Tulaai Leitung Thuthang
Tuamtuam Updates April 25, 2014
· April 25 nipeen Leitungbup ah Ngetphia (Malaria) natna
do ni in kiciamteh a Asia gamtuamtuam Kawlgam akihel munte ah hihnatna tawh
kinahvawh mi Awn 1,400 bang om ci in WHO ten taangkokhia uhhi. Zomi tenzong
ibuaipih mahmah natna khat ahihman in Zeisu mintawh tuni in paikhia ding hi
hang.
· Kachin gam sungteng leh Shan gam saklam ten gah April
25,2014 ni amasa peen Anti Drugs Day in ciaptehna leh pawipi khaamna
Mitkyina,KIO phualpi Laiza te ah nasia tak in bawl uh a mipi atullomlom in
kahziahziah uhhi. Ngimna bulpi Kachin gam ah khamtheih guihthei beiding gaalhi
cih mipi theihsaknopna ci in KIO ten genkhia uhhi.
· President Obama South Korea gam tungta a April 25 ni
in S Korea President Pak Geun-Hye tawh North Korea te phin khawm uhhi. North
Korea te in Nuclear asin laai ngeingei leh mawkkoih nawn mahmah kei ni mate
kici uhhi. North Korea ten bel sinding in kikhin litlit ban ah US gammi
khualzin khat napum matpah uhhi. Japan aomsung in Senkaku kici tuikulh akipan
Japan gam leh athuneihna munkheempeuh US ten abit in humding adokha peuhpeuh
dopahding ci in agenna tawh kisai in China ten zong hih Senkaku tuikulh peen
kapu kappa khang pan un ko a ahihman kuakua apauzong kangahdong uh lading ci in
April 26, 2014 in dawngkik uhhi. Tutung Obama I Asia khualzinna peen atom in
China leh North Korea phinding a ongkuan kici thei hi.
· Kawlgam ading na seemkhawm teng i amasapeen khawmpi
April 24 ni in New York UN zumpi bawlkhawm uha, UN General Secretary Mr Ban Ki
Moon in Kawlgam kumpi ten numei abuanbuan uh akhawlnading hanthawn hi. Tuatawh kizawitawn in Kawlgam numei te gaalkaap
te buanna thu UN Khawmpi ah Kawlgam numei kipawlna ai-awh in Karen minam Ma Naw
Paw in akicing in April 26, 2014 ni in pulaakkhiatna UN zumpi ah nei hi.
· Ukraine gam Russia te zawhthawh thutawh ukcip sawm
uha, Leitung gaalpi thumna kipansak nuam uhhi ci in Ukraine kaallak kumpi
thunei te in April 26, 2014 ni in pulaak uha, Tuasung mah in langnih gamgi ah
gamnih te gaalkaap te dim hethet in kineh titit ta uhhi. Russia gaal vanleeng
pawlkhat zong April 26, 2014 ni in Ukraine huangsung luut ta ci in Pentagon ten
taangkokhia uhhi.
· Palestine President Mahmoud Abbas I
party ahi Fatah Singnuaimi Hamas te in kipawkkhawm anasepding April 24 ni in
akhensatna hang un Israel ten Palestine tawh kilemnang thukikup khawlsan uha,
April 26, 2014 ni in hihte bangcih doding cihtawh kisai Gaalkaap mangpi teng
nai 6 sung thukikupna nei uhhi.
· Afghanistan gam saklam Jowzjan state sung ah April 25
ni in nasiatak in tuikhang ahihman in mi 80 si a , Inn 3,000 bang tui in
tuumcip in Inn le lo nusia in gaaltaai mi 10,000 bangpha hi ci in Kumpi thunei
te in taangkokhia uhhi.
· Iraq gam Bagdad khuapi sung Shia Muslim te
kikaihkhopna munphualpi khat ah April 25,2014 ni in Bomb puakkham ek a mi 31
sipah in adang tampi liam uhhi.
Tuni vaaisahpian in ongzekaai ing ongseisiam ta vuau
nguai te..
Lungdam
ei
Thang
Khawm Pau Zomi