Tulaai Leitung Thuthang
Tuamtuam Updates March 31, 2014
Zomi
Census tawh kisai in Kipanpan ta a,
Munkhat khat ah Zomi omkei acitawh , Mun khatkhat ah 914 atsak in Zomi atsaklo
cihbang, Munkhatkhat ah Khedaan tawh phiatkiktheihding in atsak cihbang in omkawikawi
a Zomi Census Committee te in ahunlap in nadelh pahpah in bawlphasak ngiatngiat
uhhi. Tuaban ah Zomi sung anawngkaai
pawlkhat om a tuate in midang hipeuh mahlo in Zomi tem ah adiak in MASALAH NGAPIK tawh akivaak adamlaai sunte
hiphadiak uhhi. hibang a Zomi movement anawngkaaisak kheempeuh Zomi Census Committee ten minkhum ciatciat in gawiding
uhhi. Hihtawh kisai in bangmah patauh nading omlo in tutung Zomi Census kigualzoding
hi ci in Zomi Census Committee ten genkhia uhhi.
·
Igengen Igengen ahi Obama Care tuni March 31,
2014 anunung peen ni ahihman in munkheempeuh ah mi kiphul ziahziah in kibuai
mahmah hi. Tuniciang alasavekpi mi 7million cingta a, Tuni taak 12:00am ciang
kong akikhak ding ahita hi. Itheih dan
atuamtuam in kigenciat a , ahizong in hi
Obama Care kici peen atuamdang hipeuh mahlo in state kim I Medicaid leh Insurance company kheempeuh tawh akizom
sa ahihi. Ko state in deihlo Ko state in deih cihbang aomthei hilo a US gambup
Palaai atamzaw I thukimnatawh akikipsak ahihman in US gambup ading hipah hi. Atom
in kumpi sehna khasum sang atawmzaw nangah leh amawkna in ongkipiading a,
atamzaw nangah leh leikha ding cih ahihban ah Medicaid, Insurance neisa te in
lei kuulnawnlo cih ahihi. Azenzen in tuni akipan Medicaid lah neilo, Insurance
lah nasepna pan neilo te, Obama care zong asiau lote 2015 Tax Return ciang
state kheempeuh pan Liausum mikhat $69 aliau sakding uha, hih liausum peen
tukum October kha ciang kikum kiik in hihsangtamzaw theiding acih ban ah
Liausum akipia sak mipeuh mah peen Kumpi thukhun zuilo in kiciamteh ding a
hihi.
·
Rakhaing gam Sittwe khuapi a gampua NGO te leh Khuasung mite buaina tawh kisai in UN
General Secretary Mr Ban Ki Moon in Kawlgam President U Thein Sein March
30,2014 ni in Phone set in kikup pih a, Pu Thei Sein in Hello,Hello.,Yeah.,Yeah
yeah .,Ok, No Rohingya Ok khawng cisuk mang ahihman in Mr Ban Ki Moon in
akupnop taktak thute hoih tak kumthei lo hi.
·
Kawlgam sung ah Kum 30 asawt khinsa Milip
kisimna Census ah Khua nu khuapa kipawlna tuamtuam te Adiak in Zomi sungbang ah
cileng Minam minmna hilhcianna., Zomi Census Committee cihte I panpihna
haangtawh 99% bang gualzawhna om ci in Kawlgam Immigration zumpi te in March
31, 2014 ni in taangkokhia uhhi.
·
USA gam California state Santa Barnara acihna
mun tuipi kiang ah march 30,2014 ni in Pa,Ta leh Khasiangtho tawh kituiphumna
khat om , Pastor pan tuiphum amanphet in nasiatak in
lam etloh tuihualpi ongpai in miteng nawk ahihman in pawlkhat taai a Pasal kum
43 khat tudong kimuzo nawnlo hi.
·
Malaysia Vanleeng mang kuamah in zongtheilo muzo lo ahihman in alam
ettawpna uh ahi US gam te athupipeen vanzatte zang in zong sakding in cialbawl
uha, tu in azon saan laaitak ahihi.
·
Ukraine gam kiimkawt diudeu a om Russia gaalaakp
honpi te US,Britain leh G7 te hanthawtna tawh March 31, 2014 ni inn President Putin in ongkileh kik un ci
in thupia hi.
Lungdam
Thang
Khawm Pau Zomi
