Tulaai Leitung Thuthang
tuamtuam updates September 30, 2013
·
Kawlgam
sung ah Buh tang ahoih theipeen a
thohtheih nading ngimna leh atam theipeen buhtang ngahtheihnading ngimna tawh
Japan gamte neihsa Mitsui company te in
US Dollar 100 million zangkhia in nasep kipanding ci in Kawlgam Buhtang zuak
kipawlna te in 9/30/13 ni in taangkokhia uhhi.
·
Kawlgam
sung Mualtungmi thautawi teng leh Kawlgaalkaap thautawi te kikaal kawlgambup
huam in kilemna thukimna aomtheihnading in UNFC kici Mualtung mi thautawi te
kigawmkhopna in thautawi pawl khat khit khat ngaihsutna alaaklaaitak hi ci in
UNFC makaai U Khon Oh Ka in 9/30/13 ni in genkhia hi.
·
S
Korea gam leh USA gam te kilawmtaatna kipsakna lahna leh S Korea gamsung
adaihnading ngimnatawh US Defend Secretary Chuck Hagel 9/30/13 ni in S Korea
gam sung vatung a , S Korea Prime Minister Kim Kwan-jin tawh Korea saklam tawh gamgi Panmonjom khuano ah vavaak hialhial uhhi. N
Korea ten ahihleh apaipai na uh lauthawng tak in encik gige uhhi. Mr Chuck Hagel tuni mah in S Korea
President Park Geun-hye tawh Soul khuapi President innpi
ah kimukhawm ding uhhi.
·
China
gam Guangdong Province khanglam South China Sea tung ah gunkuang 5 tawh ngabeng
a nuamtak a om liailiai mi 171 te alam etloh laaitak un Typhoon storm ( hiuhpi
leh guahpi ) in 9/30/13 ni in nawkgawp ahihman in mi 74 tuitung ah mangthang hi ci in China thuneite
in genkhia uhhi.
·
USA
gam Chicago khuapi nawl ah 9/30/13 zingtung in meileengpi 2 nasiatak in kiphuulkha a
mi 48 naakliam pian ahihman in thakhat
in zato kipuak pah in asi bel omliang kei ci in Forest Park, Illinois uliante
in genkhia uhhi.
·
Mexico gam Monterrey khuapi sunga om RC biak
inn khat 9/29/13 ni mipi 200 akikhop
laaitak kicim in naupang kum 10 khat si
a mi 20 liam uhhi. Hih biak Inn pi peen akilam saan laaitak akizo naailo hi a
guahtam luatna hang in akicim ci uhhi.
·
Leitung
ah setvan lama minthang mahmah ahi Toshiba company te in TV bawlna ah supna
lianpi tuak uh ahihman in naseem mi 3,000 khiamding ci in 9/30/13 ni in taangkokhia
uhhi. Toshiba te sumsim kumtuatna tawh kizui in tukum march khaciang ah $166
million sum ci uhhi.
·
Iraq gam khuapi Bagdad khuasung Shia Muslim te
kibusakna veeng mawtaw koihnakhat ah 9/30/13 ni in bomb nasiatak in puakkham a
mi 47 si in tampitak liam uhhi. Tukum
sung bekbek in bomb puahkhapna hang in mi 5,000 vaal sikhinta hi.
·
US
Gaalkaap Maangpi nih ahi Maj.Charles M. Gurganus leh Maj. Gen. Gregg A. Sturdevant te Sept. 14,
2012 ni Afghanistan gam aom Camp Bastion
huutzawh lohna hang in 9/30/13 ni in anasepna pan kihawlsak hi ciin Marine Corps Commander Gen. James Amos in
taangkokhia hi. Sept. 14, 2012 ni in hih Camp Bastion Taliban te in sim uh a Lt.
Col. Christopher K. Raible, kum 40, leh Sgt. Bradley W. Atwell, kum 27 te asihban ah
Gaalvaanleeng $200 million manding suksiatsak uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
