Tulaai Leitung Thuthang
Tuamtuam Updates May 5, 2014
· Kawlgam kumpi kilemna Vaaihawm pawl leh KIO makaaite
ongtungding May 13 niciang kilemna tawh kisai kalsuan ziading Mitkyina khuapi
ah kimuding ci in langnih pan taangkokhia uhhi.
· Kawlgambup Muslim biakna abia mipi te I akhatveina
kimuhkhopna khawmpi ongtungding September kha sung in nasiatak in bawlding in
vaaihawm pawl in May 5, 2014 ni in Yangon khuapi ah mipi zaak in taangkokhia
uhhi.
· Kawlgam President thupiakna tawh thuvaaihawm Kawlgam
Biakna khat pan khat suahna thukhun tawh kisai in kiman siangta a mipi
theihding in kitaangkokhia ta ding ci in Committee in May 5, 2014 ni in
taangkokhia uhhi. Hih thukhun peen Buhdha biakna azui numei khat biakna
dangkhat in atenpih nop leh Buhdha biakna zin in zui masa ding cih zong kihel
ahihman Gaalkaap Bu pawlpawl leh kumpi naseem Zomi tampi ongmatsak ding uh
ahihman patauh huai simtham hi.
· Thailand gam saklam kawlgam tawh gamgi Chin District
Me Long khuakiang pan kipan in 6.0 Magnitude ahaat zin May 5, 2014 ni in ling
a, Kawlgam Yangon khuapi leh Shan gam sungdong ah thawn in liing himah leh asi
aliam Innsia losia bangmah omlo hi. Ahizong in Shan gamlam ah lingkik kha leh
kidawm ding in kumpi ten thupia uhhi.
· Gaalvaai ah thukimna nei ban ah lawmta ahi American
leh Philippine gam te in gamnih
gaaldokhawm kisinna May 5, 2014 ni in nasia tak in Philippine gam ah kipan
ziahziah ta uhhi. Hih pawipi peen ni 10 sung kaaiding a US gaalkaap 5,500 kihel
in Balikiton ci in aminpia uhhi.
· World Health Organization WHO te in leitung ah Polio
kici natna lungno kizeelta ahihman in kidawmding in mipitung ah theihsakna May
5, 2014 ni in taangkokhia uhhi. Hih polio lungno peen naupang kum 5 nuaisiah te
tung ah tubaih mahmah a neekna dawnna pan kingah thei ci hi. 2013 kum in mi 417
hih natna ngah a, 2014 kum ading kha 3 sung ah mi 68 in ngahkhin ta hi ci uhhi.
· Nigeria gam Chibok High school sangnaupang nungakno
230 Boko haram migilo te in April 14 ni
a amat uh tunidong Nigeria kumpi te in
honkhiazolo lungmang in aomlaai tak un, Kazuak mang tading uh ci in Boko Haram
migilo makaaipi Abukabar Shekau in May 5, 2014 ni in taangkokhia hi.
· Hongkong gam nuailam Po Toi tuikulh kiang ah Tembaw
naseem 12 atuag Cargo Tembawpi khat May 5, 2014 ni in kibunga, mikhat nga
bengten nahonkhia man in mi 11 tudong kimuzo naailo hi ci in Xinhua thukizaakna
in genkhia hi.
· Ukraine gam nisuahna lam a om Sloviansk khuapi sung ah
Russia deih thautawi te leh Ukraine gaalkaap te May 5, 2014 ni nasiatak in
kikaap uha, Ukraine deihthau tawi 30 vaal si in Ukraine Helicopter khat
kikapkhia in gaalkaap 4 kaaplum uhhi. Russia te in Ukraine gam sung Russia
kampau te kahna aw nikhat in tulsawm vei kaza uha, Ukraine gaalkaap te
akhawlkei leh kizial ding ci uhhi. NATO in bel migamsungbuai na ah akilaaihawlh
te abengkhia ziauziau ding in kigingkhin ung cileuleu uhhi.
· Rhode tawlngakna tuikulh tung ah US Circus laksiam numei
mi 20 te May 4,2014 ni kiciang in siamna alahlaaitak un pi 40 bang asana pan
amau le amau kikiasak kha uha, avek un liam in mi 9 naakliam mahmah hi.
· Nungkaal Friday ni akibung hiding a upmawh China te
Tembaw tung a tuang Pacific tuipi tung a micimawhte huhding in Arizona Base
mihonkhia gaalkaap te May 5, 2014 ni in Vandawn ah leengpah ciaiciai in
Vanlaaipan Tuipi tung ah huihlukhu tawh tuaksuk in akaangbaang China mi 2
honkhia uhhi. Avek un mi 12 hi ding in ki
ummawha, mi 4 Venezuela ten ahotkhiatna pan nih sikhin in adang 6 te
mangcip laai hi.
Lungdam
ei
Thang
Khawm Pau Zomi