Joe Biden tapa Beau Biden (attorney
general of Delaware) thaneem zawngkhal natna tawh Texas state Huston zatopi ah 8/20/13
ni in kipuak hi ci in Vice President pa tanu pawl in taangkokhia uhhi.
·
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdawmbawm ah nongnakhiat
sak un maw
Zomipau
ZomiTV.com na hawh peelmawh un