Tulaai Leitung Thuthang
Tuamtuam Updates April 2, 2014
Zomi leh Census
2014
Zomi Census tawh kisai in asawtlo in kizoding a tuciangciang ah 914-Zomi acih 90% bang kimutheita ahihman
in Gualzawhna kingahding ahihi. Tua ahihman in a nuai a thute Zomi ten
pilvaangtak ngaihsun a theihding ahihi.
·
Tutung Census ah Zomi ongcihpih lote peen
cihmawh lawhmawh natuakzong ongdonlo ding amagilpi bek akhualte ahihman in
gamlapi ah peeltawntung in.
·
Zomi adeihlo atamzawpeen Kumpi naseemlui
MA_SA_LA ngapik khamlah teng hi a Ngapik vive tawh kivaak ahihman in alungsim
uh Uih mahmah namsia mahmah uh ahihman in peel in asihkhit dong uh amuat a-uih
ding te a hi uhhi.
·
Tutung Zomi ongcihpih loteng peen Igaal isa
ahihpah lohhang Minamkhat sisan hikei hang ongcih uh ahihman in Biakna pawlpi,
Kipawlna te ah pilvaang in amau makaihna pawlpi kipawlna te ah kihelkei zaw in.
Thein Sein tung ongkhia lel ding uhhi.
·
Bangzah ta in Pil in asiam zong in Tutung Zomi
ongcihpih lo kheempeuh Hausa ding, makaaiding, Gamthu ah makaaiding ahizong in
Mee tangkhatzong piakding hinawnlo hi.
·
Zomi ongcihpih lo te vanzuakna , Sang Inn cihte
lah zong Zomi te paivetding kahvetding hilo hi lauhuai mahmah uh cih mangngilh
ngeikei in.
·
Tutung Zomi ongcih pih lo limlim Sia tawh Sia
lotawh avek in athugen limlim umkha peuhmah nawn kei in 99% azuau vive hicih
kimukhin ta hi.
·
Ahizong in Topa Jesu in gaalte nangawn itding
ongdeih ahihman in It zawhding peen thupi a, akisap leh zong huh a Munthuuk
piakkhol lohding hilel hi.
·
Yagon khuapi huam Tamilay khuano a ateeng Karen
minam inn 100 vaal February 2014 khapawl in kawl gaalkaap ten kokhuang hi ciin
hawlkhia mang ahihman Phungzi beel a om April 2, 2014 ni in DKBA gaalkaap ten
Karen gam ah munpiading in Mawtaw tawh puakhia uha, Karen gam leh Mon gamgi ah
Karen state kumpi ten nakhaaktan cip ahihman in asawtlo in Thau gingkikding in
kilam en a kilinglawng mahmah hi.
·
UN Kawlgam palaaipi Mr Vijay Nambiar Kawlgam kilemna mabantawh kisai kikum ding in Kachin hiamtawi KIO te phualpi
ahi Laiza khuapi April 2, 2014 ni in tungkik a KIO makaaipi te tawh thukikupna
neiding hi ci in Kawlgam UN zumte in taangkokhia uhhi.
·
Chile gam Inquique khuapi I nitumna lam tai 60 kiim teng ah 8.2 atha haat zin April
1,2014 ni in nasiatak in ling ahihman in Inn le lo tampi sia in mi 5 si uhhi.
Tuaban ah Pacific tuipi dungtoteng ah Tsunami huzong gingsak uhhi. Hih zinlinna
huhau in Numei thongkhat ah thongkia ten hunhoih nalabilbel in numei thongkia
300 taaikhia uhhi.
·
American kumpite
sapnatawh kum 50 huamsung ah akhatveina kawlgam gaalkaap maangpi nihna
Bu SWei Lwin Leitung daihnatawh kisai thukikupna kahding in April 1,2014 ni in
USA gam ongtung giap hi.
·
Thailand gam Bankok Khuapi sung a om siik zuakna
innpi sungkhat ah April 2, 2014 ni in
Leitung Gaalpi nihna laai a Bomb puaknaailo hiding a upmawh Bomb khat puakkham
a, mi 7n sipah in 19 aliam kimu a amangthang pawlkhat omlai uhhi.
·
South Korea gam leh North Korea gamte ninih sung
Thautang akilot ngekngek khit uhciang gamnih kikaal gamgi Baengnyeong tuikulh
tung ah South Korea ten Drone kici ahawlpalo vanleengneu akiakhat mukhia uhhi.
Thunei te in naakpitak asitphatphat uhleh April 2, 2014 ni in North Korea te a
ahihlam theikhia uhhi.
Ciphot leuleu ni ei Nasep kuanhun zee lei
Thang
Khawm Pau Zomi