Tulaai Leitung Thuthang Tuamtuam Updates March 6, 2014
·
USA gaalkaap lamte in gaalvaaitawh kisai Innpi
palaai ah thusunna March 5,2014 ni in nei uha, North Korea vaai agenkawm un
kawlgam in zong North Korea gamte tungpan gaalvan leiden laai dingthu pulaak
khia uhhi. Tua mah tawh kizawitawn in Kawlgam Gaalkaap maang Min Aung Hlaing in
China pan Vanlaai aleeng gaal vaanleeng te kaapkhiat theihna Thaute kilei
khin tukum beima in ongpuak ding
uhhi ci in genkhia hi.
·
Kawlkumpi te in Ngapik ngian tawh 2015 kiteel ma
Mualtung miteng ongvaatsawm leuleu uh ahihman in kuamah kitawng cih omlo
hinapin, Tura U Swe Mann leh Daw Aung San Suu Kyi in March 6, 2014 ni in mipi
teel palaai te kiang ah party khat le khat kitawng kei unla kilem sawm un cipong
mawk hi.
·
Ukraine gam tawlam Crimea tuikulh aom Ukraine
thunei te in Ukraine gampan taaikhia in Russia gamtawh kipawlding in March 6,
2014 ni in Hlutdaw ah thukimna nei uhhi. HIh Crimea peen Ukraine gam hinapi in
Russia gammi atamzaw teenna munkhat ahihi. Hih thu hang in Russia tung ah
nitumna gamlamte leh US heh mahmah uh ahihman in Sumbawlna lam leh lampi
tuamtuam tawh Russia khaktan nading kikum litlit ta uhhi.
·
Suangzah a khauh leh ama thulo thu asalo gam a
kingaih sun gamkhat ahi Cuba gamte in Nitumna gamlam ahi EU gamte tawh kizom a kihokhopding thukimna
March 6, 2014 ni in neita uhhi. HIhbang thu apian theihnading in EU in heelmasa
hi a Cuba in amang suak uhhi.
·
Tuesday March 4,2014 ni in North Korea gamte in
Missile thau pi South Korea leh USA te ginna in a lot ziahziah uhleh a ki-itpih
mahmah uh leh alawmhoih peen uh ahi China gamte neihsa khualzin mi apua
vaanleeng kha dektak ahihman in tudong kibuai mahmah uhhi.
Zom toto ni ee
Thang Khawm Pau Zomi