Tulaai Leitung Thuthang
tuamtuam updates October 21, 2013
Zomi sung ah imakaaipi
khat ahi Pu Dr Chin Do Kham in ongnusiat napan in akimu thei Zomi te mabaan
1. I Makaaipi pa in ongnusia in nasa mahmah ihihman in Zomi sung makaai
kisam mahmah cih kimuthei hi.
2. A gensiasia te nangawn in I Makaaipipa ongsih taktak ciang nasa mahmah
cih peen mittang in kimu ahihman in Makaaite vaangpiak siam in gensiasia
nawnkei ni
3. I makaai ten ongnusiat taktak ciang na kisatek mahmah ahihman in adamlaai
imikaaipi te huh in panpih ciat ni
4. I makaaipi pa Dr Do Kham nasep te thupi sa in ongnusiat ciang nasa mahmah
ihihman in ama maban azom zoding ten zopsakding hang a, azom zoloding ten
anungpan tawsawn ding hihang
·
EU gam gamnga sung khualzin khia a apai Kawlgam Democracy makaaipi leh NLD makaaipi Daw Aung San Suu Kyi
in tuni 10/21/13 ni in 1990 kuma EU parliament te piak Sakharov minphatna Piantit gam Strasbourg
khuapi ah amah ngiat in vasang thei hi. Hih minphatna peen laai bek hilo in sumang
in EU sum 50,000 kipia hi.
·
Yangon khuappi Theinkan vanzuakna phualpi D sung a
vankholna 10/20/13 zaan in ginaatlohna hang in meikaang a meiphet mawtaw 24 in
aphelh ziahziah uhleh minutes 25 akuankhitciang phelhzo sam uhhi. Van kawlsum
in 500,000 suplawh uhhi.
·
Kawlgam kupi te in kiginlohlaaitak
gamvaai kikumding ongcipak kha leh cih kiginkholhna in Shan Mina te Party SNLD,SNDP
leh Shan minam thautawi SSPP/SSA saklam, RCSS/SSA khanglam cih hih kipawlna 4
teng in Shan Minabup kigawmkhopna kipawlnathak khat 10/20/13 ni in Thailand gam
ah phutkhia ta ci in SNLD Laai at pi U Sai Nyunt Lwin in 10/21/13 ni in genkhia
hi.
·
Obama Care kici President Obama I cidamna
lam thukhunthak tawh akizom ahi cidamna card online tungtawn a zuakna website
ahi Healthcare.gov October kha nikhat ni
kihong hi a mikheempeuh in leithei enthei ta himahleh Ziakaailua, account
kibawltheilo, search ibawlciang ongdawk kikpahpahlo ahihman in mipi lunghimawh
mahmah hi. President Obama in mipil misaim company te cial in ahoih mahmah in
kibawlding hi ciin 10/21/13 ni in genkhia hi. Republican mimaltawm
Palaaipi Mitch McConnell inbel hih Obama
care peen tamman mahmah a akamciambang
un naseemlo hi ci in ama tweeter tung ah 10/21/13 ni in gelh hi.
·
Titanic tembaw pi sung a kimu Guitar
neu ( Tazaw) Enland gam khanglam a om Henry Aldridge and Son company te in 10/19/13
ni in $1.4 million tawh aleinuam kidemsak uh a akidemsak asawtlo 10/21/13 ni in
khawngpah uhhi. Hih Guitar neu ( Tazaw) peen Titanic teembaw pi sung a music
makaaipi Wallace Hartley a hi a, a ang ah tawikawmsa in asi akimu ahihi.
Titanic tembaw pi peen England gam khanglampan New York khuapi zuan a mihaupi
teng khualzinna tembawpi hi a 1912 kum April 15 ni a tuikhalpi phukha a akibung
ahihi. Hih tembawpi akibut laaitak in khualzin mi 1,500 vaal si uhhi. Vanlui kizuak
lak ah ataman peen cizen ei
·
Australia gam I mimal atamteennamun
peen ahi New South Wales state sung mun
60 ah 10/20/13 nipan nasiatak in gamkaang in tudong khawltheilo in kaangtektek
ahihman in State kumpi Barry O’Farell in mipi kidawm a akuulleh kiheemkhia ding
in thupia hi.
·
China gam nisuakna saklam kuamtengah 10/21/13
ni in meilum kaai in khuazing gawp ahihman in sangte zumte kikhaak in mipi
lungkham mahmah uhhi. WHO te in cidamna nangawn sukhading zahdong in lauhuaita
ahihman in kumpi thuneiten in ahaang akankhiat mengmeng ding kisam hi ci in
genkhia uhhi.
·
India prime minister Manmohan Singh
Russia gam leh China gam nili sung taamding in 10/20/13 ni India gampan paikhia a, 10/21/13 ni in Russia
President Putin tawh gamnih gaalvan kizuak kileina vaai kikumkhawm uhhi. Manmohan
Singh 10/22/13 ni in China gamlam ah akhualzinna zomtosuakding hi.
·
Pakistan Prime Minister Nawaz Sharif
USA gamtawh gamnih kizopna vaai kikumkhawmding in 10/20/13 ni in Washington
DC ongtung a, 10/21/13 ni in Secretary
of State Mr John Kerry tawh kimukhawm uhhi.10/22/13 ni ciang in President Obama
tawh kimukhawmding uhhi.
·
Australian Capital Territory sung
parliament te in 10/21/13 ni neih kibang kiteenna tawhkisai thukinialna
aneihkhit uhciang Australia gamsung ah amasa peen neihkibang kiteenna aphal ongsuakta
uhhi. Australian Capital Territory sung ah kideidanna omlo in neih kibangte
zong kitengtheita hi ci in ACT Chief
Minister Katy Gallagher in agenbaan ah amasapeen kiteenna mopawi peen tukum
beikuan ah omding ci in lawp mahmah seisai hi. Federal thukhun in bek
tuciangciang neih kibanglo bek kitengthei cih hilaai sam hi. Dahhuai dahhuai
leitung , Thukhat ah leh Zomi te zong
omkhin sam hive hang maw cing ee
·
US National Security Agency NSA te in
Piantit gam sung a kizang phone 70.3
million te kihona kheempeuh aw nakhumsim uh ahihman in Piantit President
Francois Hollande in Obama 10/20/13 ni in phone tawh sam a bangnadeih na uh
hiam cin tawng hi. President Obama zong buai
pappap mahmah ahihman Piantit lam thuneite hihvaai kikumding in 10/21/13
ni in sam hi. Secretary of State John Kerry inbel kagammi te uh migilo te khutsung
pan ka huutna uhhi cihsan hi. US te pawlding tawm semsem ta leitung ah
Nasep
kawmtawh buailua kahihman in edit
kabawlman kei a , Khialhna aom khaak aleh ngaihdambawm ah ongkhiat sak in
naleptuah sak un.
Thang Khawm Pau ZOMi
