Tulaai Leitung Thuthang
Tuamtuam Updates April 18, 2014
Happy Good Friday& Ester
Sunday
Zeisu si in nithum khitciang atawhkikna Birthday 2014
kum aiding ongtung leuleu a, Kumsim kibawl den hina pin nang ., nang le nang
bangci bang in kiphawkna , thuakna nanei khahiam cih nangaih sun ngeihiam? Nang
le Kei ading Zeisu bawlsiat na gimna lianpi thuak hinapi Nang le Ken Zeisu ading bang i-thuak ngei hiam? Sihna
nangawn in leen zolo in athokik Pasian abia ihihlam thei in Angtang ikisa ngei
hiam? Mimal khatciat in Tuzan lungngaai khawm ni.
· KIA leh Kawlgam gaalkaap te kikaal kikapna April
nidong khawlnaailo ahihman in Gaaltaai mipi 5,000 phata a hih gaaltaai te
tuidawn siantholohna hang in sungpainatna thuak uhhi ci in Micimawh huh Kachin
pawl in taangkokhia uhhi.
· 2014 Kum Kawl kumthak leh Tuibuah pawi sung in misi 12
Aliam 102 leh Buaina zum kitun 116 omhi ci in Kawlgam Palik te in April 17,2014
ni in taangkokhia uha, kumdangtawh tehna in agenthamlo aomlo tawh kibang atawm
mahmah hi ci in genkhia uhhi.
· USA te in Kumtampi tak Kawlgam sumzon sumzuakna lam
akhaktan khitciang amasa peen US ten Kawlgam ah Leitungbuptawh kisai sumzon
sumzuakna zumpi hongding a June kha sung
in kawlgam zin in kipanding ci in Sumzon sumzuakna lam Vuanzi Penny Pritzker in
John Hopkins University April 17,2014 ni in genkhia hi.
· South Korea gam a kibung Tembaw hawlpa Tembaw akibut
laaitak in ahawlna sung ah omlo ahihman amasuam hicing ci in ki ummawh a,
Thukhenzum te mattheinading thu
apiakding un Tembaw lam vaaisai te in April 18, 2014 ni in ngetna nei uhhi. Mi
28 asi kimu khin a 179 ahing in kihonkhia in, 268 mangthang laai ahihi. MIpi te
in kumpi te mizon ziakaai hi ci in heh mahmah uha, Kumpi lampan ahihleh
kahihtheih zah un amanlaang kahi uh ci uhhi.
· South Sudan gam Bor khuapi sung mipi cing a om UN
gaalkaap phualpi thautawi migilo ten April 18, 2014 ni in simhuan uha, mi 23 si
in tampi tak liam uh ci in UN te in taangkokhia uhhi.
· Leitung a Mual saangpeen ahi Nepal gam aom Everest
Mual mipi a en a akahziahziah laaitak April 18, 2014 ni in kicim or Suantumte
tuuk ahihman in lamhilh mi 12 si in pawlkhat bel kihon khiazo hi.
· Pakistan gam I khuapi Islamabad khuapi a om Islam
biakna zui te I numei saang innpi khat aom Laaibu saal Library I minding in Bin
Laden ci in migilo Osma Bin Laden mintap in April 18, 2014 ni in minphuahpawi
nasia tak in bawl uhhi.
· US,Russia,EU leh Ukraine gamte in lam et huai hetlo
zahkhat in Ukraine gam nisuahna lam aom Thautawi teng hawlkhia in amatsa uh Zum
te Ukraine kumpi tung apkiksakding thukimna April 17,2014 ni in nei himah leh
Russia deih thautawi pawl in awlmawh lo in kumpi inn te banbuluh to semsem uh ahihman
kumpi tetawh nasiatak in kidodo laai uhhi.
· Syria gam Homs khuapi sung Alawite minamneu te tamteenna veeng sung Biak
Inn pi huangsung ah April 18, 2014 ni in Bomb lianpi khat puakkham a mi 14 si
in tampi tak liam uhhi.
Lungdam
ei
Thang
Khawm Pau Zomi