Tulaai Leitung Thuthang
tuamtuam updates October 11, 2013
·
Kawlgambup kilemna suaikaihna
dingtawh kisai in October 28-30 nidong Mualtung mi thautawi kumpi tawh kilemna
alasa kipawlna 11 pan makaaite leh KIO Kachin te KIO te phualpi Laiza khuapi ah
kimukhawmding hi ci in Mitkyina khuapi a phualsaat PCG kilemna vaaihawmpawl
makaai U San Aung in 10/11/13 ni in genkhia hi. Tuaban ah hihbang a mualtungmi
thautawi teng leh KIO te kimuhkhopnading
peen KIO ten kawlkumpi tung ah angetthu uh khat hi a kumpiphalna angah uh cih
genbeh hi.
·
2014 Kawlgambup milip kisimna ah O
minam thautawi kipawlna ahi UWSA te huangsung ah zong milip kisimding in
thukimna kineita hi ci in UWSA makaai nihna U Sai Samm in 10/11/13 ni in
genkhia hi. HI UWSA te huangsung ah minam 16 teengkhawm ci hi. Kawlgam
bup milip kisimna peen 2014 March 30 pan April 10 sung in akizo ding in
kisimding a hihi.
·
Kawlgam Pago Division Tawng Ngu khua
sung a om ChanMih Hotel sung ah 10/10/13 zan nai 8 leh minutes 50 pawl in bomb
khat puakkham a numei khat leh Pasal khat
si in numeikhat liam ci in Tawng Ngu palikte in 10/11/13 ni in genkhia uhhi.
·
2013 Kum Nobel Peace Prize piakding
in Leitungbup a Chemical Weapon kici
Mitampi sihtheihna gaalvan te abeitheih nading a avaaihawm pawl Netherland gam bulphuh OPCW te kikhensat hi ci in Nobel Minphatna miteelkhia pawl in
10/11/13 ni in taangkokhia uhhi. OPCW peen 1997 kumpan kiphuankhia hi a
naseemmi 500 pha in leitung 86 ah nasepna
5,000 vaal neikhin zo baan ah tulian in Syria gam ah na asepsaan laaitak uh
zong ahihi. Pakisatan gammi numeino Malala Yousafzai akilam en mahmah hiven
OPCW in ngah hiau hi.
·
China President lui Hu CIn Tawng in
Tibet minamte 1988-1992 kikaal sung in
kilawmlo pi in simmawh in lomthah hi ci in Spain gammi asuaksa Tibet minam te
in Spain thukhen zumpi ah khia uh a Spain thukhen zumte in athu sitsakding in
10/11/13 ni in thukim ta uhhi.
·
India gam nisuahna lam a om ahi Orissa
leh Andhra Pradesh states sungteng atha
haatkhia mahmah huihpi leh tuihual in 10/12/13 nikaai lam ah nawkgawpding hi ci in khuahun siam
mipilte in genkhia uh a hihman in mipi 200,000 muanhuaina mun ah kituah hi ci
in India kumpi te in taankokhia uhhi. 1999 kum in huihpi le tuihual in Orissa
state sung nawkngei khin a mi 10,000 si
uhhi.
·
Guyana gamte huangsung tuipi tung ah
sathau zong a vaakkhawikhawi USA Texas-based company Anadarko te neihsa Tembaw
khat Venezuela Navy te Guyana gam tuipi sung ah luut sim in man uh hi ci in
Guyana kumpi te in 10/11/13 ni in taankokhia uhhi.
*thusuak peen nisim hunngahlo tawh group kim ah
ongsuaksakzolo kahihman in Zomidaily leh
http://buanli.blogspot.com ah nisim kisimthei den hi*
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
