Tulaai Leitung Thuthang
Tuamtuam Updates April 22, 2014
· US gam leh Burma gampua lam aom Zomi te ading in
phattuamna ongpia mahmah ding ahi Handy Encyclopedic Dictionary (Zatnuam
Thunamkim Tongdot ) kici Zolai-Manglai Dictionary kingahta hi. Hih Dictionary
peen Dr Tg Joseph Zam Khan Thang leh Dr Lia Mercy Man Khan Niang bawl Taang
Zomi in phuah in onghawmkhiat hia ,
Zongeina ahi Tanu,Haitawi,Sasem cihte akipan Innkuan sung vanzat
tuamtuam nisim akisam teng kim mahmah ahihman in innkhat ah khat nei peelmawh
leeng Inupi te akipan English ah phattuamna tam mahmah ding in kalam en hi. Hih
Laaibu bawl Siapi thum teng zong Dr nengneng te bang himaimai lo in Laailam
kiva ngiat pil ngiat ban ah Dr Tg Joseph Zam Khan Thang bang cileeng kawlgam ah
Law tawh sangman sitset ban ah LST tawh Degree saangpi azo ahihi. Adeih ten
Taang Zomi -Zomilinguistics@gmail.com
phone 404-9904151 te ah kikan thei hi.
· USA gam April 13,2014 ni a atung KIO Makaai Bu
Gomung(Gummaw) in April 21,2014 ni in Washington DC khuapi ah thukan tetawh
kimuhkhopna nei a, Tulaaitak Kachin gam a gaalkikap natawh kisai in
Kawlgaalkaap te in Kachin minamte lausakna a geelkhol sitsetsa a akap hi ci in
genkhia hi. Tua ban ah Kachin-Kawlgam vaai, Mualtung mite-Kawlgam vaai te
kicing tak in US kumpi tung akapulaak a, Mualmi leh Kawlmi kilemnading thu
kikup sim in US ongkihelden nading leh China,Britain cihte zong gaalvil a
akihel nading in kangen ci in genkhia hi. Hihthu tawh kisai in Kawlgam kilemna
bawlpawl ahi Myanmar Peace Center te akidot leh kalaulau uh hih hi ci in alu uh
pei keei hihtuak hi. Mualtung mite ading in Pu Gomung peen Daw Aung San Suu Kyi
sang picingzaw thupi zaw suak hi. Maaikum Nobel Prize ngah khading in kalam en
hi.
· China gam Communist Party te sapnatawh Kawlgam a
Democracy Party lianpeen icihcih NLD makaai 12 te April 21,2014 ni in kawlgam
pan paikhia in China gam tungta uhhi. Ni 10 sung taampikpek ding uh cisawnsawn
hi. Tutung a peen a 4 veina hilailai ahihman in leh Democracy leh Communist
kilawmta mahmah cihpeen angaihsut huai mahmah kawlgam mailam political movement
khat ahihi. US bang hileh bel Communist peen Satan bang a angaihsun uh ahihman
atheikhate nangawn US pan hawlkhiat sawmliang uhhi.
· April 22, 2014 nipeen leitungbup in International
Mother Earth Day ( Leitungbup Leitang Ni ) ci in akiciamteh ahihi. Tua ahihman
in Kawlgambup muncin teng ah Kawlgam sung a om Singkung Lopa mun le mualte
kepding hi ci in Kiim le Paam kemcing pawl taangko ziahziah uhhi. Zomi te zong
Guullu vaai khawng laai hoih nono thu hoih nono bawl a hawmziahziah, taangko
ziahziah ding ni ahihi.
· Leitung Tukpeeng Pawlpi sung ah aminthang vangvang
Manchester United te i lamlakpi Mr David Moyes kihawlsakta hi ci in Man U te in
April 22, 2014 ni in amatheihloh kaal in taangkokhia Miau uhhi. Ahaangpeen ama
makaihsung kha 10 sung ah Man U te kiam mahmah ci uhhi. Tukumsung Mr Ryan Giggs
in lamlak photding ci uhhi.
· Nungkaal sung Korea gam akibung tembaw atuang misi
April 22, 2014 niciang 113 cingta hi ci
in Kumpi thuneite in taangkokhia uhhi. Ut a ut takeizong in 190 mangthang laai
a tuate zong aluanghawm bekmah kitawmding himawk ci in genbeh uhhi.
· Malaysia vanleeng mang zong Gaalvaan leeng leh
Tembawpi te April 22, 2014 ni in Cyclone huihpi leh tuihualpi in nasiatak in
nawkgawp uh ahihman in cimawh in India Ocean tung ah lam phangphang uhhi.
Blufin-21 kici ahawlpa lo Tembaw neu in bel tuipi sung apumawhnateng scan kawikawi a 80% bangzota ci
in Australia thuneite in taangkokhia uhhi. Tuisung Bluefin-21 ongciah kik leh
amuhna namun kizong kiding abangmah
amuhkei leh kibingkhawltading ci uhhi.
· India Bollywood numei kineihsiam minthang mahmah leh
Ngaihbaang akisa mahmah Ms Rani Mukerji kum 36
leh Italy gammi Video Film bawlsiam mahmah Aditya Chipra kum 42 te angtan huaitak in Italy gam Yash Raj Films
Studio ah kiteenna mopawi nasia tak in April 21 zan in bawl uhhi.
Lungdam
ei
Thang
Khawm Pau Zomi