Tulaai Leitung Thuthang tuamtuam
updates August 19, 2013
·
Kawlgambup a om lokho mite kheempeuh in Yangon
khuapi sung a om 8888 kilemna leh thutang zumpi ah khawmpi khat 8/19/2013 ni in
bawl uh a, muntuamtuam pan apai lokhomi 300 khawmpi kah uhhi. Hih khawmpi ah
adiak in lokho mite hamsatna, supna baina leh maailam kalsuanziading kikum uh a
zing 8/20/2013 ni kikum laaiding uhhi.
·
Kawlgamsung ah gamvaaitawh thongkia lui
kheempeuh in 8/17/13 ni in khawmpikhat Yangon khuapi ah bawlkhawm uh a,
tulaaitak a thongkia laaite leh thongkia luite innkuanpih te panpih zawhnading
in kawlgambup thongkialui kipawlna congress khat phutkhiatding in thukimna nei
uhhi.
·
Kawlgamsung ah Visa leiba card tawh sumlaakkhiat
theina bank 8 tawh kizom khin a bank 4 nuamtak kizangtheikhin himah leh
kawlgambup ah taangzaitak a Visa leiba card zatziahziah theihna ding in kum 3
pan kum 5 sawtlaaiding hi ci in Visa International leiba card kipawlna te in
8/19/13 ni in genkhia uhhi.
·
Kawlgamsung mihing zaleenna kankhia palaaipi
Thomas Ojae Quintana Shan gam azin laaitak hi a 8/18/2013 ni in Lasho khuapi a om Islam biakna makaaipite
tawh kimuhkhopna nei uhhi. 8/19/13 ni ciang khuanu khuapa kipawlna tuamtuam te
tawh kimukhawmding uhhi.
·
Kawlgamsung ah laaigelh siam minthang mahmah
Dagon Taya Kum 65 ateenna Shan gam Aung Pann khuapan 8/19/13 ni in lam etlohpi in
leitung nusia a August 21 niciang Aung Pann khua ah kivuiding hi.
·
South Korea gam te leh American gam te in kumsim
phial a aneih uh kipawlkhawm a gaaldo kisinna peen 8/18/13 ni in S Korea gam ah
kipan ta uh a Ulchi Freedom Guardian cih
minpuasak in gamnih kigawm gaalkaap 80,000 kihel uhhi.
·
India gam Bihar state Patan khuapi pan km 160 Na a om Meileeng khawlna khat ah 8-19-12
ni in Meileeng nih kitaih a mi 22 si hi. Meileeng a kitaih khit ciang meileeng
Tung Tuang mipi te meileeng hawlpa Tung lungkimlo ahihman un tuakkhia in
meileeng hawlpa asaatlup ban uh ah meileeng Haal uhhi.
·
Egypt gam sung Sinai Mual kuui ah 8-19-13 Ni in
thautawi pawlkhat I ambush Na haang in Egypt Palik te 24 si hi ci in Egypt
Kumpi zumten pulaakkhia uhhi. Tulaai tak Egypt gam abuaimahmah laaitak hi a
tukha sung bekbek in tualthahna nasia tak
in Piang in mi 700 Vaal Sikhin Ta hi.
·
USA gam te neihsa Ellsworth Air Force Base B-1 Bomber gaalvanleeng khat USA gam southeast
Montana ah 8/19/13 ni zingsang in lam et hetloh in kia a atung a tuang mi 2
tawm tuak liam uhhi ci in AFB te in taangkokhia uhhi. USA gam te in hih B-1
Bomber gaalvaanleeng te 60 nei laai veve cizen hi.
·
Nung Friday ni 8/16/13 ni a Philippine gam a
kibung Tembaw pi hang in 8/19/13 niciang misi 55 phata a, 65 mangthang laai in
750 kihonkhia zota hi ci in Philippine
kumpi thuneite in 8/19/13 ni in taangkokhia uhhi.
·
USA gam ah federal Budget cuts kici gambup
sumzatding kumpi ten $85 billion akhiapna hang un tukum Preschool (Mucu)
sangkahding naupang 51,299 lakpan 5,966 bang sukhading or kikhiamding hi ci in Administration
for Children and Families te in 8/19/13 ni in taangkokhia uhhi.
·
China gam Liaoning, Jilin leh Heilongjiang province saklam teng ah nungkaal
8/14/13 nipan kipan guah nasiatak in zu ahihman in mi 105 sikhin a 115 mangthang
in, inn 100 vaal kisia ban ah mipi 8 million in hamsatna thuak uhhi.
Tua ban ah China gam khanglam Guangdong
province sungteng Typhoon huihpi in nawkgawp ahihman in mi 22 si hi ci in China
kumpi te in taangkokhia uhhi. Hih micimawh te huhding in China gaalkaap 3,000
kipei ziahziah uhhi.
·
Ethiopia gammi leitung bup ah lasa siam minthang
mahmah Eyob Mekonnen kum 37 konggaw
natna tawh lam etlohpi in Kenya gam ah
8/18/13 ni in leitung nusia hi. Amah peen June khasung in US, Canada, the UK leh Holland gamte ah lasa in avaakkawikawi zolaai
khat ahihi.
·
Asia-Pacific huam ah amasapeen leh leitung ah gam 14 na neihkibang kiteentheina aphal ahi
New Zealand gam ah 8/19/13 ni in neihkibang mopawi nasiatak in kibawlding a
neih kibang sitset nupa kop 31 khat in mopawi nasiatak in bawlding hi ci in New Zealand gam Department of Internal
Affairs te in taangkokhia uhhi.
·
Russia gam Amur region Blagoveshchensk khuapi kiim teng ah 8/19/13 ni
in nasia tak in tuicin tung a mipi
20,000 vaal muanhuai na mun ah buknading mun 166 lamsak in Russia kumpi te in
tuah hi. Tuaban ah tuicin tuna hangin
sumtang in 91 million Russia kumpi in suplawh hi ci in the Itar-Tass news
agency in genkhia hi. Tua ban ah hihbang tuicin tuna tuma kum 120 nungsiah
akhatveina hi ci I n genbeh hi.
Thuumna: Laaimal kikhialkha leh
laaimal kilawmlo, ani akha akituaklo kha akipan kisapna tuamtuam aomkhaak aleh
ngaihdawmbawm ah nongnakhiat sak un maw
Zomipau
ZomiTV.com na hawh peelmawh un
