Tulaai Leitung Thuthang
Tuamtuam Updates May 13, 2014
· Kawlgam sung a 2014 Census vaai naseempi ahi UN te leh
Kumpi te vaaihawmna tawh Kawlgam sung a Minam tuamtuam te tukha sung in
kimukhawm ding uha, Chin State pan in minampi nih ahi Chin te leh Zomi te
kahding uhhi. Tutung Vantung Vannuai ah Zomi kipsakna ding hun hita ahihman in
New York khuapi a kahpawl leh Kawlgam a kahpawl thugen kibat ding thupi mahmah
ding hi. Pasian in Zomi cih kammal ong thukimpih ban ah thupha ongpia ahihman
in adeihlo teng leh Satan gual lel in taaita uhhi. Hallelujah!
· May kha 17 niciang Yangon khuapi sung ah 2008 Kawlgam
thukhunpi puahvaaiding Daw Aung San Suu Kyi leh 8888 makaai Ko Min Ko Naing te
in mipi tung thugenkhiatna neiding uha UNA ai awh in ZCD te zong kihelding uhhi.
Tuaban ah athulamdang mahmah in Thongkia ngei kheempeuh zong thongpuan silh in
vakihel ding uhhi.
· KIA leh Kawlgam kumpi kilemna bawlpawl thukikupna ah
langnih kikapna te enkik a langkhat pan mi 5 ta aencik ding pawlkhat bawlding
in May 13 ni in kithukimna ngah uhhi.Hih langnih kimuhkhopna ah China pan Wang
Ying Fan leh UN pan Ms Mariann te leh NCCT te kihel uhhi.
· South China Sea sung a China ten meitui atawhna tawh
kisai in akiim apaam mun leh mual neite zawhthawhna ahihman in kilawmlo hi ciin
US state Secretary John Kerry in May 13, 2014 ni in gen a China in apau kidawm
hen ow ci in dawnkikpah saisai uhhi.
· Maikha sung Brazil gam a kibawlding World Cup tawh
kisai in Mexico gam a Dawi Kamsang Antonio Vazquez in May 13, 2014 ni in
mangmuhna nei a , Amangmuhna sung ah tukum Brazil te in akhatna ngahding uha
ahizong in Buaina omtoto ding ci in genkhol hi. Hih Kamsangpa peen hibang a thu
amuhkholh zawh sawtsimta a atamzawbel man sam in mankhinlo ci uhhi.
· Turkey gam Manisa province Soma khua kiang a om Sik
tawhna khuk khat May 13, 2014 ni in puakkham ahihman in 12 si in 300 vaal kivuk
cip ahihman in kumpi thuneiten azon saanlaaitak uh ahihi.
· Ukraine gam nisuahna lam aom Donetsk kuamteng Ukraine
gampan suakta ta ci in Russia deih thautawi ten ataangko zawh nikhat ni May 13,
2014 ni in Ukraine gaalkaap te leh Russia deih mipi te nasiatak in kikap uha,
Ukraine gaalkaap 8 si in Russia deih thautawi mi 2 si uhhi.
· UK gam Moval leh Looe khuapi kikaal taai Khualzin Bus
pi khat May 13, 2014 ni in kibung a khualzin mi 2 sipah in 48 te naakpi tak in
liam uhhi. Bus hawlpa ahihleh Kumpi thunei ten manpah uhhi.
· Israel Prime Minister lui Ehud Olmert golh guuk neeksim nahaang in akimatna pan May
13, 2014 ni in Kum 6 sung thongkia in Liausum $289,000 pia khading in thu
kikhen ta hi.
· Iraq gam Baghdad khuapi sung a om Shia Muslim
namtawmte omna mun May 13, 2014 ni in Bomb tawh kido a mi 25 si in 80 vaal
nasia tak in liam uhhi ci in thunei te in taangkokhia uhhi.
Lungdam
ei
Thang
Khawm Pau Zomi
